Isa. 55:4 - Ebaibul

⁴ Kiirasi, abu ayoŋ eturuwo Daudi esuuda aneni a ŋituŋa, ekarikon ka ekepukan a ŋituŋa.

Isa. 55:4 Iomraidhean Croise

2 Sam. 22:44

Idau iyoŋ aiun ayoŋ alojiesyo ka ŋituŋa; idau iyoŋ apiyanun ayoŋ ikwapei ekepukan a ŋakwapin; Eketiyanakinete tokona ayoŋ ŋituŋa ŋulu sek pa ayeni ayoŋ.

Ŋikiru. 18:43

Idau iyoŋ aiun ayoŋ alojiesyo ka ŋituŋa; idau iyoŋ akituruwor ayoŋ ekepukan a ŋakwapin; apotu ŋituŋa ŋulu sek pa ayeni ayoŋ eketiyanakis ayoŋ.

Ŋikiru. 2:6

“Ewuak ayoŋ erwosit kaŋ Sion, lomukura kaŋ ŋolo asegan.”

Isa. 16:5

eruwor nai ipei a ŋiletok a Daudi erwosit, ipukae iŋes ŋituŋa ka amina a ŋina nyiryaŋiryaŋa, eruwor iŋes erwosit ŋolo ipukat anakiyookino ekepukan ŋolo iwarit akiyookino ŋolo iburiburi atipei akitiya ŋuna iyookino.

Isa. 43:10

Ebala Ekapolon, irae iyes ŋisuudae kaŋ ka ŋiketiyak kaŋ ŋulu abu ayoŋ oseu, ikotere iyes ikiyenunete ayoŋ ka ikinupete ayoŋ, ido toyenut atemar ayoŋ bon arae Akuj. Ayoŋ bon arae Akuj, mam akuj ace mam akuj ace ayai ekiŋaren, mam ace jik eyakaun ekaku.

Isa. 43:12

Abu ayoŋ olimu, oiu, ido eserau, abu ayoŋ etiya ŋun apaki ŋina amamukar akuj ace ŋinagela alokidiŋ kus; ido irae iyes ŋisuudae kaŋ.

Yer. 30:9

Nai epote ikes akitiyanakin Ekapolon Akuj kec ka eletonit a Daudi ŋolo aseuni ayoŋ aŋuna kec.

Esek. 37:24

“‘Eketiyan kaŋ Daudi iŋes eruwor erwosit kec, iyoki ikes ekeyokon epei bon. Iwuapete ikes ŋikisila kaŋ ka iwuapete ŋuna atubunit ayoŋ ecoikinito nooi.

Esek. 37:25

Iboiyete ikes anakwap a ŋina abu ayoŋ oinak Yakob eketiyan kaŋ, anakwap a ŋina apotu atapapaa kec kiboiyoto. Iboiyete ikes a nen ka ŋidwe kec ta ŋipapae kec ŋikaru ka ŋikaru. Daudi eketiyan kaŋ iŋes eruwor ekepukan kec ŋikaru ka ŋikaru.

Dan. 9:25

Aŋun, toyenu atemar ameun anapaki a ŋina alimorere atemar emaikina kinyakunae Yerusalem ka todukoe nabo, akitodol apaki ŋina ebunio ekarikon ŋolo eseunit Akuj, eyakaun ŋikaru ŋatomoniomwon ka ŋikanikaomwon ka alotooma ŋikaru ŋamiae ŋaomwon ka ŋatomonikanikapei ka ŋiomwon, edukokinio Yerusalem nabo toyakaun ŋirotin ŋulu ke etaun ka ŋarwatatain ŋuna erae ŋatabab ewuatere etaun, nai itiyao ŋun anapaki a ŋina a ŋican.

Osea 3:5

Ekaku, eboŋunete Ŋisirael, kiwara Ekapolon Akuj kec ka Daudi erwosit kec; epote ikes anakuryanu neni ke Ekapolon ka epote ikes najokis keŋ ŋirwa ŋulu esidyok.

Mat. 2:6

‘Iyoŋ Betelem akwap a Yuda, meere iyoŋ idit nooi alotaunio a ŋulu a Yuda. Anerae alotooma kon elomuni ekarikon ŋolo iyoki ŋituŋa kaŋ Ŋisirael.’ ”

Yoa. 10:27

Epupete ŋamesekin kaŋ ekaatoil, ayeni ayoŋ ikes ka ekewuapito ayoŋ.

Yoa. 10:3

Ebuni eketen ŋolo ke epuke aŋaar iŋes, iirarete ŋamesekin etoil keŋ, enyarae iŋes ŋamesekin keŋ a ŋirorwa kec, tomia ikes kiŋa.

Yoa. 12:26

Ŋini itiyae etic kaŋ, itemokino ekewuapak ayoŋ; neni ayai ayoŋ, itemokino toyai iŋes daŋ; ŋini eruwor eketiyan kaŋ, ebuni Papa akitopoloor iŋes.

Yoa. 13:13

Ikinyarito iyes ayoŋ Eketataman ka Ekapolon. Ee, iyookinito iyes, anerae arae kire ayoŋ.

Yoa. 18:37

Kiŋit Pilato iŋes tema, “Iŋes atemar irae iyoŋ erwosit a?” Toboŋok Yesu iŋes tema, “Iyoŋ ilimu atemar arae ayoŋ erwosit. Aponi ekedoun ayoŋ ka abunit ayoŋ nakwap na aŋuna a ipeibore: akiteyenun ŋuna a kire. Ituŋanan daadaŋ ŋini eyai tooma ŋuna a kire, epupi ŋakiro kaŋ.”

Yoa. 3:16

Kire, abu Akuj tomina akwap nooi, tojal tari Lokoku keŋ ŋolo donupei, ikotere ŋini enupi iŋes nyebukori, nai toryamu akiyar ŋina nyedaun.

Ŋiep. 5:24

Ikwaŋina epupyoto Ŋikristo Kristo, itemokino ŋaberu daŋ topupete jik ŋikilyok kec.

2 Ŋites. 1:8

Ebuni iŋes anasarae a ŋina ka akim akisican ŋituŋa ŋulu eŋerito Akuj ka ŋulu eŋerito Ŋakiro ŋuna Ajokak ŋuna ke Ekapolon yok Yesu.

1 Tim. 6:13

Alokiŋaren Akuj ŋina einanakini akiyar neni a ŋinibore daadaŋ ka alokiŋaren Yesu Kristo ŋolo abu kisera anupit keŋ alokiŋaren Ponitio Pilato, ekecikakini ayoŋ iyoŋ

Ŋibur. 2:10

Etemokino kire Akuj ŋina erae neni keŋ eponitotor ŋiboro daadaŋ ka erae ŋiboro daadaŋ aŋuna keŋ kituruwo Yesu ŋolo iyookino kire alotooma ŋican, ikotere eyauni ŋidwe ŋulu ka Akuj ŋulu alalak napolou keŋ. Anerae Yesu itenari ikes naiuno.

Ŋibur. 5:9

Ani kituruwor iŋes ŋolo iyookino kire, abu toruwor ŋolo eyauni aiuno ŋina nyedaun neni a ŋulu daadaŋ ekerito iŋes;

Akis. 1:5

ta aneni a Yesu Kristo ŋolo erae esuuda ŋolo ikinyomitae, ŋolo esyaunan ayarun alokatwak, torae daŋ ekepukan ŋolo a ŋirwosi a ŋulu ka akwap. Ikimina iŋes iwon, ka aŋuna ka atwanare keŋ abu itolacak iwon anasecisya yok.

Akis. 3:14

“Kigir neni ke emalaika a ŋolo ka atukot a Ŋikristo alo Laodikeya atemar: “Erae ŋakiro nu ŋuna eponito aneni a ŋolo enyaritae Amen, esuuda ŋolo ikinyomitae ka ŋolo a kire ŋolo erae akisyakinet ŋina a ŋisubuna ka Akuj.