Isa. 55:12 - Ebaibul

¹² “Ilosete iyes alo Babilon ilakara ka ikitenaryo nakwap kus a ekisil; eokinete ŋimoru ka ŋikamukumukui alokiŋaren kus ka eramakinete ŋikito ŋulu a ŋimanikorin ŋakan kec.

Isa. 55:12 Iomraidhean Croise

Ŋikiru. 105:43

Aŋun, abu Akuj yau ŋituŋa keŋ elelyanete, yau ŋituŋa keŋ ŋuluseuna eosi.

Ŋikiru. 47:1

Iyes ŋituŋa daadaŋ toramakisi ŋakan kus, kitoodiunito alelyan kus, kipuro Akuj ieosi nooi,

Ŋikiru. 65:12

Elelenakini ŋadakarisinei ŋuna eya naloŋisat, elibununete ŋimukura min akibuses.

Ŋikiru. 65:13

Ilelebunun ŋisipanin a ŋamesekin nadakarisinei, ido ilelebunun ŋikinyom nakadipaalae; elakar ŋinibore daadaŋ lopite ŋolo elakarotor ŋituŋa tocela ka toeoto.

Ŋikiru. 69:34

Okoe nakuj ka akwap, kipuro Akuj, iyes ŋanamyo ka ŋisubuna daadaŋ ŋulu eya tooma kec, kipuro Akuj;

Isa. 14:8

Elelyanete ŋikito a Lebanon ŋulu enyaritae Cipres ka Cedar aŋuna elounere erwosit, anerae mam ituŋanan nabo eyepakini ikes kwap ikwapei nyeriŋakar iŋes ipukat.

Isa. 35:10

Eboŋunete ŋituŋa ŋulu adau Ekapolon alakun, eboŋunete ikes Sion eosi, eryamunete ikes alakara ŋina a ŋikaru ka ŋikaru; eryamunete ikes alelyanu ka alakara, edaun akiyaloloŋ ka akisuta aneni kec.

Isa. 44:23

Okoe iyes ŋisubuna ŋulu alokidiama toeikisi, anerae adau Ekapolon akitiya ŋuna ka alakun; okoe iyes ŋisubuna ŋulu iyakasi kwap akwap, tocelutu ieosi, okoe iyes ŋimoru, toeikisi, okoe ŋamoni ka ŋikito daadaŋ ŋulu iyakasi namoni, toeikisi, anerae alaku Ekapolon ŋiletok a Yakob, tosodi itopolooryo iŋes alo Isirael.

Isa. 48:20

Towotokisi alo Babilon, toema alo Babilon tolimosi ŋakiro ŋun ke ecelet a ŋolo ka alakara, kiserautu ŋakiro ŋun. kitodolo ŋakiro ŋun nakisaleta ka akwap, temasi iyes, “Alaku Ekapolon ŋiketiyak keŋ ŋiletok a Yakob.”

Isa. 49:13

Okoe iyes ŋisubuna ŋulu alokidiama, toeikisi ka alakara, okoe iyes ŋisubuna ŋulu alokwap, tocelutu ka alelelyanu; okoe iyes ŋisubuna ŋulu iya lomoru tocelutu ieosi, anerae esirworiu Ekapolon ŋituŋa keŋ ka isyoni ŋituŋa keŋ ŋulu eryamunito ŋican.

Isa. 51:11

Aŋun, eboŋunete ŋituŋa ŋulu elakakinit Ekapolon, epote Sion eosi, eyakaunotor ikes alelyanu ŋina nyedaun, eryamunete ikes alelyanu ka alakara, emamukaun aneni kec akiyaloloŋ ka akisuta.

Isa. 52:9

Toeikisi iyes daadaŋ kaapei, ŋaduketa a Yerusalem ŋuna eritakinitae kwap, anerae eŋarak Ekapolon ŋituŋa keŋ, ido alaku iŋes Yerusalem.

Isa. 54:10

Epedorete ŋimoru aŋopiyar ka epedoryo ŋikamukumukui alemar, nai nyalemari ayoŋ amina kaŋ ŋina nyiryaŋiryaŋa aneni kon, nyepedoryo alemar aneni kon acamunet kaŋ ka iyoŋ ŋina ke ekisil. Alimu Ekapolon ŋolo ikisyonit iyoŋ ŋakiro ŋun.

Isa. 54:13

Itatami Ekapolon ŋituŋa kon daadaŋ ka ebarete ŋituŋa kon nooi.

Yer. 29:11

Kire jik, ayeni ayoŋ ŋakiro ŋuna ayeunit aŋuna kus, ŋayeuniata ŋuna ka ajokis kus, meere ŋuna ka akiwan iyes, akainakini ayoŋ iyes akigeno ŋina ka akiyar a ŋina arwanu.

Yer. 30:19

Epote ŋituŋa ŋul aeore ŋieosyo ŋulu ka alakara ka ecelunete elelyanete, eterereŋi ayoŋ ikes tolalata, nyekudyokunete ikes; ainakini ayoŋ ikes kitopolooroe, nyejamuwaryo ikes nabo.

Yer. 33:11

etoil ŋolo ka alelyanu ka ŋolo ka alakara, etoil a eteran ka etoil a ateran, ŋitoilon a ŋituŋa a ŋulu eosi eyaunete ŋainakineta ŋuna ka alakara Kai a Ekapolon ebasi, ‘Tolakaros neni ke Ekapolon a ŋolo a ŋajoresyo, anerae ejok iŋes, erae amina keŋ ŋina nyiryaŋiryaŋa ŋikaru ka ŋikaru!’ Enyakakini ayoŋ ŋarereŋisyo nakwap na lopite ŋolo sek ayakatar ekiŋaren.

Yer. 33:6

Kikote neni daŋ, enyakakini ayoŋ ajokis ka a ŋaleu lotuŋa a etaun a lo, etojokuni ayoŋ ikes, esileerek ikes abaru ŋina alalan ka akiboi ejok.

Esek. 17:24

Eyenunete ŋikito ŋulu ka ariet daadaŋ atemar arae ayoŋ Ekapolon. Etuuruwuanuni ayoŋ ŋikito ŋulu aoyak, etooyauni ayoŋ ŋikito ŋulu euruwuaka; etooniyori ayoŋ ŋikito ŋulu alibak, ido etilibu ŋikito ŋulu eokito. Ayoŋ Ekapolon alimu ŋun; ido etiyakini ayoŋ ŋun.”

Luk. 15:10

Ikwaŋinapei, akalimokini ayoŋ iyes atemar, elelyanete ŋimalaikan ŋulu ka Akuj ikotere epeikasecan ŋolo ekii ŋasecisya keŋ.”

Ŋirom. 15:13

Elipi ayoŋ Akuj, ŋina erae alope akigeno; kilelebik neni kus alelyanu ka ekisil alotooma anupit kus; ikotere torubak akigeno kus iyata anapedor a ŋina ke Etau a ŋolo Asegan.

Ŋirom. 5:1

Aŋuna tokona ikicamunere iwon alokiŋaren Akuj ikirae ŋulu ikiyookino ananupit yok, ikiyakar iwon ekisil kaapei ka Akuj alotooma Ekapolon yok Yesu Kristo.

Ŋirom. 5:11

Meere a ŋun bon, nai ikilelyani daŋ alotooma Akuj aŋuna a Yesu Kristo a ŋolo ikituruwo iwon ŋikonei ŋulu ka Akuj.

Ŋigal. 5:22

Nai eyauni Etau ŋolo ka Akuj na erae arait alotooma ituŋanan: amina, alelyan, ekisil, akidaŋidaŋ, arimao, ajokis, akikinyoma,

Ŋikol. 1:11

Agasi ayoŋ atemar ikitogogoŋ iyes apedor ŋina ka Akuj ŋina epol nooi, ikotere topedosi akidaŋidaŋ ŋiboro daadaŋ alotooma atitinyu ka alelyan.