Isa. 55:1 - Ebaibul

¹ Okoe, potu daadaŋ ŋulu ikinyamit akure, potu neni eya ŋakipi ka iyes ŋulu imamukatar ŋisiliŋa potu, potu togyela ka kimuja! Potu togyela epiini ka ŋakile emam ŋisiliŋa ka emam etyae a ŋisiliŋa.

Isa. 55:1 Iomraidhean Croise

Ŋikiru. 143:6

Ekyaarit ayoŋ ŋakan kaŋ neni kon eteunit neni kon; ekeburit ayoŋ nooi aanyun iyoŋ, lopite ŋolo iburitor alaro aryamun ŋakipi.

Ŋikiru. 63:1

Okoe Akuj, irae iyoŋ Akuj kaŋ, ekeitanit ayoŋ iyoŋ, ekeburit ayoŋ nooi aanyun iyoŋ, alilimiyo akuwan kaŋ aŋuna ka akiitanit iyoŋ, alilimiyo lopite ŋolo iyakar nakwap ŋina aonon ka ŋina acaryoonon ŋina emam ŋakipi.

Ŋakit. 8:4

“Okoe ŋituŋa, akanyarit ayoŋ iyes, anyarit ayoŋ ŋituŋa a akwap a daadaŋ a etoil a ŋolo apolon.

Ŋakit. 9:1

Adau aosou akiduk akai keŋ, adau akitiyaun ŋipirin ŋikanikaarei aŋuna ka akai a ŋin.

Ŋakit. 9:5

“Potu kimuja akimuj kaŋ ka tomata epiini ŋolo adau ayoŋ akigur.

Eete a Ŋie. 1:2

Emaikina iŋes okonu ayoŋ a akituk keŋ ŋarwa ŋuna alalak; anerae ejok amina keŋ aneni kaŋ akilo ŋagwe,

Eete a Ŋie. 1:4

Yaarae ayoŋ, ewanyakisi atipei. Akayau ayoŋ erwosit nagulei ŋuna a ere keŋ. Ikilakari ka ikilelyani isua kaapei ka iyoŋ, ikipuri isua amina kon akilo ŋagwe. Aŋun, iyookinito ikes ikiminasi iyoŋ.

Eete a Ŋie. 5:1

Abu ayoŋ lomanikor kaŋ, nakaato kaŋ ka ateran kaŋ, adau ayoŋ acunakin eminae ŋolo akukunyon ka ŋikito ŋulu akukunyok, adau ayoŋ akinyam ŋapune ŋuna ka ao kaŋ ka akimyet ŋina ka ao kaŋ, adau ayoŋ akimat epiini kaŋ ka ŋakile kaŋ. Okoe ŋikonei kaŋ, kimuja ka tomata, ibus ŋolominat kaŋ alokidiŋ ŋisorok, ŋuluminan kaŋ, tomata kimwoko.

Isa. 1:19

Ani ca kicamut iyes, ido kiwuapa ŋakiro kaŋ, imujete iyes ŋamuja ŋuna ajokak anakwap;

Isa. 44:3

anerae emyekini ayoŋ ŋakipi pena nakwap ŋina eyakar akure ka epete ŋaŋololin nakwap ŋina aonon; abukuni ayoŋ etau kaŋ neni a ŋiletok kus ka arereŋu kaŋ neni a ŋidwe kus.

Isa. 52:3

Alimu Ekapolon ebe, “Aponi ikigyelar iyes koŋin, tosodi ikilakunio iyes emam ŋisiliŋa etacio,

Aum. 5:4

Ikireikin isua akigyel ŋakipi ŋuna emasyo, ikireikin isua akigyel ŋakito ŋuna inokyo.

Esek. 47:1

Abu ekile ŋol ekenyaku ayoŋ lopuke ŋolo ka Akai ka Akuj, abu ayoŋ eŋolik a nen ŋakipi ŋuna aleleete alokwap epuke ŋolo ka Akai ka Akuj; aleleete ŋakipi ŋun lowae ŋolo alo Kide (anerae eŋoliyarit Akai ka Akuj lowae ŋolo alo Kide); aleleete ŋakipi ŋun alokwap epuke ŋolo ka Akai ka Akuj alowae a ŋolo alo Kwap, etorito diyete namuroet alowae a ŋolo alo Kwap.

Esek. 47:9

Neni daadaŋ eleleyari aŋolol ŋin, eyarete ŋisubuna daadaŋ ŋulu a ŋakipi, eyakaun nakipi ŋun ŋikolya ŋulu alalak nooi, anerae neni daadaŋ elomarete ŋakipi ŋun ananam, eruwor ŋakipi a nen ŋuna ajokak; eyari ibore daadaŋ aneni eleleiyari aŋolol.

Osea 14:4

Enyakuni ayoŋ ŋituŋa neni kaŋ, aminakini ayoŋ ikes a etau kaŋ a daadaŋ, anerae nyeriŋa ayoŋ aŋoikinit ikes.

Yoel 3:18

“Akoloŋit ŋin, elomuni epiini ŋolo abobon alomukur, eleleunete ŋakile alomukur, ido elelearete ŋakipi alotai a ŋayona a Yudaya a daadaŋ; elomuni elelya alo Kai ke Ekapolon, toleleya nayonae ŋina enyaritae Sitim.

Sakar 10:7

Egogoŋioto ŋituŋa a Isirael ikwa ŋasigarya, elakarosi ikwa ŋituŋa ŋulu emasito epiini, etamununeete ŋipapae kec akiloun ŋin, ido elakarosi aŋuna adau Ekapolon akitiyakin.

Sakar 2:6

Tolimok Ekapolon ŋituŋa keŋ tema, “Potu! Potu! Tomotunos anakwap a ŋina alo Kuju, anerae abu ayoŋ ekeala iyes lowaetin ka akwap daadaŋ.

Sakar 9:15

Iuryari Ekapolon ŋolo Etiron ŋituŋa keŋ, ido emunyarete ŋituŋa a Ekapolon ŋimoe kec. Ecelunete ikes alo jie esibit ŋituŋa ŋulu emerasi, ido earete ŋituŋa a Ekapolon ŋimoe kec; toleleiyasi ŋaokot a ŋimoe kec ikwa ŋaokot a ŋamuronisya ŋuna ebukokinio Namuroet anabakule.

Mat. 10:8

Kitaŋaleutu ŋikadyakak, kiteyarutu ŋikatwak, kitesegutu ŋulu ka atapon ka kiritanasi ŋipyan; ipotu iyes toryamut koŋin, aŋun, kipotosi iyes daŋ koŋin.

Mat. 13:44

“Ikoni Apukan ŋina anakuj abaru ŋina eyai lomanikor, ŋina ani eripuni ituŋanan, kiwua. Tosodi tolot togyela ŋiboro daadaŋ ŋulu eyakar iŋes, togyelu nai emanikor ŋol.

Mat. 26:29

Akalimokini ayoŋ iyes atemar, nyamasi nabo ŋuna ke epiini, mati kedol akoloŋit ŋina ikimasya iwon a Napukan a Papa kaŋ.”

Mat. 5:6

Erereŋ ŋulu iitanito nooi aanyun ŋuna ka akiyookino; einakini Akuj ikes ŋuna iitanito.

Ŋitic. 8:20

Nai kiŋenyak Petero iŋes tema, “Totwania iyoŋ kaapei ka ŋikonisiliŋa! Itami mono iyoŋ kire atemar ipedori aryamun ainakinet ŋina ka Akuj a ŋisiliŋa a?

Ŋirom. 3:24

Nai anajokis keŋ abu Akuj tolimo atemar iyookino ikes alokiŋaren keŋ aŋuna a Yesu Kristo a ŋolo elakununui ikes anakipukao a ŋina ka asecit. Erae ŋin ainakinet ŋina nyetacio.

1 Ŋikor. 3:2

Abu ayoŋ eketan iyes a ŋakile, meere ka akimuj a ŋina agogoŋon, anerae ariŋa iyes idisyak. Tari tokona daŋ eriŋa iyes ikote nenipei,

1 Pet. 2:2

Ikwapei iitanitotor ŋiŋwea ŋulu idounio ŋakile, kiitana iyes daŋ ŋakile ŋuna erae akirot ŋina ka Akuj, ikotere nai topolout ka toiunos.

Akis. 21:6

Tema nabo neni kaŋ, “Erikakin! Arae ayoŋ Alpa ka Omega--Akisyakinet ka Asalunet. Ŋini daadaŋ enyami akure, ainakini ŋakipi ŋuna emam egyelit, ŋuna aloitanit a ŋolo ka akiyar.

Akis. 22:1

Abu nai emalaika eketoodik ayoŋ aŋolol ŋina a ŋakipi a ŋuna ka akiyar, ŋuna apariparete ikwa ŋakamilimili, toleleunito alokicoloŋ a ŋolo ka Akuj ka a ŋolo a Imesek.

Akis. 22:17

Ebasi Etau ka Ateran, “Bua!” Itemokino ituŋanan daadaŋ ŋini iirari nu tema, “Bua!” Itemokino iŋes ŋini enyamit akure bu, itemokino iŋes ŋini ecamit ŋakipi ŋuna ka akiyar, ya pa egyelit.

Akis. 3:18

Aŋun, akalimokini ayoŋ iyoŋ, togyelu egolid aneni kaŋ, egolid ŋolo eliitae ka akim, ikotere tobar. Togyelu daŋ ŋilowi ŋulu akwaŋak, ikotere torapya ŋileec kon ŋulu ileryo. Togyelu tari ekitoe ŋolo a ŋakonyen kon, ikotere tokienyu.

Rus. 4:1

Tonyou Boas tolot lotemu diyete epuke ke etaun kiboikin nen. Apaki ŋinapei, totubun eyenet ŋolo sek alimokinit Boas Rus. Tema Boas, “Iŋes lo, toriu laalo kiboikin ne.” Toriu ekile ŋol kiboikin.