Isa. 55:11 - Ebaibul

¹¹ ikokini nenipei akirot kaŋ ŋina alimuni ayoŋ, nyeboŋuni neni kaŋ emam ibore eyakar, nai isiyookini ŋakiro ŋuna sek alimunitor ayoŋ iŋes ka kisiyook ŋuna eyakitor ayoŋ iŋes.

Isa. 55:11 Iomraidhean Croise

Isa. 40:8

Einiyarete ŋinya, ido toraraun ŋatur; nai erubakini akirot ŋina ke Ekapolon jik.”

Isa. 45:23

Ayoŋ Akuj adau akikoŋ, adau ayoŋ alimun ŋakiro anakiyookino, ŋakiro ŋuna nyepedoryo akinyakar ŋakiro ŋun ikes nu, “Eryediki ŋinituŋanan alokiŋaren kaŋ, elimori ŋinituŋanan atemar arae ayoŋ Akuj.”

Isa. 46:10

Abu ayoŋ olimu ŋakiro ŋuna esidyok anakisyakinet ka abu ayoŋ alimu anapakio a ŋuna akoloŋ ŋakiro ŋuna ariŋa nyitiyakina otema, ‘Iyookin ŋakiro ŋuna ayeunit ayoŋ ka erikakini akitiya ŋuna acamit kitiyakin.’

Isa. 53:10

Kikote neni daŋ, arae acamit a Ekapolon atemar kisicanae ka toarae iŋes. Arae atwanare keŋ ŋina amaikina yau akisyon ka Akuj, tosodi ebuni iŋes akiŋolikin ŋipapae keŋ, ebuni iŋes akiyar apaki ŋina aoyan ka alotooma keŋ iyookin acamit a Ekapolon.

Isa. 54:9

Ikwaan nu aneni kaŋ ka ŋuna a ŋirwa a ŋulu a Noa, apaki ŋina abunio ayoŋ olimunio atemar nyilelebun nabo ŋakipi a Noa nakwap, aŋun, ekoŋ ayoŋ tokona atemar nyakaŋoikini nabo ayoŋ iyoŋ ka nyekeŋenyakini nabo ayoŋ iyoŋ.

Isa. 59:21

Alimu Ekapolon ebe, “Erae na acamunet kaŋ ka ikes. Ameun tokona tari ŋikaru ka ŋikaru, etau kaŋ ŋolo eyai neni kus ka ŋakiro kaŋ ŋuna ewuak ayoŋ nakituka kus, nyiyotorete anakituka kus, kori anakituka a ŋidwe kus, kori anakituka a ŋidwe kec.”

Yer. 1:11

Abu akirot a Ekapolon bu neni kaŋ ebala, “Yeremia, nyo ite iyoŋ?” Abu ayoŋ otema, “Ete ayoŋ ateni a ekitoe a ŋolo enyaritae Alimond.”

Yer. 1:12

Okolimok nai Ekapolon ayoŋ tema, “Iŋolikinit iyoŋ ejok, anerae ete ayoŋ atemar kiyookin akirot kaŋ.”

Yer. 1:13

Abu nabo akirot a Ekapolon bu neni kaŋ abunet ŋina a ŋaarei ebala, “Nyo ite iyoŋ?” Oboŋok ayoŋ otema, “Ete ayoŋ amot ŋina iwaliwali iriitoe alowae a ŋolo alo Kuju.”

Yer. 23:20

Nyimyekini Ekapolon anaŋoit keŋ akisican, akitodol ŋina isiyookinio ka itiyakinia ŋakiro ŋuna eya natameta keŋ. Alorwa a ŋulu esidyok, iyenunete iyes ŋakiro ŋun ejok.

Yer. 25:13

Esiyookini ayoŋ aŋuna ka akwap a ŋin ŋakiro daadaŋ ŋuna abu ayoŋ olimu emanit iŋes, iyookin ŋakiro daadaŋ ŋuna a ŋiman ŋuna abu Yeremia todwar ŋuna igiritae lokitaabo lo, ŋakiro ŋuna a ŋituŋa a ŋakwapin a daadaŋ,

Esek. 24:14

Ayoŋ Ekapolon adau alimun ŋun; ebunit apaki ka etiyakini ayoŋ ŋun. Nyemyekini ayoŋ akitiya ŋun, nyesyoni ayoŋ ituŋanan kon idio, mam tari nyeeŋuni ayoŋ aŋuna kon. Akatubokini ayoŋ iyoŋ aŋuna ŋipitesyo kon ka ŋakiro ŋuna itiyae iyoŋ.’”

Amos 6:11

Ŋina elimunio Ekapolon akirot keŋ, ielielaar ŋakais ŋuna apolok, inyaadiarosi ŋakais ŋuna cicik.

Sakar 1:6

Ani bo ŋakiro kaŋ ka ŋikisila kaŋ, ŋulu abu ayoŋ olimok ŋikadwarak kaŋ, ŋulu arae ŋiketiyak kaŋ, pa mono apotu ŋun kiduposi atapapaa kus toryamut ŋican aŋun a? Aŋun, apotu ikes tokiwa temasi, ‘Adau Ekapolon ŋolo Etiron akitiya neni yok ŋuna emaikina iwon oryamutu aŋuna ka aronis yok ka aŋuna a ŋiticisyo yok a ŋulu aronok. Etiya iŋes ŋun lopite ŋolo sek ayeunitor akitiyakin.’ ”

Ekim. 23:19

Nyirworo Akuj alyokonu ikwa ituŋanan, ka nyiloconokini Akuj ikwa ituŋanan ŋatameta keŋ. Ŋuna daadaŋ iikini iŋes isiyookini, ŋuna daadaŋ elimuni iŋes, itiyakini

Mat. 24:35

Edaunosi nakuj ka akwap, nai nyedaunosi ŋakaakiro jik.

Yoa. 6:63

Erae Etau ŋolo ka Akuj iŋes ikiini akiyar; ecaryono apedor ŋina a ituŋanan. Ŋuna akalimok ayoŋ iyes erae ŋuna ileleba Etau tooma kec ka eyaunete akiyar.

Ŋirom. 10:17

Aŋun nai, epedorete ŋituŋa akinup anakiirar ŋakiro ka epedorete akiirar analimonokin ŋakiro a Kristo.

1 Ŋikor. 1:18

Anerae akirot ŋina ke emusalaba erae abaŋao aneni a ŋituŋa a ŋulu ebukoro, nai aneni yok a ŋulu ikiiun erae apedor ŋina ka Akuj.

Ŋikis. 32:2

Elipi ayoŋ pena ŋakiro kaŋ lotuŋa lopite ŋolo ilimya akiru, pena lotai a ŋituŋa lopite ŋolo epeniata ŋakopi lonya, lopite ŋolo edoo elimilim lonya lopite ŋolo edoo elimilim lonya ŋulu alibunak;

1 Ŋites. 2:13

Ikilakanar nabo isua jwi jwi neni ka Akuj, anerae ŋina iponiata iyes kiiraryata ŋakiro ŋuna ka Akuj aneni kosi, ipotu iyes tocamut pa erae ŋakiro ŋuna a ituŋanan, nai erae ŋuna ka Akuj ka erae kire ŋakiro keŋ ŋuna tokona itiyaete alotooma kus a ŋulu inupito.

Ŋibur. 6:7

Iterereŋi Akuj ŋimanikorin ŋulu ijuwanarete ŋakipi ŋuna ka akiru a ŋina ilimi a ŋinapaki, ŋulu itolomunete ŋikinyom ŋulu ajokak aŋuna a ŋulu itatere ikes.

Yak. 1:18

Aŋuna ka acamit keŋ, abu ikiinak iwon akiyar alotooma akirot keŋ ŋina a kire, ikotere nai ikiruwor iwon ŋulu eŋarenok alosubuna keŋ a daadaŋ.

1 Pet. 1:23

Pa aponi ikidoun iyes nabo alokinyomit a ŋolo ebosi, nai alokinyomit a ŋolo eyari, alotooma akirot ŋina ka Akuj, ŋina nyedaun.

1 Sam. 3:19

Ayai Ekapolon kaapei ka Samuel apaki ŋina apolounio iŋes, ido abu Ekapolon kisiyook ŋuna aris kelimu.