Isa. 54:1 - Ebaibul

¹ Alimu Ekapolon ŋakiro nu, “Okoe iyoŋ aberu ŋina ikolupana, toeik, tocelu ieo ka kiworou iyoŋ ŋina nyeanyuna aryeba ŋina ka akidoun! Anerae aryamu aberu ŋina abu lokile keŋ toesik ŋidwe ŋulu alalak, akilo aberu ŋina eyakar ekile.

Isa. 54:1 Iomraidhean Croise

Akisy. 21:6

Tosodi Sara tolimu tema, “Akainaki Akuj ayoŋ alelyanu ka akyena; ido ekyeniyete kaapei ka ayoŋ daadaŋ ŋulu iirarete nu.”

Ŋikiru. 113:9

Einakini ŋidwe neni ka aberu a ŋina emam ŋidwe einakini iŋes aruwor aberu ŋina elakara aŋuna a ŋidwe. Kipuroe Ekapolon!

Eete a Ŋie. 8:8

Eyakare isua nakaato kosi ŋina cici ŋina eriŋa nyiburuna. Anu itiyao isua aŋuna anakaato kosi, akoloŋit ŋina a erwor a nakaato kosi?

Isa. 12:6

Tocelutu nooi aŋun ka toeikisi ilelyanete iyes ŋituŋa daadaŋ ŋulu iyakasi Sion, anerae epol Akuj ŋina asegan ŋina a Isirael ŋina iboi alokidiŋ ŋituŋa keŋ.”

Isa. 24:14

Ecelunete ŋipiya, eeikinete ka alelyanu; elimorete ŋulu alo To ailiil a Ekapolon.

Isa. 44:23

Okoe iyes ŋisubuna ŋulu alokidiama toeikisi, anerae adau Ekapolon akitiya ŋuna ka alakun; okoe iyes ŋisubuna ŋulu iyakasi kwap akwap, tocelutu ieosi, okoe iyes ŋimoru, toeikisi, okoe ŋamoni ka ŋikito daadaŋ ŋulu iyakasi namoni, toeikisi, anerae alaku Ekapolon ŋiletok a Yakob, tosodi itopolooryo iŋes alo Isirael.

Isa. 49:13

Okoe iyes ŋisubuna ŋulu alokidiama, toeikisi ka alakara, okoe iyes ŋisubuna ŋulu alokwap, tocelutu ka alelelyanu; okoe iyes ŋisubuna ŋulu iya lomoru tocelutu ieosi, anerae esirworiu Ekapolon ŋituŋa keŋ ka isyoni ŋituŋa keŋ ŋulu eryamunito ŋican.

Isa. 49:19

Kire jik, ilelebunosi iyes nakiboisyo kus ŋuna sek apotu toruworos ŋacaryo ka ŋireŋoroto; kire jik, idiŋidiŋakinosi ŋituŋa kus anakiboisyo a ŋuna sek aponere ikiritar iyes, eakarete neni alwanan ŋulu sek apotu ikitoŋopiyasi iyes.

Isa. 49:20

Elimunete ipupete iyes ŋidwe kus ŋulu auruunio apaki ŋina iyakatar iyes locan ebe, “Edidiŋ akibois na aŋuna kosi, inakinae isua akibois ŋina aloloman kiboikinetei.”

Isa. 62:4

Nyeriŋa nabo etemaryo iyes irae ŋulu ikiesikinitae ka nyeriŋa nabo akwap kus erae ŋina asilon. Nai ikinyarao iyes ŋituŋa ŋulu elakara Akuj aŋuna kec ka ikwaanikin akwap kus ka aberu ŋina iisitae, anerae elakara Ekapolon aŋuna kus ka ikwaanikin akwap kus ka aberu ŋina iisitae.

Isa. 66:7

“Ekok etaun kaŋ ŋolo asegan aberu ŋina idouni eriŋa nyeryabakina, ekok iŋes aberu ŋina abu kidou ikoku ŋinisapat eriŋa nyeryabakina.

Sepan. 3:14

“Toekisi iyes ŋituŋa a Sion! Tocelutu nooi iyes Ŋisirael! Tolakaros ka tolelyana nooi a ŋitai kus a daadaŋ, iyes ŋituŋa a Yerusalem.

Sakar 9:9

“Tolelyana nooi iyes ŋituŋa a Sion! Tocelutu nooi aŋuna ka alelyanu, iyes ŋituŋa a Yerusalem! Kiŋolikisi ebunit erwosit kus neni kus; Erae iŋes ŋolo iyookino ka ŋolo adau akiloun, erae iŋes ŋolo itiditeuna ka edokit isigirya, itaok ŋini ka asigirya.”

Ŋigal. 4:27

Anerae ebasi Ŋakigireta ebe, “Tolakari iyoŋ aberu ŋina ikolupana! Tocelu ka kiworok ka alelyan, iyoŋ ŋina nyeanyuna aryeba ŋina ka akidoun! Anerae eryamuni aberu ŋina abu lokile keŋ toesik ŋidwe ŋulu alalak, akilo aberu ŋina eyakar ekile!”

1 Sam. 2:5

Ilejilejete tokona akimuj ŋituŋa ŋulu paaran ayakatar akimuj, nai nyeriŋa akoro enyamit ŋulu anyamit akoro, adau aberu ŋina amamu ŋidwe auruun ŋidwe ŋikanikaarei, nai aberu ŋina sek ayakar ŋidwe ŋulu alalak, mam ipei daŋ idoŋit.