Isa. 52:11 - Ebaibul

¹¹ Torotokisi, torotokisi toloto a nen! Nyitapa ibore idio ŋini itoroniyaritae, toloto aneni eya ŋiboro ŋulu itoroniyaritae, kitaleutu ŋawat kus iyes ŋulu iyakatar ŋiboro ŋulu ke Ekapolon.

Isa. 52:11 Iomraidhean Croise

1 Ŋakiro a ŋirwa 15:12

Tema neni kec, “Iyes iraakasi ŋikarikok a ŋituŋa ke ekal a Lepi, emaikina iyes ka ŋilepi ŋuluce kitaleunos, ido toloto yaut Asaduku ke Ekapolon a ŋolo erae Akuj a Isirael, nakibois ŋina adau ayoŋ akitemokin aŋuna keŋ.

Awos. 30:19

Tolimok Aron ka ŋidwe keŋ ŋulusapa kilosete ŋakan ka ŋakejen kec a ŋakipi a ŋun.

Isa. 1:16

Tomookunos, kitesegunos, tojoŋoto akitiya ŋuna aronok alokiŋaren kaŋ, tojoŋoto akitiya ŋuna aronok,

Isa. 48:20

Towotokisi alo Babilon, toema alo Babilon tolimosi ŋakiro ŋun ke ecelet a ŋolo ka alakara, kiserautu ŋakiro ŋun. kitodolo ŋakiro ŋun nakisaleta ka akwap, temasi iyes, “Alaku Ekapolon ŋiketiyak keŋ ŋiletok a Yakob.”

Isa. 66:20

Eyaunete ikes ŋiyeneta kus daadaŋ anakwapin a daadaŋ erae ainakinet neni ke Ekapolon iwuokito a ŋaŋolei ka a ŋagaari a ŋuna iritae a ŋaŋolei, a ŋitak a ŋaŋolei, a ŋaŋolei-sigirya ka a ŋikaala, eyaunete ikes ŋituŋa ŋul lomukura kaŋ ŋolo asegan Yerusalem, lopite ŋolopei eyaununiata Ŋisirael ŋainakineta a ŋikinyom, a ŋiboro a ŋulu asegak Kai a Ekapolon.

Yer. 31:21

Toryamutu aŋuna kus ŋakitoodyanakineta ŋuna ikitenarete neni icamit alosit, kiwuakisi aŋuna kus ŋakitoodyanakineta lorotin, toanyutu erot ŋolo ipotu iyes kiwuapa apaki ŋina irotokinioto iyes. Okoe Ŋisirael, toboŋutu, toboŋutu nege lotaunio kus.

Yer. 50:8

“Toema alo Babilon, toloto anakwap a Ŋibabiloniyae, kitiyata ikwa ŋikorwa ŋulu erikito ŋakinei,

Yer. 51:45

“Okoe ŋituŋa kaŋ, tolomutu kiŋa alo Babilon, iyes a ŋinituŋanan emaikina toiu akiyar keŋ, anaŋoit a Ekapolon a ŋina apolon.

Yer. 51:6

“Toema alokidiŋ Babilon, iyoŋ ŋinituŋanan, toiu akiyar kon, nyimunyarosi aŋuna ka asecit a ŋituŋa a Babilon, anerae erae na apaki ŋina inyaŋarya Ekapolon ŋakiro kec, inyaŋi Ekapolon ŋakiro ŋuna itiyato ŋituŋa a Babilon.

Esek. 44:23

Emaikina ikes kitatama ŋituŋa kaŋ toyenut ibore ŋini eseg ka ŋini nyeseg ka emaikina ikes kitoodikis ŋituŋa kaŋ ibore ŋini nyecamakinitae akinyam, kori akitap ka ŋini ecamakinitae.

Ŋilep. 10:3

Tema nai Moses neni ka Aron, “Arae ŋakiro ŋun ŋuna esileereunit Ekapolon ŋinibore abaakar ebe, ‘Itoodiun asegis kaŋ aneni, a ŋulu eketopoloorito ayoŋ ka eketopoloorete ayoŋ ŋituŋa daadaŋ.’”

Ŋilep. 11:45

Arae ayoŋ Ekapolon ŋolo abu okoyau iyes eketipeunio anakwap a Ijipit, ikotere oruwor Akuj kus; aŋun, toruworos ŋulu isegak, anerae aseg ayoŋ.

Ŋilep. 11:47

emaikina iyes toyenut ŋulu itoroniyaritae ka ŋulu nyitoroniyaritae, ido toyenutu daŋ ŋisubuna ŋulu eyarete ŋulu emaikina tonyama ka ŋulu nyemaikina tonyama.’ ”

Ŋilep. 21:6

Emaikina ikes erae ŋulu esegak aneni ka Akuj kec, ido nyemaikina ikes kiyanya ekiro ka Akuj kec, anerae ikes eayeneneete neni ka Akuj ŋainakineta ŋuna epeyo, akimuj ŋina ka Akuj kec, aŋun, emaikina ikes erae ŋulu esegak.

Sakar 2:10

Ebala Ekapolon, “Iyes ŋituŋa a Sion, toeoto ka tolelyana, anerae abunit ayoŋ, ido eboiyoto kaapei ka iyes.”

Sakar 2:11

Epote ŋakwapin ŋuna alalak akoloŋit ŋin neni ke Ekapolon, eruwor ikes ŋituŋa keŋ, iboikin Ekapolon kaapei ka ikes. Iyenunete nai iyes atemar Ekapolon ŋolo Etiron iŋes ekeyakuunit ayoŋ neni kus.

Ekim. 16:26

Tolimok Moses atukot a ŋituŋa tema, “Kiyotosi aloeemae a ŋikilyok a ŋulu aronok a ŋul, nyitapa ibore kec idio, ikotere nyikimunyar aŋuna a ŋasecisya kec.”

Ekim. 19:11

Ŋulu etapete akuwan a ituŋanan a ŋini atwanit, erubakinete itoroniyaritae ŋirwa ŋikanikaarei.

Ekim. 19:16

Ituŋanan daadaŋ ŋini etapi anariet akuwan a ituŋanan a ŋini kearyo a ekileŋ, kori ŋini ketwani bon, kori akoit a ituŋanan, kori alyal a ituŋanan eruwor iŋes ŋini itoroniyaritae akidol ŋirwa ŋikanikaarei.

Ekim. 8:6

“Totyaka ŋilepi aneni a Ŋisirael a ŋuluce, ido kitaleu ikes.

Ŋitic. 10:14

Nai tema Petero, “Ekapolon, mam! Anerae nyenyama ayoŋ ŋinapei idiobore ŋini ikitaleo kori ŋini nyeseg.”

Ŋitic. 10:28

Tolimok ikes tema, “Iyenete iyes ŋilopeyek epite ŋolo italeere ituŋanan ŋini Yudayat akipeyokin kori arukit ka ituŋanan ŋini gela. Nai eketoodik Akuj ayoŋ atemar nyitemokino abala idiotuŋanan erono kori nyeseg.

Ŋirom. 14:14

Ayeni ka eketoodikinit ayoŋ Ekapolon Yesu atemar emam ibore ŋini nyeseg alotooma keŋ bon, nai ani kenup ituŋanan atemar nyeseg icebore, eruwor nai ibore ŋin ŋini nyeseg aneni keŋ.

2 Ŋikor. 6:17

Nabo, ebala Ekapolon, “Itemokino iyes toesikis ikes, totyakaros aneni kec. Nyitap idiobore ŋini nyeseg, ido ekejau ayoŋ iyes.

Ŋiep. 5:11

Nyilomanarete nakiro ŋuna koŋinae ŋuna ka akiryonut, nai kisileereutu ikes.

1 Pet. 2:11

Ŋikaitotoi kaŋ ŋuluminan, ekemaimai ayoŋ iyes, ŋulu irae ŋigelae ka ŋikawuotok: toŋero ekibure ŋolo a ŋawat kus ŋolo itojiye etau a ŋinapaki.

1 Pet. 2:5

Kimyekisi Akuj ikidukyo iyes ikwa ŋamoru ŋuna eyarete Akai keŋ ŋina ke etau, neni itiyaata iyes iraakasi ŋisacaradotin keŋ, ŋulu iinanakinete ŋamuronisya ŋuna eyaunit Etau, ŋuna ecamit Akuj alotooma Yesu Kristo.

Akis. 18:4

Abu nabo eira etoil ece anakuj ebala, “A ŋituŋa kaŋ, tolomutu aneni keŋ! Ikotere nyiseca ikwa ŋituŋa keŋ, ido toryamut ŋakisicaneta keŋ!