Isa. 52:2 - Ebaibul

² Okoe ŋituŋa a Yerusalem, tonyoutu irae ŋulu itopolooro, tobutosi ŋican tolacasi ŋiriko ŋulu ikienito iyes okoe ŋituŋa a Sion!

Isa. 52:2 Iomraidhean Croise

Isa. 10:27

Akoloŋit ŋin, alemari ayoŋ ŋican ŋulu iryamunito iyes aneni a erwosit ka Asiriya, elemaryo ŋican aneni kus lopite ŋolo elemarere ayokot alomosiriŋ.” Itiyakin ŋun, anerae arotoki erwosit ka Asiriya alo Rimon,

Isa. 14:25

Amunyari ayoŋ ŋituŋa ka Asiriya anakwap kaŋ ka epudaari ayoŋ ikes alomoru kaŋ; alacakini ayoŋ ŋituŋa kaŋ anapedor a ŋituŋa ka Asiriya ka alacakini ikes aloticisyo a ŋulu agogoŋok a ŋulu ainakinitae ikes akitiya.

Isa. 29:4

Ekaku irworikinete iyes ŋituŋa ka Ariel alokwap ŋalup iiraryo ŋitoilon kus alokwap ŋalup; iiraryo ŋitoilon kus alokwap esibit etoil a ekipye, iiraryo ŋitoilon kus iŋaiŋaasi analup.

Isa. 3:26

Iwololoete ka igworete ŋituŋa alopukei a Sion. Eruwor Sion etaun ŋolo a ŋican, ikwaanikin ka aberu ŋina iboi alokwap emam ŋiboro enapit.

Isa. 49:21

Itamakinete nai iyes alotai kus ebe, “Ŋae keuri ŋidwe lu aŋuna kosi? Aponi isua ikiteryamun ŋican, ikitusubun ŋikolupanotin, aponi isua ikirikor nakwapin, ikilemar a ne, ŋae nai kitopolouni ŋidwe lu? Aponi kimyekinae Sion esil, nai ai aponiata ŋituŋa lu etya ne?”

Isa. 51:14

Elakunio atipei ŋulu isicanitae, nyetwakete ikes ka nyelomarete nakipany, kori nyicanakinosi akimuj.

Isa. 51:23

Esicani ayoŋ ŋulu ikisicanito iyes, ŋulu adaut alimokin iyes ebe, ‘Topero alokwap, ikotere isua ikipudae iyes,’ ido ipotu iyes kituruwosi ŋakausinei kus neni ipudaete ikes ikwa akwap.”

Isa. 60:1

Okoe ŋituŋa a Yerusalem, tonyoutu, kileereutu, anerae adolu ekaiunan kus ka abu neni kus apolou ŋina a Ekapolon.

Isa. 61:1

Eyai etau a Ekapolon neni kaŋ, anerae ekeos iŋes ayoŋ, ekeyaki iŋes ayoŋ alimokin ŋulu isicanitae ŋakiro ŋuna ajokak, akisimukekin ŋulu ekadanakinit alotai kec, akiseraun atemar elacakinio ŋulu erikoritae, akiseraun atemar elacakinio ŋulu eenitae;

Isa. 9:4

anerae ikwapei akoloŋit ŋina aponere kilounere Ŋimidian, ilema iyoŋ ŋican ŋulu aryamunito ŋituŋa kon, ilema iyoŋ ŋituŋa ŋulu esicanito ŋituŋa kon ta aryenyeo ŋina a ŋulu esicanito ŋituŋa kon.

Yer. 51:45

“Okoe ŋituŋa kaŋ, tolomutu kiŋa alo Babilon, iyes a ŋinituŋanan emaikina toiu akiyar keŋ, anaŋoit a Ekapolon a ŋina apolon.

Yer. 51:50

Iyes ŋulu iunosi alokileŋ toloto, nyirimirimo. Totamutu Ekapolon anakwap a ŋina alwanan, ka emaikina Yerusalem eyai natameta kus.

Yer. 51:6

“Toema alokidiŋ Babilon, iyoŋ ŋinituŋanan, toiu akiyar kon, nyimunyarosi aŋuna ka asecit a ŋituŋa a Babilon, anerae erae na apaki ŋina inyaŋarya Ekapolon ŋakiro kec, inyaŋi Ekapolon ŋakiro ŋuna itiyato ŋituŋa a Babilon.

Esek. 34:27

Erayete ŋikito ŋaraito kec ka eraunete ŋikinyom alokwap, mam awasya eyakaunotor ŋituŋa kaŋ anakwap kec. Eyenunete ikes atemar arae ayoŋ Ekapolon apaki ŋina alemarya ayoŋ ŋican kec ŋulu eenito ikes ikwa ŋapaadei ŋuna ikienikinito nayokot, aiuni ayoŋ ikes anapedor a ŋulu apotu yaasi ikes erae ŋipi.

Sakar 2:6

Tolimok Ekapolon ŋituŋa keŋ tema, “Potu! Potu! Tomotunos anakwap a ŋina alo Kuju, anerae abu ayoŋ ekeala iyes lowaetin ka akwap daadaŋ.

Sakar 2:7

Potu! tosiutu, toboŋut Sion, iyes ŋulu iboiyete ka ŋituŋa a Babilon.”

Luk. 21:24

Earyo ikes ŋice ka atum, ŋice eruworosi ŋirikon nakwapin ŋunace; ipudaete ŋituŋa ŋulu nyerae Ŋiyudayan Yerusalem, akitodol ŋirwa ŋulu esalunia apukan a ŋituŋa a ŋulu nyerae Ŋiyudayan.

Luk. 4:18

“Eyai Etau ke Ekapolon neni kaŋ, anerae ekeos iŋes ayoŋ aŋuna ka akiserakin Ŋakiro ŋuna Ajokak lokulyak. ekeyakuu iŋes ayoŋ alimokin ŋulu eenitae atemar elacakinio ikes ka aŋaar ŋakonyen a ŋimudukanotin ka alakakin ŋipi,

Akis. 18:4

Abu nabo eira etoil ece anakuj ebala, “A ŋituŋa kaŋ, tolomutu aneni keŋ! Ikotere nyiseca ikwa ŋituŋa keŋ, ido toryamut ŋakisicaneta keŋ!