Isa. 54:11 - Ebaibul

¹¹ Alimu Ekapolon ŋakiro nu, Okoe Yerusalem, etaun ŋolo ikisicanitae ikimemeo ka ŋolo emam ikesirworiunan ŋituŋa kon, eapi ayoŋ adukokin iyoŋ nabo a ŋamoru a ŋuna egogoŋ egyelit, adukokini ayoŋ nabo akisyakinet a ŋarwatatain kon a ŋamoru a ŋuna enyaritae Sapire.

Isa. 54:11 Iomraidhean Croise

1 Ŋirw. 5:17

Apotu ikes tobokununut ŋamoru ŋuna apolok nooi lopite ŋolo alimokinitor erwosit ikes, tobokununut ikes ŋamoru ŋuna ajokak nooi ŋuna epedorete akisiakin alokwap arwatata ŋina ka Akai ka Akuj anerae ecietae ejok.

1 Ŋirw. 6:30

Toburusik daŋ iŋes egolid kwap ŋagulei ŋuna alotooma ka ŋuna alokiŋa Akai ŋin

1 Ŋakiro a ŋirwa 29:2

Adau ayoŋ akitemonokin ŋiboro aŋuna ka Akai ka Akuj kaŋ, alotooma epite ŋolo abunio opedorya aryamun: Egolid ŋolo itiyaunere ŋiboro ŋulu itiyaunitae a egolid, esilipa ŋolo itiyaunitae ŋiboro ŋulu itiyaunitae a esilipa, eburonis ŋolo itiyaunere ŋiboro ŋulu itiyaunitae a eburonis, ŋasuwa ŋuna itiyaunere ŋiboro ŋulu itiyaunetae a ŋasuwa, ŋakito ŋuna itiyaunere ŋiboro ŋulu itiyaunitae a ŋakito, eyakasi daŋ lu ŋulu alalak nooi: Ŋamoru ŋuna areŋak-pusiyek ŋuna enyaritae Oniks, ŋamoru ŋunakisyakinet aduketait, ŋamoru ŋuna inyalal ŋiraŋgi ŋuna enyaritae Yasiper, ŋamoru ŋuna egelegelya ŋiraŋgi ka ŋikabilae a ŋamoru a daadaŋ ta ŋamoru ŋuna alalak nooi ŋuna iceo ŋiboro.

2 Ŋakiro a ŋirwa 3:6

Kisibus iŋes Akai ka Akuj a ŋamoru a ŋuna epol egyelit a ŋuna ebusak. Abu iŋes kisitiya egolid ŋolo ayaunitae alo Paripaim.

Yob 28:16

Nyepedoryo akitiriyan aosou ka egolid ŋolo ka Opir, kori akitiriyan ka ŋamoru ŋuna epol egyelit ŋuna enyaritae Oniks kori Sapire.

Ŋikiru. 34:19

Eryamununui ituŋanan ŋini iyookino ŋican ŋulu alalak, nai eiununui Ekapolon iŋes alocan a ŋul a daadaŋ.

Awos. 2:23

Kelunyar apaki ŋina aoyan, abu erwosit a Ijipit totwana. Apaki ŋin, aryebasi Ŋisirael aŋuna ka apitoonut, apotu ikes kikalout, ido anakigworo kec a ŋin, eitanito akiŋarakino ka abu akigworo kec todol neni ka Akuj.

Awos. 24:10

Kiŋolikis a nen Akuj a Ŋisirael. Kwap ŋakejen keŋ, ayai ibore ŋini enaminamakina neni pus ŋini ekwaan ka amoru ŋina enyaritae Sapire. Eleere nen epusiyana ikoni kidiama eliilii.

Awos. 3:2

Totakanu emalaika a Ekapolon neni a Moses a nen enoki anamoni ikwa akim. Kitek Moses amoni ŋin ŋina anoki, nai pa abu tonomiya.

Awos. 3:7

Tema nai Ekapolon, “Adau ayoŋ akiŋolikin epite ŋolo iteryamunitere ŋituŋa kaŋ ŋican alo Ijipit. Eira ayoŋ akigworo kec ŋina isigworyoto ŋikapolok ŋulu isitiyaete ikes. Kire jik akanomosi ayoŋ ŋican kec

Eete a Ŋie. 5:14

Ediryaka ŋakan keŋ ka enapit iŋes ŋikabobooe ŋulu eya ŋamoru ŋuna amilimilak, esulut akuwan keŋ ikwaan ka ekelae a etom, esirit iŋes akuwan keŋ a ŋinapen a ŋulu amilimilak.

Isa. 14:32

Anukiro eboŋokinio neni a ŋituŋa a ŋulu iyakuunitae alo Pilistia? Eboŋokinio ikes atemar etogogoŋ Ekapolon Sion ka eryamunete ŋituŋa ŋulu eyakatar akiitanit neni eiunotor.

Isa. 28:16

Aŋun, alimu Ekapolon ebe, “Ewuak tokona ayoŋ Sion amoru ŋinakisyakinet aduketait, amoru ŋina agogoŋon nooi, amoru ŋina egogoŋ egyelit ŋina itowoi aduketait jik. Nyekadakini ituŋanan ŋini ikinyomit neni keŋ.”

Isa. 44:28

Ayoŋ alimokini neni a erwosit Kirus ebe, ‘Irae iyoŋ ekeyokon a ŋituŋa kaŋ, itiyae iŋes ŋakiro daadaŋ ŋuna acamit ayoŋ.’ Ayoŋ alimuni aŋuna a Yerusalem ebe, ‘Edukokinio iŋes nabo,’ ayoŋ alimuni aŋuna ka Akai ka Akuj ebe, ‘Edukokinio akisyakinet a aduketait kon.’ ”

Isa. 49:14

Nai ebasi ŋituŋa a Sion ebe, “Ikimyek Ekapolon isua, ikimuryakin isua aneni ke Ekapolon.”

Isa. 51:21

Aŋun, kiirasi ŋakiro nu iyes ŋulu ikiwanitae, iyes ŋulu imerasi nai meere a epiini.

Isa. 51:23

Esicani ayoŋ ŋulu ikisicanito iyes, ŋulu adaut alimokin iyes ebe, ‘Topero alokwap, ikotere isua ikipudae iyes,’ ido ipotu iyes kituruwosi ŋakausinei kus neni ipudaete ikes ikwa akwap.”

Isa. 54:12

Adukokini ayoŋ ŋaduketa kon ŋuna aoyak a ŋamoru a ŋuna enyaritae Rubi, adukokini ayoŋ ŋipukei kon a ŋamoru a ŋuna amilimilak ka adukokini ŋarwatatain kon a ŋamoru a ŋuna epol egyelit.

Isa. 54:6

Ikinyar iyoŋ Ekapolon esibit irae iyoŋ aberu ŋina eŋeritoe, ŋina iyaloloŋi alotau keŋ, esibit irae iyoŋ ateran ŋina iritari ekile eriŋa esorokana.

Isa. 60:15

Tari sek kikiŋeritoe ka kikimanitae iyes ka kemam ituŋanan etorununui nakwap kus; eketuruwori ayoŋ iyes ŋulu ailiilok ŋikaru ka ŋikaru; alelyanu ŋina ka anyamet ka apei tari ŋinace.

Yer. 30:17

Eketojokuni ayoŋ iyes nabo, ka etiiyori ayoŋ ŋajemei kus, anerae ikinyarata ŋimoe kus iyes ebe, ‘Erae ikes ŋulu ilamitae, ilamitae Sion, mam ituŋanan emisit iŋes.’ ”

Aum. 1:21

“Adaut ŋituŋa akiirar aumen kosi, nai mam ŋini ebuni akisirworiun isua. Adaut ŋimoe kosi daadaŋ akiirar ŋican kosi; elelyanete ikes aŋuna idau iyoŋ akitiya. Kitodolu kareca akoloŋit ŋina sek ilimunit iyoŋ, ikotere ŋimoe kosi ekwaanikinos ka isua.

Esek. 1:26

Yaye ariwo ŋina ayai kidiama ŋakyes kec, ayai ibore ŋini ekwaan ka ekicoloŋ ŋolo ka apolou, atakani itiyaunitae a amoru a ŋinapus a ŋina enyaritae Sapire. Eboi alokicoloŋ a ŋol etorube ŋolo ekwaan ka ŋolo a ituŋanan.

Esek. 10:1

Abu nai ayoŋ eŋoliya nariwo ŋina eyai kidiama ŋakyes a ŋisubuna a ŋulu a ŋabebenuk, ayai nen ibore ŋini ekwaan ka ekicoloŋ ŋolo itiyaunitae a ŋamoru a ŋunapusiyek a ŋuna enyaritae Sapire.

Mika 7:11

Ŋituŋa a Yerusalem, ebunit apaki ŋina idukokiniata iyes nabo ŋarwatatain ŋuna ke etaun kus, apaki ŋin, isiyotokinete iyes ŋikorin kus neni alwanan.

Mat. 8:24

Ŋinapeipaki, tokut ekuwuam ŋolo apolon ananam, todikino ŋakipi ŋuna emorokokoete erapuwarete ataker. Nai ajotoe Yesu.

Yoa. 16:33

Akalimok ayoŋ iyes ŋun, ikotere toryamut iyes ekisil alotooma kaŋ. Ikiteryamuni akwap iyes ŋican, nai toena ŋitai! Elou ayoŋ akwap.”

Ŋitic. 14:22

Kitogogoŋo ikes ŋikanupak, kisimukekis arubakin ananupit. Kitatama ikes ŋikanupak ebe, “Itemokino iwon etoro locan ŋulu alalak, eriŋa nyelomara Napukan ka Akuj.”

Ŋiep. 2:20

Isikwaanitae Ŋikristo ka aduketait: aŋun, adaun iyes adukokin nakisyakinet ŋina ka aduketait a ŋina esyakinete ŋikiyakia ka ŋikadwarak. Yesu Kristo elope iŋes erae amoru ŋina itogogoŋit akai alokoona.

Ŋikis. 31:17

Ani itiyakinete ikes ŋun, aŋoikini ayoŋ ikes akoloŋit ŋinapei ŋin. Aŋeri ayoŋ ikes, ido ewa ereet kaŋ aneni kec, emunyaryo ikes ka atipei, edolokinete ŋican ŋulu aronok nooi ikes. Akoloŋit ŋin etemarete ikes, ‘Meere mono aŋuna nyeyakar Ekapolon Akuj yok kaapei ka iwon, iŋes atakanuniata ŋican lu neni yok a?’