Isa. 55:13 - Ebaibul

¹³ Erupunete ŋikito a Cipres aneni iboiyoto iyes, meere nabo ŋamoni ŋuna a ŋikukwa, erupunete ŋikamurya aneni iboiyoto iyes, meere nabo ŋikito ŋulu a ŋikukwa Eruwor ŋin akitoodikinet ŋina a Ekapolon ŋina nyimuryakin ŋikaru ka ŋikaru, akitoodikinet ŋina nyepedoryo akinyasun.”

Isa. 55:13 Iomraidhean Croise

Ŋikiru. 96:12

Emaikina ŋimanikorin tolakaros ka ibore daadaŋ ŋini eyai tooma kec. Eeikinete nai ŋikito a ŋamon a alelyanu

Isa. 19:20

Eruwor epir ŋol akitoodikinet ka esuuda aŋuna ke Ekapolon a ŋolo a ŋajoresyo anakwap a Ijipit. Ani ikaloikinete ikes Ekapolon aŋuna a ŋituŋa a ŋulu isicanito ikes, iyakikini Ekapolon ikes ekaiunan, ido eji ekaiunan ŋol aŋuna kec ka elakuni iŋes ikes.

Isa. 32:13

aŋuna a ŋalup a ŋituŋa kaŋ, neni alomunia amoni ŋina a ŋikukwa; kire, toumokisi aŋuna a ŋikalya a daadaŋ a ŋulu sek alelyanete alotaun a ŋolo ka alakara.

Isa. 35:1

Elakar aloŋisat ka akwap neni eonit, elelyani aloŋisat ka eturouni; lopite ŋolo eturounio ecomocomo,

Isa. 35:2

eturouni aloŋisat, tolelyan elakara, ido toeik. Einakinio iŋes akibuses a Lebanon, einakinio iŋes ailiil a Karimel ka Saron. Iŋolikinete ŋituŋa a Sion apolou a Ekapolon, iŋolikinete ikes ailiil a Akuj yok.

Isa. 41:19

Eturupuni ŋikito a Cedar analoŋisat, eturupuni ayoŋ ŋikito ka Akacia, ŋikito ŋulu ikwaan ka ŋikamurya, ŋikito a Olipa analoŋisat; eturupuni ayoŋ ŋikito a Cipres analoŋisat aneni eonit, eturupuni ayoŋ analoŋisat ŋikito ŋulu aoyak ka ŋulu arubak togogoŋ,

Isa. 43:21

ŋituŋa ŋulu abu ayoŋ osub aŋuna kaŋ a elope, topedoryata ikes akipuro ayoŋ.

Isa. 5:6

Emyekini ayoŋ iŋes toruwor ŋalup ŋunacaryo, nyinyiporyo ŋikito keŋ, kori nyitao iŋes jik, erupunete ŋinya ka ŋamon a ŋikukwa aneni keŋ, alimokini ayoŋ ŋidouwon nyitodoto akiru lomanikor ŋol.

Isa. 54:10

Epedorete ŋimoru aŋopiyar ka epedoryo ŋikamukumukui alemar, nai nyalemari ayoŋ amina kaŋ ŋina nyiryaŋiryaŋa aneni kon, nyepedoryo alemar aneni kon acamunet kaŋ ka iyoŋ ŋina ke ekisil. Alimu Ekapolon ŋolo ikisyonit iyoŋ ŋakiro ŋun.

Isa. 56:5

ainakini ayoŋ ikes ŋirorwa ŋulu etamunitae jik alo Kai kaŋ ka alotooma ŋarwatatain kaŋ, ŋirorwa ŋulu iloito tari ŋulu a ŋidwe a ŋulusapa ka ŋulupesur. Ainakini ayoŋ ikes ekiro ŋolo a ŋikaru ka ŋikaru ŋolo nyepedoryo alemar.

Isa. 60:13

Eyaunio ebari a Lebanon daadaŋ neni kus, eyaunio ŋikito a Cipres ka ŋuluce daadaŋ aŋuna ka akisibusya akibois kaŋ ŋina asegan, ido esibusi ayoŋ akibois kaŋ.

Isa. 60:17

Akainuni ayoŋ iyes egolid akilo eburonis, esilipa akilo ŋasuwa, eburonis akilo ŋakito, ŋasuwa akilo ŋamoru. Ewuakini ayoŋ ekisil ikipuka iyes ka akiyookino ikiyok iyes.

Isa. 60:21

Eruworosi ŋituŋa kus ŋulu iyookino; ituruworete ikes akwap ŋina kec ŋikaru ka ŋikaru. Erae ikes ŋaten ŋuna abu ayoŋ etolomu, erae ikes etic ŋolo a ŋakan kaŋ, ikotere ayoŋ epedoryo akitopoloor.

Isa. 61:3

ainakin neni a ŋulu iyaloloŋete alo Sion ebokot ŋolo ka alelyanu akilo akipurupura ekuron, akimyet ŋina ka alakara akilo akigworo, ainakin ikes ŋilowi ŋulu ipurore Akuj akilo ŋitai ŋulu iyalaara. Enyarao ikes ŋikuyono ŋulu ka akiyookino, ŋidupakina ŋulu a Ekapolon aŋuna ka akitoodiun apolou a Ekapolon.

Isa. 63:12

ŋolo abu inak apolou keŋ ŋina ka apedor toyakaun nakan a Moses ŋina aloteten, ŋolo abu totyak ŋakipi alokiŋaren Ŋisirael, ikotere itopoloorere ekiro keŋ ŋikaru ka ŋikaru.

Isa. 63:14

Abu etau a Ekapolon inak ikes akieŋun lopite ŋolo etiyaarotor ŋaatuk nakadipaalat. Aŋun, ibu iyoŋ Ekapolon kiten ŋituŋa kon, ikotere itopoloorere ekiro kon.

Isa. 7:11

“Kiŋit akitoodikinet aneni ke Ekapolon Akuj kon, akitoodikinet ŋina ebuni kerae alotooma akwap anakwap a ŋina a ŋikatwak kori alokidiama nooi.”

Isa. 7:19

Epote ikes daadaŋ kiboiyoto anayona a ŋuna eya nakadipaalae, aneni etyakatyaka anatabab, anamon a ŋuna a ŋikukwa ka neni daadaŋ edakasi ŋibaren.

Isa. 7:24

Epedori ituŋanan alosit nen akirika ŋityaŋ etiŋit akau a ŋikaleŋeleŋe ka ŋikaleŋeleŋe, anerae eruwor akwap ŋin daadaŋ neni eya ŋikukwa ka ŋamon a ŋikukwa.

Yer. 13:11

Ikwaŋina imidiikinor nacir a ituŋanan elou ŋolo enapitae anacir abu ayoŋ eturuwo ŋituŋa a Isirael ka ŋituŋa a Yudaya daadaŋ ŋulu imidikina neni kaŋ, ikotere eruworotor ikes aŋuna kaŋ ŋituŋa kaŋ, eryamuna ekiro kaŋ akipuro ka apolou, nai apotu ikes nyiwuapa ŋakiro kaŋ.”

Yer. 33:9

Eruwor ŋituŋa a etaun a lo ŋulu eyakatar ekiro ŋolo ka alelyanu, ŋulu ipuroi ka ŋulu itopolooritae alokiŋaren ŋituŋa a ŋakwapin a daadaŋ a ŋuna iirarete ŋakiro ŋuna ajokak daadaŋ ŋuna etiya ayoŋ neni kec. Itopoloorete ŋituŋa a ŋakwapin ŋituŋa a Yerusalem ka emaranete alokiŋaren kec aŋuna ka abaru a daadaŋ a ŋina ainakini ayoŋ ŋituŋa a Yerusalem.

Yer. 50:5

Iŋisete ikes ŋituŋa neni eyai erot ŋolo elosere Sion kiteorito ina, epote nai ikes kimorikinos ke Ekapolon alotooma acamunet ŋina a ŋikaru ka ŋikaru, acamunet ŋina nyimuryakin nabo.

Esek. 28:24

“‘Nyeryamunete nabo Ŋisirael ŋikidunyet ŋulu enyasak ŋulu a ŋiman, ŋulu ikwaan ka ibore ŋinikwaam ŋini epipil ikimeme, kori ŋulu ikwaan ka ŋikukwa ŋulu eitaaka. Eyenunete ikes apaki ŋin atemar arae ayoŋ Ekapolon Akuj.’”

Mika 7:4

Ekwaanikin ŋulu ajokak aneni kec ka amoni ŋina erae ŋikukwa bon, arokyeta nooi ŋulu iyookino akilo neni eitana alokukwae. Adolu akoloŋit ŋina isicania Akuj ŋituŋa ŋul, lopite ŋolo alimokinitotor ŋikadwarak kec ikes. Adolu tokona neni kec akigurokin.

Sakar 1:8

Abu Sakariya tema, “Abu ayoŋ anakiruja nakwaare eŋolik ekile emyat aŋole ŋina areŋan. Awoi ekile ŋol alokidiŋ ŋikito ŋulu ikwaan ka ŋikamurya, toyai nakadipaalat. Ayakasi kaku keŋ ŋaŋolei ŋuna areŋak, ŋuna oŋora areŋak ka ŋuna akwaŋak.”

Luk. 2:14

“Akipuro toyai kidiama neni ka Akuj, ka ekisil nakwap neni a ŋituŋa a ŋulu italakarito Akuj!”

Yoa. 15:8

Itopolooritae Papa kaŋ ŋina irayata iyes ŋaraito ŋuna alalak; epite ŋol itopolooritere Papa kaŋ, ido itoodiunete iyes atemar, irae ŋikasyomak kaŋ.

Ŋirom. 6:19

(Erworo ayoŋ alopite a ŋolo irworotor ŋituŋa ikotere epataniar iyes ayenun ŋakiro kaŋ, anerae ipalag iyes anatameta.) Koloŋ sek ipotu iyes tojala ŋawat kus toruworos ŋipi ŋulu a ŋuna nyesegak ka ŋuna aronok aŋuna ka akitiya ŋuna nyiyookino alokiŋaren Akuj. Ikwaŋinapei, itemokino tokona iyes tojala ŋawat kus toruworos ŋipi ŋulu ka akiyookino, kitiyata ŋuna ka akiyookino alokiŋaren Akuj.

2 Ŋikor. 5:17

Aŋun, ani keyai ŋini eyai tooma Kristo, aruwor iŋes isubuna ŋini kitete; asalut ŋuna ŋorok, apotu ŋuna kitet.

1 Pet. 4:11

Ituŋanan ŋini itatami, itemokino kitatam ŋakiro ŋuna ka Akuj; ituŋanan ŋini itiyae etic, itemokino iŋes kitiya ka agogoŋu a ŋina einanakini Akuj iŋes, ikotere ipuroe Akuj aloboro a daadaŋ, alotooma Yesu Kristo, ŋolo eyakar apolou ka apedor ŋina a ŋikaru ka ŋikaru. Amen.