Isa. 54:10 - Ebaibul

¹⁰ Epedorete ŋimoru aŋopiyar ka epedoryo ŋikamukumukui alemar, nai nyalemari ayoŋ amina kaŋ ŋina nyiryaŋiryaŋa aneni kon, nyepedoryo alemar aneni kon acamunet kaŋ ka iyoŋ ŋina ke ekisil. Alimu Ekapolon ŋolo ikisyonit iyoŋ ŋakiro ŋun.

Isa. 54:10 Iomraidhean Croise

2 Sam. 23:5

“Nyiyookino mono ŋituŋa a ekal kaŋ aneni ka Akuj a? Nyikicamuna mono Akuj ka ayoŋ anacamunet a ŋina a ŋikaru ka ŋikaru, a ŋina etemokin ka emam ituŋanan elemari a? Mam mono nyisiyookini iŋes aiuno kaŋ, ido okoinak ayoŋ ŋuna eitanit daadaŋ a?

Ŋikiru. 102:26

Edaunosi ikes, nai irubakini iyoŋ iyai; enyamunosi ikes daadaŋ ikwa ŋilowi. ilocokini iyoŋ ikes ikwa ŋilowi, ido edaunosi.

Ŋikiru. 46:2

Aŋun, emam ibore ikitubuli iwon, tari daŋ kemaraniki akwap; kimasar ŋimoru nenicukul ananamyo;

Ŋikiru. 46:3

tari daŋ kerwoto ŋakipi a ŋanamyo tokwoto ŋikurudoi, tari daŋ kemarana ŋimoru aŋuna ke eruye a ŋanamyo.

Isa. 49:10

Nyenyami ikes akoro, kori akure, nyeari ikes ekuwuam ŋolo amwanan, kori akoloŋ, anerae iteni ikes ŋolo abu kisyoni ikes, iteni ikes kitoryo neni eya ŋiitan a ŋakipi.

Isa. 49:15

Epedori mono akimuryakin aberu ikoku keŋ ŋini itanaki, kori epedori mono aberu awoun akisyon ikoku ŋini idounit iŋes alope a? Tari kepedorete ŋun akimuryakin aberu, nyimuryakinosi iyes aneni kaŋ.

Isa. 54:8

Abu ayoŋ ananyunyura kaŋ a ŋina alalan ewua ereet kaŋ aneni kon, nai anamina kaŋ a ŋina a ŋikaru ka ŋikaru, ekesyoni ayoŋ iyoŋ.

Isa. 55:12

“Ilosete iyes alo Babilon ilakara ka ikitenaryo nakwap kus a ekisil; eokinete ŋimoru ka ŋikamukumukui alokiŋaren kus ka eramakinete ŋikito ŋulu a ŋimanikorin ŋakan kec.

Isa. 55:3

Topupokisi, ido ipotu neni kaŋ; kiirasi ŋakiro kaŋ ikotere iyarete. Ewuakini ayoŋ acamunet kaŋ ka iyes ŋina a ŋikaru ka ŋikaru, acamunet ŋina ikicamunor ayoŋ ka iyes, amina ŋina nyiryaŋiryaŋa ŋina abu ayoŋ eik Daudi.

Isa. 55:7

emaikina ŋulu aronok kimyekis akitiya aronis ka emaikina ŋulu nyiyookino ŋatameta kec kimyekis akitam ŋuna nyiyookino; emaikina ikes toboŋut neni ke Ekapolon, ikotere Ekapolon isyoni ikes emaikina ikes toboŋut neni ka Akuj yok, anerae isyoni iŋes ikes nooi.

Isa. 59:21

Alimu Ekapolon ebe, “Erae na acamunet kaŋ ka ikes. Ameun tokona tari ŋikaru ka ŋikaru, etau kaŋ ŋolo eyai neni kus ka ŋakiro kaŋ ŋuna ewuak ayoŋ nakituka kus, nyiyotorete anakituka kus, kori anakituka a ŋidwe kus, kori anakituka a ŋidwe kec.”

Isa. 61:8

Alimu Ekapolon ebe, “Amina ayoŋ akiyookino aŋerit ayoŋ ademanar ŋuluce ŋiboro kec ka akitiya ŋuna aronok. Ataci ayoŋ ikes aŋuna a ŋiticisyo kec itemokino, ido ewuakini ayoŋ acamunet ŋina a ŋikaru ka ŋikaru ka ikes.

Isa. 63:7

Atamuni ayoŋ ŋiticisyo a Ekapolon kaŋ ŋulu ajokak, ŋiticisyo keŋ ŋulu emaikina kipurore iŋes. aŋuna a ŋiticisyo a daadaŋ a ŋulu etiya iŋes aŋuna yok ka ajokis ŋina apolon nooi ŋina etoodik iŋes Ŋisirael, ŋina etoodikinia iŋes ikes akisyon keŋ, alotooma amina keŋ ŋina alalan ŋina nyiryaŋiryaŋa.

Isa. 9:6

Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Yer. 31:36

Ani ca kerubakinito ŋisubuna ŋul eyakasi, erubakinete ŋituŋa a Isirael daŋ eyakasi nakwap kec ŋikaru ka ŋikaru.

Yer. 33:20

“Ani kebil ituŋanan kus idio acamunet kaŋ ka apaaran ka acamunet kaŋ ka akuwar, nyeyakaun apaaran ŋin, kori akuwar ŋin apaki ŋina itemokino eyakar,

Esek. 16:42

Ekaku a ŋun, etiditeuni ayoŋ anyunyura kaŋ aneni kon ka alemari alilikinit kaŋ iyoŋ, inapakin ŋatameta kaŋ edaun aŋoit aneni kaŋ.

Esek. 34:25

“Ewuakini ayoŋ acamunet ŋina a ekisil neni kaŋ ka ikes, alemari ayoŋ ŋityaŋ ŋulu adedeŋak anakwap kec, ikotere ŋamesekin kaŋ iboiyete analoŋisat ka eperete anamon emam ibore enyami.

Mal. 2:5

Arae Acamunet kaŋ ka Lepi ŋina ka akiyar ke ekisil. Abu ayoŋ oinak iŋes akiyar ke ekisil, ikotere eketopoloorit ayoŋ, ido abu iŋes eketopoloo ayoŋ tomunik erae ŋolo ekerit ekiro kaŋ.

Ekim. 25:12

Aŋun, tolimok Pineas ebe, ‘Ikicamun ayoŋ ka iŋes anacamunet kaŋ a ŋina ke ekisil.

Mat. 16:18

Akalimokini ayoŋ iyoŋ atemar, irae iyoŋ Petero, (apolou keŋ atemar ataaba.) Nataaba ŋin iŋes adukokini ayoŋ akai kaŋ ka nyepedori atwanare akiloun iŋes.

Mat. 24:35

Edaunosi nakuj ka akwap, nai nyedaunosi ŋakaakiro jik.

Mat. 5:18

Akalimokini ayoŋ iyes kire atemar, mati kesalu nakuj ka akwap, emam enyukuta kori akirot adio cici ŋina ikisaryo a Lokisila, mati kirikakin ŋakiro daadaŋ.

Ŋirom. 11:29

Anerae nyiloconokini Akuj ŋatameta keŋ alotooma ŋuna ikamunito ŋini adau iŋes aseun kori akiterereŋ.

Tito 3:5

abu iŋes ikiu iwon. Pa arae aŋuna a ŋiticisyo a ŋidi a ŋulu ajokak a ŋulu ikitiyat iwon, nai arae aŋuna ka akisyon keŋ ka alope abunio iŋes ikiunia iwon. Abu iŋes ikiu iwon, ikitesegu iwon anakidouno a ŋina a ŋaarei ka ikituruwo iwon ŋulu kitet aneni ke Etau a ŋolo Asegan.

Ŋibur. 12:27

Isileereunito ŋakiro ŋuna ebookoi “Apeikitamaranikinet” ebe itamaranikinio ka elemaryo ŋisubuna daadaŋ, ikotere nai idoŋi ibore daadaŋ ŋini nyepedoryo akitamaranikin.

Akis. 6:14

Toŋopya adis kikok akaratas ŋina ebilakinio ka aponi kisiyotoroe ŋimoru ka ŋiculata ŋulu ka anam aneni sek eyakasi.