Isa. 53:8 - Ebaibul

⁸ Aponi toreikinae iŋes ŋakiro anatubokin a ŋina pa eyookino, aponi torikoroe iŋes akiar. Ŋae apedorit atamatam ŋuna itiyakin neni keŋ? Anerae aponi tolemarae iŋes anakwap a ŋulu eyarete, aponi toarae iŋes aŋuna a ŋasecisya a ŋituŋa kaŋ.

Isa. 53:8 Iomraidhean Croise

Ŋikiru. 69:12

Ayoŋ ekerworotor ŋituŋa ŋinibore iboiyoto; alotemwan alodiyete ŋipukei, ido akaeotor ayoŋ ŋikamerak.

Ŋikiru. 88:5

Ikikwaanikin ayoŋ ka ŋituŋa ŋulu imyekinitae aneni a ŋikatwak, ikikwaanikin ayoŋ ka ŋituŋa ŋulu adaun akiar, ŋulu eya napanya, ikikwaanikin ayoŋ ka ŋituŋa ŋulu nyeriŋa iyoŋ itamunit, anerae nyeriŋa iyoŋ iŋarakinit ikes.

Isa. 53:12

Aŋun, ainakini ayoŋ iŋes akibois aneni a ŋikapolok, ekorete iŋes ka ŋikagogoŋok ŋiboro ŋulu eŋatunitae, anerae abu iŋes tocamu atwanare ka aponi kimarakinae iŋes neni a ŋulu abilibiliyete ŋikisila, nai abu iŋes tocamu akidaŋ ŋasecisya a ŋikalalak ka abu todyek Akuj aŋuna a ŋulu ebilibiliyete ŋikisila.

Isa. 53:5

Nai aponi iŋes towanawanae aŋuna abilere iwon ŋikisila, aponi iŋes toarae aŋuna a ŋasecisya yok; aponi iŋes kisicanae aŋuna yok, aŋuna aŋajemei keŋ, adaun akitaŋaleun iwon.

Yer. 11:19

Nai ikikwaan ayoŋ ka ikale ŋinimesek ŋini epatana erikoryo akiŋol. Pa ayeni ayoŋ atemar ekemanitae ayoŋ, pa ayeni ayoŋ atemar ayeete ikes ŋakiro kec ebasi, ‘Omunaasi ekitoe ka ŋaraito keŋ, olemasi iŋes anakwap a ŋituŋa a ŋulu eyarete, ikotere tojoŋoi atamunit ekiro keŋ.’

Aum. 3:54

Apotu ŋakipi toburusiyasi akou kaŋ anakipany a ŋin; abu ayoŋ otema, ‘Adau ayoŋ acakar.’

Dan. 9:26

Ekaku a ŋikaru a ŋamiae a ŋaomwon ka ŋatomonikanikapei ka ŋiomwon earyo ekarikon ŋolo eseunit Akuj, edaun ibore ŋini erae ŋini keŋ, ido emunaarete ŋasigarya a ekarikon a ŋolo ilunyokin lokicoloŋ keŋ etaun ka akibois ŋina ka Akai ka Akuj. Ebuni asalun keŋ lopite ŋolo ebunio akalele, eyakaun ejie akitodol nasalunet. Atubun atemar eyakaun ekasile.

Mat. 1:1

Erae lu ŋirorwa atapapaa a Yesu Kristo, a ŋolo arae ekanateker a Daudi a ŋolo arae lopapait ka Aburaam.

Yoa. 19:7

Toboŋokis Ŋiyudayan temasi, “Eyakare isua Ekisil ŋolo ebala, itemokino iŋes totwan, anerae ebala, arae iŋes Lokoku ka Akuj.”

Ŋitic. 8:33

Alotooma akitiditeuna keŋ, aponi kitiyae ŋuna nyeriyan neni keŋ. Ŋae elimori ŋuna a ŋiletok keŋ, anerae alemar akiyar keŋ anakwap.”

Ŋirom. 1:4

Alopite a ŋolo ka akujuwuanut keŋ, erae iŋes ŋolo aseu Akuj aruwor Lokoku keŋ, aŋuna eteyarunere iŋes alokatwak anapedor a ŋina ka Akuj.

1 Pet. 3:18

Tari Kristo daŋ abu totwan apeitwanet bon aŋuna a ŋasecisya, totwan iŋes ŋolo amam asecit aŋuna a ŋikasecak; ikotere ikirikorya iyes neni ka Akuj. Apotu ŋituŋa toara Kristo alokuwane, nai abu Akuj kiteyaru iŋes erae ituŋanan ŋini erae etau.