Isa. 55:2 - Ebaibul

² Kaanukiro isitiyaere iyes ŋisiliŋa kus agyelya ibore ŋini nyerae akimuj? Kaanukiro icanicaniata iyes agogoŋu kus a etic a ŋolo nyiryamunia akimwonikina? Topupokinae ayoŋ ejok, ido kimuja akimuj ŋina ajokan ka tolakaros imujete akimuj ŋina etuman.

Isa. 55:2 Iomraidhean Croise

Ŋikiru. 22:26

Imujete ŋulu a ŋican kimwoko; ipurete Ekapolon ŋulu itopoloorito iŋes, elipi inak Akuj ikes alakara anakiyar kec a daadaŋ

Ŋikiru. 34:11

Potu iyes ŋulu etatami ayoŋ, topupokisi ŋakiro kaŋ; eketatami ayoŋ iyes akitopoloorit Ekapolon.

Ŋikiru. 36:8

Imujete ikes akimuj ŋina alalan ŋina iinanakini iyoŋ ikes. eryamununeete ikes ŋiboro ŋulu ajokak ŋulu iteleleunit iyoŋ lopite ŋolo eleleya aŋolol.

Ŋikiru. 63:5

Emwoni ayoŋ lopite ŋolo imwonia ituŋanan anasuban, ekepuri ayoŋ iyoŋ alelyani.

Awos. 15:26

tema, “Ani kiwuapa iyes ejok ŋuna irworo Ekapolon Akuj kus, ido kitiyata ŋuna iyookino alokiŋaren kaŋ, totamunito nooi akiwuapit ŋakiciketa ka ŋikisila kaŋ daadaŋ, nyayauni ayoŋ neni kus adio a ŋakisicaneta a ŋuna abu ayoŋ esicania Ŋijipitian, anerae arae ayoŋ Ekapolon ŋolo eketaŋaleununui iyes.”

Ŋakit. 1:33

Nai ikes ŋulu ekeirarete ayoŋ, eruwor ŋulu eiuna; iboiyete eiuna emam ibore einakinit ikes akuryanu.”

Ŋakit. 7:23

ŋina ikamuni iŋes togumere a ekaleŋeleŋet lotau. Alosi esorokit ŋol nen esibit ikenyit ŋini ikomae neni eyai atawuatat, pa ayeni iŋes atemar emunaari aberu ŋin akiyar keŋ.

Ŋakit. 8:32

“Tokona nai ŋidwe kaŋ, kiirasi ŋakiro kaŋ nu: Erereŋ ŋulu iwuapete ŋuna alimu ayoŋ.

Ŋakit. 9:5

“Potu kimuja akimuj kaŋ ka tomata epiini ŋolo adau ayoŋ akigur.

Ekal. 6:2

Einanakini ŋituŋa ebari ŋiboro ka apolou, ikotere ŋituŋa nyicanakinosi ibore ŋini iburit ikes alotai kec, nai nyecamakinit Akuj ikes kileilyaa ŋun analakara, ido epedori igelaanot akileile ŋul daadaŋ. Erae ŋun ŋakoŋinae ka erae ŋuna eyaunito aronis.

Isa. 1:19

Ani ca kicamut iyes, ido kiwuapa ŋakiro kaŋ, imujete iyes ŋamuja ŋuna ajokak anakwap;

Isa. 10:27

Akoloŋit ŋin, alemari ayoŋ ŋican ŋulu iryamunito iyes aneni a erwosit ka Asiriya, elemaryo ŋican aneni kus lopite ŋolo elemarere ayokot alomosiriŋ.” Itiyakin ŋun, anerae arotoki erwosit ka Asiriya alo Rimon,

Isa. 25:6

Esubakini alomoru alo Ekapolon ŋolo a ŋajoresyo ŋasuban ŋuna ka akimuj a ŋina ajokan aŋuna a ŋituŋa a daadaŋ, ŋasuban ŋuna a epiini a ŋolo abobon nooi, ŋuna ka akimuj a ŋina ajokan nooi ka epiini ŋolo abobon nooi ŋolo eliitae ejok.

Isa. 44:20

Emam atyeketait eyai neni a ituŋanan a ŋin ka ŋini enyami ekuron. Ebatasi ituŋanan ŋini itiyae ŋun ŋatameta keŋ ŋuna ka abaŋao, ido nyepedori aiun bon, kori nyepedori acamun atemar erae akuj ŋina eyakar iŋes akoŋinait.

Isa. 46:6

Eyakasi ŋituŋa ŋulu ebukununuyete egolid alocweei kec, ido kipima esilipa anakiloi kec; kipaŋgata eketyakan egolid kitiyau akuj, tosodo toryediko alokiŋaren akuj ŋin kilipa neni keŋ.

Isa. 51:1

Iyes ŋulu iwarito akiyookino, topupokinae ayoŋ, iyes ŋulu iwarito Ekapolon, topupokinae ayoŋ. Totamutu ataaba ŋina ikityakunere iyes; totamutu neni ibesere ŋamoru neni ikibetunere iyes.

Isa. 51:4

Okoe ŋituŋa kaŋ topupokisi ŋakiro kaŋ, okoe ŋituŋa a akwap kaŋ, kiirasi ŋakiro kaŋ; alosi ayoŋ akitatam iyes ŋikisila, eruwor akitub kaŋ ŋakiro anakiyookino ŋina eyauni akica nakwapin.

Isa. 51:7

Topupokisi ŋakiro kaŋ iyes ŋulu eyenete ŋuna ka akiyookino, iyes ŋituŋa ŋulu iwuakinito akitatam kaŋ lotai kus nyikuryaketa aŋuna ŋituŋa a ŋulu ikiyanyete iyes, nyikikadak iyes apaki ŋina ikiyanyata ikes iyes,

Isa. 62:8

Adau Ekapolon akikoŋ anakiloun keŋ ka anapedor keŋ a ŋina etiron ebe, “Nyainakini nabo ayoŋ ŋikinyom kus toruwor akimuj a ŋimoe kus, nyemasete ŋituŋa ŋulugelae epiini ŋolo itaunete iyes.

Isa. 62:9

Nai ikes ŋulu elemete ŋikinyom ŋul, enyamete, ido kipuro Ekapolon ka ikes ŋulu egerete ŋaraito a epiini kec, emasete epiini ŋol analapatui kaŋ a ŋuna asegak.

Isa. 65:23

Nyitiyaete ikes ikoŋin, kori nyeuruunete ŋidwe ŋulu eryamunete ŋican, anerae eruwor ikes ŋiletok ŋulu iterereŋit Ekapolon kaapei ka ŋipapae kec.

Yer. 12:13

Apotu ikes toekis ŋikinyom ŋulu ikote erau, nai alemut ŋikukwa, apotu ikes kitiyata etic ka agogoŋ, nai mam ibore aryamut. Aŋuna ka aŋoit a ŋina a Ekapolon, mam ibore elemunete ikes alomanikorin kec.”

Yer. 17:24

“Nai ani kiirasi iyes ŋakiro kaŋ, nyiwokut idiobore kitorunioto lopukei a etaun a lo akoloŋit ŋina a Sabato, nai kitopoloosi akoloŋit ŋina a Sabato erae akoloŋit ŋina asegan, ido nyitiyata etic edio akoloŋit ŋin,

Yer. 2:13

“Anerae etiyata ŋituŋa kaŋ ŋaronisya ŋaarei: Akaesikis ikes ayoŋ, ŋolo ekoni aneni kec eitanit ŋolo a ŋakipi a ŋuna eteyarak, ido aboka aŋuna kec ŋakare ŋuna ebaabaato, ŋuna nyepedorete ŋakipi ayakau tooma kec.

Yer. 31:14

Ainakini ayoŋ ŋisacaradotin akimuj ŋina ajokan ka ŋina alalan, imwokete ŋituŋa kaŋ a ibore a daadaŋ a ŋini iitanito.”

Osea 12:1

Erae ŋakiro daadaŋ ŋuna itiyaete ikes ŋakoŋinae, iwuapito ikes ŋipitesyo ŋulu ka abaŋao apaaran jwii. ido iasete alyokonu ka aryenyeo neni kec, acamunosi ikes ka ŋituŋa ŋulu ka Asiriya, ido iwokonorete akimyet Ijipit.

Osea 8:7

Eeyanakinete ŋituŋa a Isirael ekuwuam ŋolo ekusi iwadio lomanikorin kec, aŋun, elemunete ekuwuam ŋolo ekusi nooi kipiripiri, nyesuronorete ŋikinyom alomanikorin kec, emam akimuj eryamunio alomanikorin kec, ani kerae toraunito, keponito ŋituŋa ŋuluce alemar.

Abak. 2:13

Etiyata ŋituŋa ŋulu ikamasi iyes etic ŋolo a ikoŋin, anerae ibore daadaŋ ŋini etiyata ikes, icunyaryo, Ekapolon ŋolo Etiron iŋes itiyae ŋun.

Mat. 15:9

Nabo ilipete ikes neni kaŋ koŋin, anerae itatamete ikes ŋitalyo a ŋituŋa esibit ŋulu ka Akuj!’ ”

Mat. 22:4

Kiyakiya nabo ŋipi keŋ ŋice, alimokin ŋulu anyaritae nasuban atemar, ‘Etemok ayoŋ akimuj, aarit ŋimoŋin ka ŋitak ŋulu atumak, etemokin ŋiboro daadaŋ; potu nasuban!’

Mat. 5:6

Erereŋ ŋulu iitanito nooi aanyun ŋuna ka akiyookino; einakini Akuj ikes ŋuna iitanito.

Mar. 7:14

Tonyarau nabo Yesu ŋituŋa neni keŋ, tolimok ikes tema, “Topupokinae ayoŋ, iyes daadaŋ, ido kiirasi.

Luk. 15:23

Toramutu itaok ŋini atuman toarakis, onyama olakaros!

Yoa. 6:27

Nyitiyata aŋuna ka akimuj a ŋina ebosiyari, nai kitiyata toryamut akimuj ŋina eropari tari nakiyar ŋina nyedaun, ŋina ikiini iyes Lokoku a Ituŋanan. Anerae neni keŋ iwuakinit Akuj Papa emacar ŋolo eminar iŋes.”

Ŋirom. 10:17

Aŋun nai, epedorete ŋituŋa akinup anakiirar ŋakiro ka epedorete akiirar analimonokin ŋakiro a Kristo.

Ŋirom. 9:31

Nai Ŋisirael, ŋulu ewarito aruwor ŋulu iyookino alokiŋaren Akuj anakiwuapit Ŋikisila, ikes apotu nyepedosi.

Ŋikis. 11:13

Ani ca kiwuapa iyes ŋakiciketa keŋ ŋuna ekecik ayoŋ iyes nakoloŋit na akiwuap, ŋakiciketa ŋuna ka amina Ekapolon Akuj kus ka akitiyanakin iŋes a ŋitai kus a daadaŋ a akiyar kus a daadaŋ,

Ŋibur. 13:9

Nyicamakis ŋakitatameta ŋuna alalak ŋuna egelegelya ikibatarete iyes ananupit a ŋina a kire. Ejok iyes iryamunete alotai kus agogoŋu alotooma ajokis ŋina ka Akuj, meere alotooma akiwuapit ŋitalyo ŋulu a ŋamuja; nyiŋarakina ŋitalyo ŋul ŋituŋa ŋulu iwuapito ikes.