Isa. 52:3 - Ebaibul

³ Alimu Ekapolon ebe, “Aponi ikigyelar iyes koŋin, tosodi ikilakunio iyes emam ŋisiliŋa etacio,

Isa. 52:3 Iomraidhean Croise

Ŋikiru. 44:12

Igyela iyoŋ ŋituŋa kon a egyelit a ŋolo edit, mam ibore iryamu iyoŋ anagyelar ikes.

Ŋikiru. 44:13

Ikituruwo iyoŋ isua ŋulu ikikyenatar ŋikidunyet kosi, ikituruwo iyoŋ isua ŋulu ikijamuwarito ka ikikyenatar ŋikidunyet kosi.

Isa. 1:27

“‘Elakunio ŋituŋa a Sion anatubokino a ŋina iyookino ka elakunio anakiyookino ŋulu ekiyete, ŋulu iboiyete alotooma keŋ.

Isa. 45:13

Etonyou ayoŋ Kirus akitiya ŋuna iyookino, alemari ayoŋ ŋican alorotin a daadaŋ a ŋulu itori iŋes; edukokini iŋes etaun kaŋ ka elakuni ŋituŋa kaŋ ŋulu erikoritae. Nyegyeluni ikes, kori nyeyai akaluŋuŋulut aŋuna kec.”

Isa. 50:1

Alimu Ekapolon ŋakiro nu, “Ai eyai abaruwa ŋina alakitor ayoŋ toto kus? Kori alu alotuŋa ŋulu etiŋito ŋisiliŋa kaŋ abu ayoŋ okogyelak iyes? Mam, erae aŋuna a ŋasecisya kus iŋes aponere ikigyelar iyes ka eritaryo toto kus aŋuna a ŋaronisya kus.

Isa. 62:12

Enyarao ikes, ‘Ŋituŋa ŋulu ka Akuj, ŋituŋa ŋulu alakuni Ekapolon,’ ido enyarao Yerusalem, ‘Etaun ŋolo apolon ŋolo emina Ekapolon. Etaun ŋolo eyakasi ŋituŋa.’ ”

Isa. 63:4

Aris apaki ŋinakinyaŋaret keyakaun lotau kaŋ ka aris ekaru ŋolo ka alakun ikes kedolu.

Yer. 15:13

“Eŋatarete ŋimoe ŋiboro kus ka abaru kus emam egyelit aŋuna a ŋasecisya kus. Iritorete ŋimoe ŋiboro anakwap kus a daadaŋ.

Esek. 16:31

Ibu iyoŋ nyijal ŋisiliŋa ŋulu amalao kon apaki ŋina ibunio iyoŋ todukio ŋakiboisyo ŋunakilipet neni isalakini ŋolorot a etaun daadaŋ ka nenimukur analapatui a daadaŋ a ŋuna a etaun.

Esek. 34:27

Erayete ŋikito ŋaraito kec ka eraunete ŋikinyom alokwap, mam awasya eyakaunotor ŋituŋa kaŋ anakwap kec. Eyenunete ikes atemar arae ayoŋ Ekapolon apaki ŋina alemarya ayoŋ ŋican kec ŋulu eenito ikes ikwa ŋapaadei ŋuna ikienikinito nayokot, aiuni ayoŋ ikes anapedor a ŋulu apotu yaasi ikes erae ŋipi.

Ŋilep. 25:54

Tari daŋ pa kelakunitae Isiraelit ŋin alopitesyo a ŋul ke edio, emaikina iŋes ka ŋidwe keŋ kimyekinae toboŋosi nateker keŋ ka nalup a papa keŋ edolit ekaru ŋolo itiyaere ŋasuban ŋuna a ŋikaru a ŋatomonikan;

1 Pet. 1:18

Anerae iyenete iyes ibore ŋini atacaryo, ikotere itolakunere iyes alopitesyo a ŋulu ka akiyar kus a ŋina amam ajokis, a ŋina iryamunete iyes aneni atapapaa kus. Pa arae ibore ŋin, ŋini epedoryo akinyasun ikwa esilipa kori egolid;