Isa. 52:4 - Ebaibul

⁴ koloŋ sek apotu ŋituŋa kaŋ totiyaaros Ijipit akiboi aina erae ŋigelae; esicana tokona ŋituŋa ka Asiriya daŋ ikes emam ŋakiro esecito.

Isa. 52:4 Iomraidhean Croise

Akisy. 46:6

Tomyaasi ikes ŋibaren kec ka Yaasi ŋiboro ŋulu keryamunito ikes anakwap a Kanaan. Tolomutu Yakob ka ŋiletok keŋ daadaŋ Ijipit,

Akisy. 46:7

iŋes ka ŋidwe keŋ ŋulusapa ka ŋipapae keŋ ŋulusapa ta ŋidwe keŋ ŋulupesur ka ŋipapae keŋ ŋulupesur. Yau Yakob ŋiletok keŋ daadaŋ Ijipit.

Yob 2:3

Kiŋit Ekapolon Satan tema, “Anu itami iyoŋ aŋuna a eketiyan kaŋ a Yob? Mam ituŋanan anakwap ikwaanatar Yob, erae iŋes ituŋanan ŋini emam ŋuna itoroniyaritere ka erae iŋes ŋolo iyookino, ekile ŋolo itopoloorit Akuj, ŋolo eŋerit ŋuna aronok. Erubakinit iŋes iyookino, tari daŋ kicamit iyoŋ ayoŋ oremokin iŋes ka omunaiya iŋes emam ŋuna aronok ŋuna itiyat iŋes neni kaŋ.”

Ŋikiru. 25:3

Nyimyek ŋituŋa ŋulu ikigenosi iyoŋ kisirumae ŋileec; nai ŋulu ikiŋereneneete iyoŋ emam ŋuna ikiŋeritotor, ikes emaikina kisurumae ŋileec.

Ŋikiru. 44:12

Igyela iyoŋ ŋituŋa kon a egyelit a ŋolo edit, mam ibore iryamu iyoŋ anagyelar ikes.

Ŋikiru. 69:4

Elalak nooi ŋituŋa ŋulu akaremokino ayoŋ koŋin edeparit ekimar kec tari ŋitim ŋulu ka akou kaŋ; elalak nooi ŋimoe kaŋ ŋulu ekemanito, ŋulu iwarito alemar akiyar kaŋ koŋin. Akareikinito ayoŋ akitac ibore ŋini pa akokoiyarit.

Isa. 14:25

Amunyari ayoŋ ŋituŋa ka Asiriya anakwap kaŋ ka epudaari ayoŋ ikes alomoru kaŋ; alacakini ayoŋ ŋituŋa kaŋ anapedor a ŋituŋa ka Asiriya ka alacakini ikes aloticisyo a ŋulu agogoŋok a ŋulu ainakinitae ikes akitiya.

Yer. 50:17

“Ikwaan ŋituŋa a Isirael ka ŋamesekin ŋuna irisito ŋiŋatunyo. Ekiŋaren abu erwosit ka Asiriya toar ikes, ido ekaku amunya ikes erwosit Nebukadinesar ŋolo a Babilon.

Yoa. 15:25

Apotu ŋun kitiyakin, ikotere kiyookinotor ŋuna igiritae Lokisila kec ebe, ‘Apotu ikes eketidiŋa ayoŋ koŋin.’