Isa. 52:1 - Ebaibul

¹ Okoe ŋituŋa a Sion, tonyoutu, tonyoutu kitoodiutu agogoŋu kus! Okoe ŋituŋa a Yerusalem, a etaun a ŋolo asegan, tonapa ŋilowi kus ŋulu ebusak, anerae nyeriŋa ŋituŋa ŋulu nyesegak, ŋulu nyileŋeritae elomunete lotaun kus nabo.

Isa. 52:1 Iomraidhean Croise

1 Ŋakiro a ŋirwa 16:29

Kipuro iŋes aŋuna ka apolou a ŋina emaikina kipurore ekiro keŋ. Yautu ŋainakineta, ido potu kiŋaren keŋ; kilipa neni ke Ekapolon inapito ŋilowi ŋulu asegak.

Neem. 11:1

Apaki ŋin eboiyete ŋikarikok a ŋituŋa alo Yerusalem, ido apotu ŋituŋa ŋuluce kilamilama aŋuna ka ayaun ituŋanan ipei alotooma ŋitomon akiboi alo Yerusalem, alotaun a ŋolo asegan, kidoŋo ŋituŋa ŋikanikaomwon alotooma ŋitomon akiboi alotaunio a ŋuluce.

Ŋikiru. 110:3

Einakinosi ŋituŋa kon anacamit akoloŋit ŋina irikio iyoŋ ŋikajiok kon lojie alokidiama ŋimukura ŋulu asegak. Alopite a ŋolo eponiata ŋakopi taparacu, epote ŋisorok kon neni kon.

Awos. 28:2

Kitiyau ŋilowi ŋulu ka apolou ka akibuses ŋulu enapi lokaato kon Aron.

Awos. 28:40

“Kitiyau aŋuna a ŋidwe ka Aron a ŋulusapa ŋisatyo, ŋarokobae ka ŋakopiyae. Ituruworete ŋinapito ŋul ikes ŋulu ekerer ka itopoloorito ŋituŋa.

Isa. 1:21

“Okoe aruwor ŋituŋa a etaun a ŋolo sek ekinyoma ŋulu emalaaka! Ayakasi paaran neni keŋ ŋituŋa ŋulu atubete ŋakiro anakiyookino, ayai paaran akiyookino lotuŋa keŋ. Nai tokona aruwor ŋituŋa keŋ ŋikaarak.

Isa. 1:26

Enyakakini ayoŋ ŋikatubok ŋulu ajokak neni kon ikwapei ayakatar ekiŋaren ka ŋikesirworiunak ŋulu ajokak neni kon ikwapei ayakatar ekiŋaren. Ekaku a ŋun, ikinyarao iyoŋ Yerusalem etaun ŋolo ka akiyookino ka ŋolo a akikinyoma.

Isa. 26:2

Toŋaasi ŋipukei, ikotere elomunete ŋituŋa a akwap a ŋina iyookino ŋituŋa keŋ, ŋituŋa ŋulu iricito ŋuna ka akikinyoma.

Isa. 35:8

Eyakaun nen erot ŋolo apolon, enyarao iŋes, erot ŋolo asegan. Nyelosete ŋikasecak alorot a ŋol, nai eruwor erot ŋolo a ŋituŋa ka Akuj, mam ikaloton a nen eoliyori, nyeoliyori tari ibaŋaanot.

Isa. 4:3

Ituŋanan daadaŋ ŋini eesikinio alo Sion, ido torubak iboi alo Yerusalem daadaŋ ŋulu igiritae aneni a ŋulu iboiyete alo Yerusalem enyarao iŋes ŋini asegan,

Isa. 48:2

anerae inyarasi iyes atemar irae ŋituŋa a etaun a ŋolo asegan, ido iyarikinito neni ka Akuj a Isirael a ŋina erae ekiro keŋ Ekapolon ŋolo a ŋajoresyo.

Isa. 49:18

Kireosi toŋoleŋolekisi ŋiwaetin daadaŋ, acununosi ikes daadaŋ, eponito neni kus. Alimu Ekapolon atemar, ikwapei ayarya ayoŋ, iturokinosi iyes aŋuna a ŋituŋa kus, iturokinosi iyes aŋuna kec lopite ŋolo ituror ateran a ŋiboro keŋ.

Isa. 51:17

Okoe ŋituŋa a Yerusalem, tonyoutu, tonyoutu! Iyes ŋulu adau Ekapolon akisican anaŋoit keŋ, iyes ŋulu idaut alomar nooi locan ŋulu einakinete ituŋanan akiteritero.

Isa. 51:9

Okoe apedor a Ekapolon, tonyou, tonyou kitoodiu agogoŋu kon. Tonyou ikwaŋina ibunio tonyounio koloŋ sek, ikwaŋina ibunio tonyounio ananyameta a ŋuna a koloŋ. Meere mono iyoŋ inyilinyiliyari Raab toruwor ŋanyile ka meere iyoŋ ibu kicum etyaŋ ŋolo adedeŋan a?

Isa. 60:1

Okoe ŋituŋa a Yerusalem, tonyoutu, kileereutu, anerae adolu ekaiunan kus ka abu neni kus apolou ŋina a Ekapolon.

Isa. 60:21

Eruworosi ŋituŋa kus ŋulu iyookino; ituruworete ikes akwap ŋina kec ŋikaru ka ŋikaru. Erae ikes ŋaten ŋuna abu ayoŋ etolomu, erae ikes etic ŋolo a ŋakan kaŋ, ikotere ayoŋ epedoryo akitopoloor.

Isa. 61:10

Alelyani ayoŋ nooi alotooma Ekapolon, itopoloori akiyar kaŋ daadaŋ Akuj kaŋ; anerae eketanap iŋes ayoŋ elou ŋolo ka aiuno, ekemuko iŋes ayoŋ a elou a ŋolo ka akiyookino, lopite ŋolo ilelebar alakara lotau a eteran ka lopite ŋolo esiryo ateran a ŋinapen a ŋulu ebusak.

Isa. 61:3

ainakin neni a ŋulu iyaloloŋete alo Sion ebokot ŋolo ka alelyanu akilo akipurupura ekuron, akimyet ŋina ka alakara akilo akigworo, ainakin ikes ŋilowi ŋulu ipurore Akuj akilo ŋitai ŋulu iyalaara. Enyarao ikes ŋikuyono ŋulu ka akiyookino, ŋidupakina ŋulu a Ekapolon aŋuna ka akitoodiun apolou a Ekapolon.

Isa. 64:10

Aruworosi ŋitaunio kon ŋulu asegak ŋaloŋisae, aruwor Sion aloŋisat, aruwor Yerusalem ereŋorot.

Yer. 31:23

Alimu Ekapolon ŋolo a ŋajoresyo, Akuj a Ŋisirael ebe, “Apaki ŋina enyakunia ayoŋ ŋituŋa kaŋ nakwap kec, elimunete nabo ikes ŋakiro nu anakwap a Yudaya ka alotaunio a Yudaya ebe, ‘Ikilipi kiterereŋ Ekapolon ekamukumukut a Yerusalem ŋolo asegan, akibois ŋina asegan ŋina iboiyo iŋes.’

Esek. 44:9

“‘Alimu ayoŋ Ekapolon Akuj atemar mam ituŋanan ŋinigelaanot ŋini nyileŋeritae, ŋini emaikina toloma nakibois kaŋ ŋina asegan, tari ituŋanan daadaŋ ŋinigelaanot ŋini iboiyete ka Ŋisirael, nyecamakinitae elomari nakibois kaŋ ŋina asegan.

Dan. 10:9

Abu nai eira etoil, ani eirari ayoŋ ŋakiro ŋuna erworo ekile ŋol, apotu ŋajo ekekamut ayoŋ ojotoor nooi, oper ayoŋ alokwap abuburiyara.

Yoel 3:17

“Aŋun, iyenunete iyes atemar, eboi ayoŋ Ekapolon Akuj kus alomukura kaŋ a ŋolo asegan. Eruwor Yerusalem akibois ŋina asegan, ido nyilounete nabo ŋituŋa ŋulugelae kidiŋ iŋes jik.

Naum 1:15

Kiirasi iyes ŋituŋa a Yudaya, adolu alokidiama ŋimoru ekiyakia ŋolo eyaunit ŋakiro ŋuna ajokak, iserae iŋes ŋuna ke ekisil. Iyes ŋituŋa a Yudaya, kinumunuma ŋasuban kus, kisiyookisi ŋakikoŋieta kus, anerae nyikiremete nabo iyes ŋimoe kus, adaun amunyar ikes jik.”

Agai 2:4

nai tokona ebala, ‘Okoe, Serubabel totitinyik iyoŋ, Okoe esacaradoti ŋolo Apolon nooi Yosua, lokoku a Yeosadak, totitinyik, iyes ŋituŋa daadaŋ ŋulu ka akwap, totitinyikisi, ido kitiyata, anerae ikirukit ayoŋ ka iyes;

Sakar 3:4

Tolimok emalaika ŋituŋa ŋulu awuasi alokiŋaren Yosua tema, “Tolacasi ŋilowi keŋ ŋul.” Tema nai neni a Yosua, “Kiŋolik, alema ayoŋ asecit kon, ido eketanapikini ayoŋ iyoŋ ŋilowi ŋulu a ŋasuban.”

Mat. 4:5

Ya Satan Yesu Yerusalem, lotaun ŋolo ka Akuj, kitowuo iŋes alobibiru a ŋolo ka Akai ka Akuj,

Luk. 15:22

Nai tolimok papa keŋ ŋiketiyak keŋ tema, ‘Apesi atipei yautu elou ŋolo ajokan kitanapa. Kiwuakisi ekaboboot lokimoin keŋ ka kitanapa ŋamuk.

Ŋirom. 13:14

Nai tolemutu ŋiboro ŋulu ke ejiye ŋulu erae ŋulu a Yesu Kristo, ido tojoŋoto atamunit aseconu ŋina a ŋawat kus aŋuna ka akitiya ŋuna ecamito ikes akitiya.

Ŋirom. 3:22

Akiyookino na, ŋina ka Akuj, ebunit alotooma anupit Yesu Kristo, neni a daadaŋ a ŋulu enupito. Emam atyeketait,

Ŋiep. 4:24

ka itemokino iyes tonapa ekuwane ŋolokitete, ŋolo asubi Akuj ikwaan ka iŋes, ŋolo itoodiunit eyakae keŋ anakiyar a ŋina a kire, a ŋina iyookino ka ŋina ejok nooi.

Ŋiep. 5:14

anerae akica iŋes itoodiuni ibore daadaŋ ejok. Iŋes elimunitere ebe, “Tokienyu, iyoŋ ekajoton, ido toyaru alokatwak, ikiwuakini Kristo iyes nakica.”

Ŋiep. 6:10

Ŋuna isidiyete, togogoŋioto anakimorina kus ka Ekapolon alotooma acamun iŋes ikitogogoŋ iyes ka agogoŋu keŋ a ŋina apolon.

Akis. 11:2

Nai, nyipim ŋibarasanin, anerae einakinitae ikes lotuŋa ŋulu nyerae Ŋiyudayan ŋulu ipudaarete etaun ŋolo ka Akuj ŋilapyo ŋatomoniomwon ka ŋiarei.

Akis. 19:14

Atupito ŋasigarya ŋuna anakuj iŋes edokito ŋaŋolei ŋuna akwaŋak ka tonapito ŋilowi ŋulu ajokak ŋulu akwaŋak, tosegak.

Akis. 19:8

Ainakin iŋes ŋilowi ŋulu ajokak ŋulu amilimilak ŋuludelet.” (Ŋilowi ŋulu ajokak ŋul, ikes erae ŋiticisyo ŋulu ka akiyookino a ŋituŋa a ŋulu ka Akuj.)

Akis. 21:2

Abu oanyuwa Etaun ŋolo apolon ŋolo ka Akuj, Yerusalem ŋolokitete, ebunit alokidiama aneni ka Akuj, itemokino ikwa ateran ŋina esirit aŋuna ka akisiryam lokile keŋ.

Akis. 21:27

Nai emam ibore ŋini aronon elomari neni keŋ, emam tari idiotuŋanan ŋini itiyae ŋuna a ŋileec ka ŋuna ka alyokonu. Ŋituŋa ŋulu igiritae lokitaabo ŋolo ka akiyar ŋolo a Imesek, ikes bon elomarete tooma etaun ŋol.