Isa. 52:15 - Ebaibul

¹⁵ aŋun, eumokinete ŋituŋa a ŋakwapin a ŋuna alalak, ililiŋete ŋirwosi aŋuna keŋ, anerae iŋolikinete ikes ŋakiro ŋuna pa alimokinitae ikes ka eyenunete ikes ŋakiro ŋuna pa eirarito.

Isa. 52:15 Iomraidhean Croise

Yob 21:5

Kiŋolikinae ayoŋ, nyikibuli mono iyes ikiŋolikinete ayoŋ, ido tobuna ŋakitukwa kus a?

Yob 40:4

“Kiira, arae ayoŋ ecaryoit koŋin, anukiro akaboŋokini ayoŋ iyoŋ? Abuni ayoŋ akituk kaŋ ka akan.

Isa. 49:23

Eruworosi ŋirwosi aneni kus atapapa ka eruworosi ŋarwosi kec aneni kus atatoto ŋuna ikitanete iyes. Ijuuruyete ikes alokiŋaren kus ikitopoloorito iyes itiditeunosi ikes make ikitopoloorito iyes. Iyenunete nai iyes atemar arae ayoŋ Ekapolon, nyisurumyo ŋileec ŋulu ekekinyomito ayoŋ.”

Isa. 49:7

Alimu Ekapolon Ekalakunan a Ŋisirael, Akuj a Isirael ŋina asegan, Akuj ŋina apotu ŋituŋa a ŋakwapin tojamuwasi ka toŋero, alimu iŋes ŋakiro nu neni a eketiyan a ŋikapolok ebe, “Ikiŋolikinete iyoŋ ŋirwosi, ido towua alokiŋaren kon, ikiŋolikinete iyoŋ ŋikapolok, ido eryedikete ikitopoloosi iyoŋ, anerae ikiseu iyoŋ Ekapolon ŋolo eyai akikinyoma, ikiseu iyoŋ Akuj a Isirael ŋina asegan.”

Isa. 51:5

Abuni ayoŋ alakun ŋituŋa kaŋ atipei, aapuu aiunio ŋina ebunit aneni kaŋ epukae ayoŋ ŋituŋa a apedor kaŋ; ekedarito ayoŋ ŋituŋa ŋulu iboiyete anakiboisyo a ŋuna alodiyete anam, idarito ikes anakigeno apedor kaŋ.

Isa. 55:5

Kiirasi, inyaraete iyes ŋituŋa a ŋakwapin a ŋuna nyiyenete iyes, ido epote neni kus ekerete ŋituŋa a ŋakwapin a ŋuna nyiyenete iyes, aŋuna a Ekapolon Akuj kus ŋina asegan a Isirael, anerae ikitopoloyo iŋes iyes.

Esek. 36:25

Akawuatakini ayoŋ iyes ŋakipi ŋuna aliwak, ido italeunosi iyes anakiro a ŋuna aronok a daadaŋ ka eketaleuni ayoŋ iyes anakujo kus a daadaŋ.

Sakar 2:13

Kililiŋa iyes ŋituŋa daadaŋ alokiŋaren Ekapolon; anerae abu iŋes anakibois keŋ a ŋina asegan a ŋina sek iboiyo.

Ekim. 19:18

tolemu ituŋanan ŋini nyitoroniyaritae ekitoe ŋolo enyaritae Isop, kilumok nakipi, ido towuatak ŋakipi loeema ka loboro daadaŋ ŋulu eya tooma eema ka neni a ituŋanan a daadaŋ a ŋini ayai loeema ka a ŋini atapit akoit a ituŋanan, kori a ŋini atapit ituŋanan ŋini kearyo, kori akuwan a ituŋanan a ŋini etwanit, kori alyal.

Ekim. 8:7

Kitiya nu neni kec kitaleunio ikes: Towuatak ikes ŋakipi ŋuna kitaleunet, tolimok ikes tobanya a ewembe ŋawat kec daadaŋ ka kilotasi ŋilowi kec, kitaleunos.

Mat. 28:19

Aŋun, toloto kituruwosi ŋituŋa a ŋakwapin a daadaŋ ŋikasyomak kaŋ, kibatisata ikes alokiro a Papa ka a ŋolo a Lokoku ka a ŋolo ke Etau a ŋolo Asegan.

Ŋitic. 2:33

Adau Akuj Papa akitopoloor iŋes, ewuak lowae keŋ ŋolo aloteten ka ainakin iŋes Etau ŋolo Asegan ikwaŋina aris kiikinere; ido ŋuna iteete iyes ka topupete tokona, erae ainakinet ŋina ke Etau a ŋolo Asegan a ŋolo ikibukok Yesu isua.

Ŋibur. 10:22

Aŋun, oapiyasi neni ka Akuj a ŋitai a ŋulu iwuapito ŋuna a kire ka ananupit a ŋina egogoŋ; nabo a ŋitai a ŋulu iteseguna anasecisya ka ŋawat ŋuna adaun akilotar a ŋakipi a ŋuna asegak.

Ŋibur. 11:28

Anupit iŋes ageunia Moses ŋasuban ŋuna a Paska ka tolimu atemar towuatae ŋikekya ŋulu a ŋakais a ŋaokot, ikotere emalaika ŋolo ka Atwanare nyear ŋidwe a Ŋisirael ŋulu kiyae ŋulusapa.

Ŋibur. 12:24

Arae neni a Yesu iponito iyes, ŋolo abu kitemok Acamunet ŋina Kitete ka anaokot a ŋuna etesegunak anasecisya, ŋuna eyai apolou nooi akilo ŋuna ka Abel.

1 Pet. 1:2

Ikiseu iyes Akuj Papa anayenut keŋ a daadaŋ ka ikituruwo ŋituŋa ŋulu ikiteseg Etau keŋ, akiwuap Yesu Kristo ka ikitesegun a ŋaokot keŋ. Tolalaar aneni kus ajokis ka ekisil!