Isa. 54:9 - Ebaibul

⁹ Ikwaan nu aneni kaŋ ka ŋuna a ŋirwa a ŋulu a Noa, apaki ŋina abunio ayoŋ olimunio atemar nyilelebun nabo ŋakipi a Noa nakwap, aŋun, ekoŋ ayoŋ tokona atemar nyakaŋoikini nabo ayoŋ iyoŋ ka nyekeŋenyakini nabo ayoŋ iyoŋ.

Isa. 54:9 Iomraidhean Croise

Akisy. 8:21

Tojoik nooi Akuj eure a ŋainakineta a ŋun, tema alotau keŋ, “Mam nabo nyeceni ayoŋ ŋalup aŋuna a ituŋanan, anerae etami ituŋanan aronis ŋinapei eriŋa edit, kori mam nabo jik nyamunyari ayoŋ ibore daadaŋ ŋini eyari anakwap, lopite ŋolo abunio omunyarya paan.

Yob 11:16

Ikimuryakinete iyoŋ ŋican kon, lopite ŋolo nyetamunia ituŋanan ŋakipi ŋuna apotu tobukoros.

Ŋikiru. 104:9

Ibu iyoŋ kiwuak ŋikorin ŋulu nyepedorete ikes akitor, ikotere ikes nyeleleiyasi toburusiyasi akwap nabo.

Isa. 12:1

Ebuni akoloŋit ŋina eokinioto ŋituŋa ebasi, “Okoe Ekapolon, alakar ayoŋ neni kon, anerae tari ŋina iŋoitor iyoŋ aŋuna kaŋ, ibu iyoŋ tojoŋo aŋoit aŋuna kaŋ ka ibu iyoŋ ikisirworiu ayoŋ.

Isa. 49:18

Kireosi toŋoleŋolekisi ŋiwaetin daadaŋ, acununosi ikes daadaŋ, eponito neni kus. Alimu Ekapolon atemar, ikwapei ayarya ayoŋ, iturokinosi iyes aŋuna a ŋituŋa kus, iturokinosi iyes aŋuna kec lopite ŋolo ituror ateran a ŋiboro keŋ.

Isa. 51:22

Alimu Ekapolon kus ŋolo etiron, Akuj kus ŋina eji aŋuna ka aiun ŋituŋa keŋ ebe, “Kiirasi, alema ayoŋ aneni kus ŋican ŋulu ikisiteriterete iyes, nyekesicani nabo ayoŋ iyes ananyunyura kaŋ.

Isa. 51:6

Kireosi kidiama, toripiyasi kwap ŋalup; anerae eŋopiyarete ŋisubuna ŋulu alokidiama lopite ŋolo eŋopiyarya apuru, enyamun akwap lopite ŋolo enyamunor elou ka etwakete ŋulu iboiyete anakwap lopite ŋolo etwakyata ŋikamicirwa. Nai erubakini aiuno ŋina ebunit aneni kaŋ ŋikaru ka ŋikaru ka nyedaun alakuno ŋina ebunit aneni kaŋ jik.

Isa. 51:8

anerae irikari ekurut ikes lopite ŋolo irikarya abebe elou, irikari ekurut ikes lopite ŋolo irikarya ŋajul a amesek; nai erubakini alakuno ŋina ebunit aneni kaŋ ŋikaru ka ŋikaru ka eropari aiuno ŋina ebunit aneni kaŋ ananyameta a daadaŋ.

Isa. 55:11

ikokini nenipei akirot kaŋ ŋina alimuni ayoŋ, nyeboŋuni neni kaŋ emam ibore eyakar, nai isiyookini ŋakiro ŋuna sek alimunitor ayoŋ iŋes ka kisiyook ŋuna eyakitor ayoŋ iŋes.

Isa. 62:8

Adau Ekapolon akikoŋ anakiloun keŋ ka anapedor keŋ a ŋina etiron ebe, “Nyainakini nabo ayoŋ ŋikinyom kus toruwor akimuj a ŋimoe kus, nyemasete ŋituŋa ŋulugelae epiini ŋolo itaunete iyes.

Yer. 31:37

“Ani kepedoryo akipim kidiama neni etya ka ayenun ŋakisyakineta ŋuna ka akwap alotooma, iŋes nai apedorya ayoŋ akiŋer ŋiletok a Isirael aŋuna a ŋiticisyo a daadaŋ a ŋulu apotu ikes kitiyata.”

Esek. 16:42

Ekaku a ŋun, etiditeuni ayoŋ anyunyura kaŋ aneni kon ka alemari alilikinit kaŋ iyoŋ, inapakin ŋatameta kaŋ edaun aŋoit aneni kaŋ.

Esek. 39:20

Inyamete iyes alomesa kaŋ akiriŋ a ŋaŋolei ka ŋina a ŋikametok kec, akiriŋ a ŋikajiok a ŋulu agogoŋok ka ŋina a ŋikabilae a daadaŋ a ŋasigarya.’ ”

Esek. 39:29

mam nabo jik nyaŋeri ayoŋ akisiŋolikin ikes apaki ŋina abukokinia ayoŋ etau kaŋ neni a Ŋisirael.”