Isa. 52:10 - Ebaibul

¹⁰ Etoodik Ekapolon apedor keŋ, neni a ŋituŋa a ŋakwapin a daadaŋ; iŋolikinete ŋituŋa a ŋakwapin a daadaŋ aiuno ŋina ka Akuj yok.

Isa. 52:10 Iomraidhean Croise

Yob 40:9

Igogoŋ iyoŋ lopite ŋolo egogoŋio Akuj a? Ipedori iyoŋ agirokin a etoil a ŋolo ikoni ŋolo keŋ a?

Ŋikiru. 22:27

Etamunete ŋituŋa daadaŋ Ekapolon toboŋut neni keŋ; eryedikete alokiŋaren Ekapolon, ŋituŋa a ŋikabilae a daadaŋ;

Ŋikiru. 67:2

ikotere eyenunio acamit kon anakwap, toyenut ŋituŋa daadaŋ apedor ŋina iunitor iyoŋ ikes.

Isa. 11:9

Alomoru kaŋ a ŋolo asegan, mam nyearasi kori nyewanasi ikes, anerae ilelebikin lotuŋa daadaŋ aosou ŋina ke Ekapolon, lopite ŋolo ilelebakatar ŋakipi nanam.

Isa. 25:9

Akoloŋit ŋin, etemaryo, “Kiŋolikisi, erae na Akuj yok; aponi iwon kidarae iŋes ikotere ikiuni iwon. Erae lo Ekapolon ŋolo aponi iwon kidarae, olakaros ka olelyana aŋuna ikilakunia iŋes iwon.

Isa. 30:30

Isiirari Ekapolon ŋituŋa etoil keŋ ŋolo ailiilon ka iŋolikinete ŋituŋa apedor a Ekapolon ebuni kwap, ebuni apedor ŋin eyakar aŋoit ka akim ŋina ikimunyari, ebuni eyakar ŋidouwon, akiru ŋina ireta egiro ka ŋakako.

Isa. 33:13

Iyes ŋulu iboiyete aneni alwanan, kiirasi ŋakiro ŋuna adau ayoŋ akitiya ka iyes ŋulu iyapiyete toyenutu agogoŋ kaŋ.

Isa. 40:5

Ekaku aŋun, itoodiunio nai apolou a Ekapolon ka iŋolikinete ŋituŋa daadaŋ kaapei, anerae adau Ekapolon alimun ŋun.”

Isa. 45:22

Toboŋutu neni kaŋ, ido toiunos. iyes ŋituŋa anakwapin a daadaŋ; anerae ayoŋ Akuj ka emam akuj ace.

Isa. 48:20

Towotokisi alo Babilon, toema alo Babilon tolimosi ŋakiro ŋun ke ecelet a ŋolo ka alakara, kiserautu ŋakiro ŋun. kitodolo ŋakiro ŋun nakisaleta ka akwap, temasi iyes, “Alaku Ekapolon ŋiketiyak keŋ ŋiletok a Yakob.”

Isa. 49:6

ebe, “Epataka mono ŋakiro ŋuna iraakar iyoŋ eketiyan kaŋ a? anerae ilosi iyoŋ akinyakun ŋikabilae a Yakob neni kaŋ ka ayaun neni kaŋ Ŋisirael ŋulu erae ŋipiya; eketuruwori ayoŋ iyoŋ akica ŋina a ŋulu nyerae Ŋiyudayan, ikotere itodoli iyoŋ aiuno ŋina ebunit aneni kaŋ nakisaleta a akwap.”

Isa. 51:9

Okoe apedor a Ekapolon, tonyou, tonyou kitoodiu agogoŋu kon. Tonyou ikwaŋina ibunio tonyounio koloŋ sek, ikwaŋina ibunio tonyounio ananyameta a ŋuna a koloŋ. Meere mono iyoŋ inyilinyiliyari Raab toruwor ŋanyile ka meere iyoŋ ibu kicum etyaŋ ŋolo adedeŋan a?

Isa. 53:1

Ŋae anup ŋakiro ŋuna aponi isua kiirarae? Neni a ŋae aponi kitoodikinae apedor a Ekapolon?

Isa. 59:16

Abu Ekapolon kiŋolik atemar emam ituŋanan epedori, abu iŋes tonyunyur iŋolikini atemar emam ituŋanan iŋarakini ŋulu isicanitae; aŋun, abu iŋes a apedor keŋ yau aiuno aŋuna keŋ ka abu akiyookino keŋ kiŋarak iŋes.

Isa. 62:1

Nyeliliŋi ayoŋ aŋuna a Sion ka nyeeŋuni ayoŋ aŋuna a Yerusalem erworo ayoŋ akitodol ŋina ileereunio akiyookino kec lopite ŋolo ileereunio akica iwalari akwap, akitodol ŋina ileereunio aiuno kec lopite ŋolo ecaunia atoc.

Isa. 63:5

Abu ayoŋ oŋoleŋolek, nai nyeŋolik idiokeŋarakinan, abu okobul ayoŋ, anerae amam ituŋanan ayai nen akiŋarakin ayoŋ, aŋun, abu ayoŋ elou a apedor kaŋ a elope ka abu anyunyura kaŋ a elope eketurubak ayoŋ ayari.

Mika 5:4

Apaki ŋina ebunio ekepukan ŋol, ipukae iŋes ŋituŋa keŋ ka apedor a ŋina a Ekapolon ka anapolou a ŋina ailiilon a ŋina ke ekiro ke Ekapolon Akuj keŋ. Iboikinosi ŋituŋa keŋ eiuna, anerae eyenunete ŋituŋa ka akwap a daadaŋ agogoŋu ŋina eyakar iŋes.

Luk. 2:30

Anerae aanyu ayon elope aiuno kon,

Luk. 3:6

nabo eanyunete ŋituŋa daadaŋ aiuno ŋina ka Akuj!’ ”

Ŋitic. 13:47

Anerae ŋuna ikilimok Ekapolon isua akitiya ikes nu: ‘Eketuruwo ayoŋ iyes akica ŋina a ŋulu nyerae Ŋiyudayan, ikotere iyaunete iyes aiuno nakisaleta ŋuna ka akwap.’ ”

Yos. 4:24

Erae ŋun ikotere akiteyenunia ŋituŋa daadaŋ anakwap atemar egogoŋ Ekapolon Akuj ka erae ikotere iyes itopoloorete Ekapolon Akuj kus ŋikaru ka ŋikaru.”

Akis. 14:6

Abu nai oanyuwa emalaika ece epori alokidiama aneni alwanan, eyakar Ŋakiro ŋuna Ajokak, ŋuna nyesalunete ŋuna limokina neni a ŋituŋa a ŋulu eya nakwap, neni a ŋibukui a daadaŋ, a ŋikabilae, a ŋaŋajepa ka a ŋakwapin.

Akis. 15:4

Ekapolon! Ŋae ituŋanan ŋini nyikikeri iyoŋ? Ŋae ewouni alimor apolou kon? Iyoŋ bon irae ŋolo Asegan. Epote ŋakwapin daadaŋ akilip neni kon, anerae aanyut daadaŋ ŋiticisyo kon ŋulu iyookino.”