Isa. 54:7 - Ebaibul

⁷ Alimu Ekapolon Ekalakunan kus ŋakiro nu, Abu ayoŋ okeŋer iyoŋ alotooma apaki ŋina euruwuana, nai anakisyon a ŋina apolon nooi, akacununi ayoŋ iyoŋ.

Isa. 54:7 Iomraidhean Croise

Ŋikiru. 106:47

Toiunae isua, okoe Ekapolon Akuj kosi, tocununae isua anakwapin, ikotere isua ikilakar aŋuna ke ekiro kon a ŋolo asegan, kitopolooroe akipuro iyoŋ.

Ŋikiru. 107:3

emaikina tolimosi ŋulu acunu Ekapolon anakwapin ŋakiro ŋun, ŋulu acunun alo Kide, alo To, alo Kuju ka alo Kwap.

Ŋikiru. 30:5

Nyeai iŋes apaki ŋina aoyan eŋoit, nai erubakini ajokis keŋ aneni a ituŋanan ŋirwa daadaŋ ŋulu ka akiyar a ituŋanan a ŋin, tari daŋ kegwor ayoŋ akuwar kya, aryamuni ayoŋ alelyanu taparacu.

Ŋikiru. 30:6

Apaki ŋina ayakar ayoŋ emam ŋace, abu otema, “Mam ŋini akareuni ayoŋ.”

Isa. 11:11

Akoloŋit ŋin, isitiyae nabo Ekapolon apedor keŋ kinyaku ŋipiya a ŋituŋa keŋ alo Asiriya, alo Ijipit, alo Pasiros, alo Esiopia, alo Elam, alo Sinar, alo Amas ka anakwapin a ŋuna idunyito anam.

Isa. 11:12

Eyauni Ekapolon akitoodikinet aŋuna a ŋituŋa a ŋakwapin, ecunakini iŋes ŋituŋa a Isirael ŋulu ielara, ecunakini iŋes ŋituŋa a Yudaya ŋulu eelar; ecununi iŋes ikes alowaetin a ŋuluomwon a akwap a daadaŋ.

Isa. 12:1

Ebuni akoloŋit ŋina eokinioto ŋituŋa ebasi, “Okoe Ekapolon, alakar ayoŋ neni kon, anerae tari ŋina iŋoitor iyoŋ aŋuna kaŋ, ibu iyoŋ tojoŋo aŋoit aŋuna kaŋ ka ibu iyoŋ ikisirworiu ayoŋ.

Isa. 14:1

Nai isyoni nabo Ekapolon ŋiletok a Yakob ka eseuni nabo Ŋisirael, iwuakini ikes nabo nakwap kec, epote ŋituŋa ŋulugelae akiboi kaapei ka ŋiletok a Yakob.

Isa. 26:20

Potu ŋituŋa kaŋ, tolomasi nagulei kus, togolokis ŋikekya kus kidaut alomar tooma, toŋopa apaki adio akitodol ŋina edaunor anyunyura ŋina ka Akuj.

Isa. 27:12

Akoloŋit ŋin, ecununi Ekapolon ŋituŋa keŋ ameun anakitelosit a aŋolol Eupurate tari nayonae ŋina alokukoru a Ijipit, okoe Ŋisirael, ikicununio iyes a ŋipeipei.

Isa. 27:8

Abu Ekapolon kisican ŋituŋa keŋ kimyek kiritarae ka torikoroe nakwap ace erae ŋirikon ananyunyura keŋ, abu iŋes kirita ikes akoloŋit ŋina a ekuwuam a ŋolo alo Kide a ŋolo akusi nooi.

Isa. 40:11

Ebuni iŋes akitan ŋituŋa keŋ lopite ŋolo itania ekeyokon ŋamesekin keŋ; edaki iŋes ŋikaalei ŋulucicik anakan keŋ, kiwuak ikes natorobu keŋ; ido tomea iyaparit atatoto a ŋikaalei a ŋul.

Isa. 49:13

Okoe iyes ŋisubuna ŋulu alokidiama, toeikisi ka alakara, okoe iyes ŋisubuna ŋulu alokwap, tocelutu ka alelelyanu; okoe iyes ŋisubuna ŋulu iya lomoru tocelutu ieosi, anerae esirworiu Ekapolon ŋituŋa keŋ ka isyoni ŋituŋa keŋ ŋulu eryamunito ŋican.

Isa. 49:18

Kireosi toŋoleŋolekisi ŋiwaetin daadaŋ, acununosi ikes daadaŋ, eponito neni kus. Alimu Ekapolon atemar, ikwapei ayarya ayoŋ, iturokinosi iyes aŋuna a ŋituŋa kus, iturokinosi iyes aŋuna kec lopite ŋolo ituror ateran a ŋiboro keŋ.

Isa. 49:21

Itamakinete nai iyes alotai kus ebe, “Ŋae keuri ŋidwe lu aŋuna kosi? Aponi isua ikiteryamun ŋican, ikitusubun ŋikolupanotin, aponi isua ikirikor nakwapin, ikilemar a ne, ŋae nai kitopolouni ŋidwe lu? Aponi kimyekinae Sion esil, nai ai aponiata ŋituŋa lu etya ne?”

Isa. 50:1

Alimu Ekapolon ŋakiro nu, “Ai eyai abaruwa ŋina alakitor ayoŋ toto kus? Kori alu alotuŋa ŋulu etiŋito ŋisiliŋa kaŋ abu ayoŋ okogyelak iyes? Mam, erae aŋuna a ŋasecisya kus iŋes aponere ikigyelar iyes ka eritaryo toto kus aŋuna a ŋaronisya kus.

Isa. 56:8

Alimu Ekapolon Akuj ŋina ecununi Ŋisirael ŋulu erikoritae nakwapin ebe, “Acununi ayoŋ ŋuluce daŋ neni eya ŋulu sek adaun acunun.”

Isa. 60:10

Edukete ŋigelaanotin ŋarwatatain kus, ikitiyanakinete iyes ŋirwosi kec, anerae abu ayoŋ ananyunyura kaŋ ekesican iyes; nai anajokis kaŋ, adau ayoŋ akisyon iyes.

Isa. 60:4

Kireosi kidiama ka toŋoleŋolekisi nawaetin; acunakin ikes daadaŋ, eponito neni kus, epote ŋidwe kus ŋulusapa aneni alwanan, edakunio ŋidwe kus ŋulupesur a ŋakan a ŋakedarak kec.

Isa. 62:4

Nyeriŋa nabo etemaryo iyes irae ŋulu ikiesikinitae ka nyeriŋa nabo akwap kus erae ŋina asilon. Nai ikinyarao iyes ŋituŋa ŋulu elakara Akuj aŋuna kec ka ikwaanikin akwap kus ka aberu ŋina iisitae, anerae elakara Ekapolon aŋuna kus ka ikwaanikin akwap kus ka aberu ŋina iisitae.

Isa. 63:7

Atamuni ayoŋ ŋiticisyo a Ekapolon kaŋ ŋulu ajokak, ŋiticisyo keŋ ŋulu emaikina kipurore iŋes. aŋuna a ŋiticisyo a daadaŋ a ŋulu etiya iŋes aŋuna yok ka ajokis ŋina apolon nooi ŋina etoodik iŋes Ŋisirael, ŋina etoodikinia iŋes ikes akisyon keŋ, alotooma amina keŋ ŋina alalan ŋina nyiryaŋiryaŋa.

Isa. 66:18

Ebala Ekapolon, “Ayeni ayoŋ ŋiticisyo ka ŋatameta kec, ido abuni ayoŋ acunakin ŋituŋa a ŋakwapin a daadaŋ ka a ŋaŋajepa a daadaŋ, epote ikes ka iŋolikinete apolou kaŋ.

Yer. 51:5

Nyimyekina Akuj kec Ekapolon ŋolo a ŋajoresyo ŋituŋa a Isirael ka ŋituŋa a Yudaya. Tari kelalak anakwap kec ŋasecisya alokiŋaren ŋolo asegan ŋolo a Isirael.

Aum. 3:31

Erae Ekapolon ŋolo isyoniono, nyerubakini iŋes ikiŋerit iwon ŋikaru ka ŋikaru.

Aum. 3:32

Epedori Ekapolon ayaun aryeba neni yok, nai ikisyoni iŋes iwon anamina keŋ a ŋina nyiryaŋiryaŋa.

Esek. 36:24

Akayauni ayoŋ iyes anakwapin ka akacununi ayoŋ iyes anakiboisyo a daadaŋ, okoyau iyes nakwap kus.

Mika 4:6

Alimu Ekapolon ebe, “Ani edoli akoloŋit ŋin, acunakini ayoŋ ŋikaŋwalak, acunakini ayoŋ ŋulu ealar nakwapin ka ŋulu eteryamu ayoŋ ŋican.

Mat. 23:37

“Okoe Yerusalem, Yerusalem! Ŋituŋa kon ŋulu earete ŋikadwarak, tocaka a ŋamoru ŋulu iyakuunitae neni kus! Ŋarwa ŋayai acamitor ayoŋ acunakin ŋidwe kon, ikwaŋina ecunakinia akokoroit ŋimiyoi nabebenuk keŋ, nai nyikicamakis iyes ayoŋ!

2 Ŋikor. 4:17

Anerae ŋican ŋulu ikiryamunit iwon ŋulu esalunete, erae koŋin kisikwaani ka apolou ŋina ajokan nooi ŋina nyesaluni ŋina itemonokinete ŋican ŋul aŋuna yok.

Ŋiep. 1:10

Irikakini Akuj alosikinet ŋin apaki ŋina itemokinor. Alosikinet ŋin, iŋes acunakin ŋisubuna daadaŋ iwapei, ibore daadaŋ ŋini eyai nakuj ka ŋini eyai kwap, ido toruwor Kristo Ekapolon kec.

Ŋikis. 30:3

ebuni nai Ekapolon akinyakakin iyes ŋarereŋisyo kus ka ikisyon iyes, ikicunu nabo iyes anakwapin a ŋuna aris iŋes kikiela iyes.

Yak. 4:6

Nai einanakini iŋes ajokis ŋina alalan; aŋun, elimunit Akigiret ebe, “Itepegi Akuj ŋiketurok, nai einanakini ajokis neni a ŋulu itiditeuna.”

2 Pet. 3:8

Nai ŋikaakonei ŋuluminan, nyikimuryak ibore ipei! Alokiŋaren Akuj, emam atyaketait alokidiŋ akoloŋit apei ka ŋikaru aliput; aneni keŋ, ikwaan ikes.