Isa. 54:5 - Ebaibul

⁵ Ikiŋarakini iyes Ekapolon lopite ŋolo iŋarakinitor ekile aberu keŋ, erae ekiro keŋ Ekapolon ŋolo a ŋajoresyo. Akuj ŋina asegan ŋina a Isirael iŋes erae Ekalakunan kus, enyaritae iŋes Akuj a akwap a daadaŋ.

Isa. 54:5 Iomraidhean Croise

Yob 19:25

“Anerae ayeni ayoŋ atemar eyari ekalakunan kaŋ ka ayeni ayoŋ atemar apaki ŋina esidyon ebuni iŋes nakwap akitub ŋakiro kaŋ akaikinit ayoŋ.

Isa. 11:9

Alomoru kaŋ a ŋolo asegan, mam nyearasi kori nyewanasi ikes, anerae ilelebikin lotuŋa daadaŋ aosou ŋina ke Ekapolon, lopite ŋolo ilelebakatar ŋakipi nanam.

Isa. 43:1

Nai tokona Ekapolon ŋolo ikisubuni iyes ŋiletok a Yakob, iŋes ŋolo ikisubuni iyes ŋituŋa a Isirael iŋes alimu atemar: Nyikuryaketa, anerae adau ayoŋ alakun iyes; akanyar ayoŋ iyes a ekiro, ido iruworosi iyes ŋituŋa kaŋ.

Isa. 43:14

Alimu Ekapolon, ekalakunan kus, Akuj ŋina asegan ŋina a Isirael ŋakiro nu ebe, “Aŋuna ka aiun iyes, eyakiyari ayoŋ ŋasigarya toremo Babilon, aritaari ayoŋ ŋipukei a etaun, ido eturuwori ayoŋ acela a Ŋibabiloniyae ŋina ka alakara akiwolol.

Isa. 45:11

Alimu Ekapolon Akuj ŋina asegan ŋina a Isirael, akasuban kec ebe, “Ikiŋisete kire iyes ayoŋ ŋakiro aŋuna a ŋituŋa kaŋ, kori ikireikinete iyes ayoŋ akitiya ŋadi aŋuna a ibore a ŋini abu ayoŋ etiyau a?

Isa. 48:17

Alimu Ekapolon ekalakunan kus, Akuj ŋina asegan ŋina a Isirael ebe, “Arae ayoŋ Ekapolon Akuj kus, ŋina eketatami iyes aŋuna ka ajokis kus a ŋikulepek, ŋina akarikit iyes alorotin a ŋulu emaikina iyes kiwuapa.

Isa. 48:2

anerae inyarasi iyes atemar irae ŋituŋa a etaun a ŋolo asegan, ido iyarikinito neni ka Akuj a Isirael a ŋina erae ekiro keŋ Ekapolon ŋolo a ŋajoresyo.

Isa. 51:15

Arae ayoŋ Ekapolon Akuj kus, ŋolo ainakini ŋakipi a anam kimorokokokis ikotere totakanut ŋikaguragurae kec, erae ekiro kaŋ Ekapolon ŋolo a ŋajoresyo.

Isa. 54:8

Abu ayoŋ ananyunyura kaŋ a ŋina alalan ewua ereet kaŋ aneni kon, nai anamina kaŋ a ŋina a ŋikaru ka ŋikaru, ekesyoni ayoŋ iyoŋ.

Isa. 6:3

Anyarasi ŋisubuna ŋul ebasi, “Eseg, eseg eseg Ekapolon ŋolo a ŋajoresyo, ileleba apolou keŋ akwap daadaŋ.”

Isa. 65:16

Ituŋanan daadaŋ ŋini egatanakini arereŋu nakwap, emaikina togatak alokiro ka Akuj a ŋina ikinyoma; ituŋanan daadaŋ ŋini ikoŋi anakwap, emaikina kikoŋ alokiro ka Akuj a ŋina ka akikinyoma; anerae emuryakin ŋican ŋulu koloŋ ka nyeriŋa ayoŋ ete ŋican ŋul.”

Yer. 10:16

Nyikoni Akuj a Yakob nen, anerae iŋes etiyauni ŋiboro daadaŋ ka erae ŋituŋa a Isirael ŋulu keŋ, erae ekiro keŋ Ekapolon ŋolo a ŋajoresyo.”

Yer. 3:14

Okoe ŋidwe ŋulu emam anupit, toboŋutu neni kaŋ, anerae arae ayoŋ Ekapolon kus. Akayaari ayoŋ iyes, ipei alotaun, ŋiarei alokal, okoya iyes lotaun Sion.

Yer. 51:19

Nyikoni Ekapolon Akuj a Yakob neni, anerae iŋes etiyauni ŋiboro daadaŋ, ido erae Isirael ekabila ŋolo a ŋituŋa keŋ a ŋulu abu iŋes toseu. Erae ekiro keŋ Ekapolon ŋolo a ŋajoresyo.”

Esek. 16:8

“‘Abu nabo ayoŋ etoru diyete kon ekaku, ekeŋolik iyoŋ kiruwor ŋina kitemokin akitiŋ ŋikilyok. Abu ayoŋ eketanapik iyoŋ elou kaŋ tojoŋo akiler. Abu ayoŋ eik aminakin iyoŋ ka abu ayoŋ ocamunos ka iyoŋ toruwor iyoŋ ŋina kaŋ.

Osea 2:16

Alimu Ekapolon atemar, akoloŋit ŋin, ikinyarae iyoŋ ayoŋ, “Ekile kaŋ”, nyeriŋa nabo iyoŋ ikinyarae ayoŋ, “Baal kaŋ.”

Osea 2:18

Ewuakini ayoŋ aŋuna kus akoloŋit ŋin acamunet, ikotere tomaikin iyes ka ŋityaŋ ŋulu adedeŋak, ŋikyeny ŋulu eporete ka ŋiboorei ŋulu elyato alokwap, ekisari ayoŋ anakwap akau a ŋikaleŋeleŋe, ekileŋ ka ejie, ido akainakini ayoŋ iyes kiboikinos emam ŋace.

Sakar 14:9

Akoloŋit ŋin, Ekapolon iŋes eruwor erwosit ŋolo ka akwap a daadaŋ, eruwor Ekapolon epei bon ka eruwor ekiro keŋ bon eyai.

Mal. 1:11

Itopoloorete ŋituŋa a ŋakwapin ekiro kaŋ taparacu ka eboŋ. Alotooma ŋinakibois daadaŋ, eyaunete ŋituŋa ekinyate ka ŋainakineta ŋuna ajokak neni kaŋ, anerae epol ekiro kaŋ anakwapin.

Luk. 1:32

Erwoniar iŋes ka enyarao Lokoku ka Akuj a ŋina alokidiama nooi. Isiboikini Akuj iŋes lokicoloŋ a papa keŋ Daudi.

Yoa. 3:29

Ŋini eyakar ateran, iŋes erae ekeitan; nai ekone ŋolo ke ekeitan ŋolo eyai nen, elelyani nooi aŋuna epupyo etoil ŋolo ke ekeitan. Erae alakara na ŋina kaŋ ka elelebun lotau kaŋ.

Ŋiep. 5:32

Eya Nakigireta ŋun ŋakiro ŋuna ajokak ŋuna imunono, ŋuna ayenu ayoŋ atemar ikamunito Kristo ka atukot a Ŋikristo.

Yos. 3:11

Analosit kus Yorodan, ikiŋarenikini iyes Asaduku ŋina ka Acamunet a Ekapolon Akuj ŋina erae alope akwap daadaŋ.

Yos. 3:13

Apaki ŋina iciakyata ŋisacaradotin ŋulu edakito Asaduku ŋina ka Acamunet a Ekapolon a ŋolo erae elope ka akwap daadaŋ ŋakipi ŋuna a Yorodan, etubosi ŋakipi towua aiwapei.”

Akis. 11:15

Abu nai emalaika ŋolo a ŋikanikaarei tokutak arupepe keŋ. Toyakaunos ŋitoilon ŋulu acelasi anakuj ebasi, “Tokona, erae apedor ŋinakipukaet akwap ŋina ke Ekapolon yok ka ŋina a Kristo keŋ, ipukae iŋes ŋikaru ka ŋikaru!”