Isa. 51:9 - Ebaibul

⁹ Okoe apedor a Ekapolon, tonyou, tonyou kitoodiu agogoŋu kon. Tonyou ikwaŋina ibunio tonyounio koloŋ sek, ikwaŋina ibunio tonyounio ananyameta a ŋuna a koloŋ. Meere mono iyoŋ inyilinyiliyari Raab toruwor ŋanyile ka meere iyoŋ ibu kicum etyaŋ ŋolo adedeŋan a?

Isa. 51:9 Iomraidhean Croise

Yob 26:12

Aŋuna ka apedor keŋ abu Akuj kilou agogoŋu ŋina ka anam, aŋuna ka aosou keŋ abu iŋes toar Raab,

Yob 9:13

“Erae iŋes Akuj ŋina nyejoŋoenene anyunyura, ijuuruyete alokwap keŋ tari ŋikeŋarakinitok a Raab.

Ŋikiru. 21:13

Ikipuri isua iyoŋ okoe Ekapolon, aŋuna ka agogoŋu kon a ŋina apolon nooi; ikieikini ka ikipuri isua apedor kon.

Ŋikiru. 44:1

Okoe Akuj ikidau isua akiirar a ŋaki kosi, adaut atapapaa kosi alimokin isua ŋuna kibu iyoŋ kitiya alorwa kec, alorwa a ŋulu koloŋ.

Ŋikiru. 44:2

Kibu iyoŋ anapedor kon kirita ŋituŋa a ŋakwapin, ido kiwuak atapapaa kosi nakwapin kec; kibu iyoŋ kisican ŋituŋa a ŋakwapin, ido kitobar atapapaa kosi.

Ŋikiru. 44:23

Tonyou, okoe ekapolon! Kaanukiro ijotoo iyoŋ? Tonyou! Nyikiŋer isua ŋikaru kaŋikaru.

Ŋikiru. 44:24

Kaanukiro iwounitor iyoŋ akiŋarakin isua, ido ikimuryakinito ŋican kosi ka akisicanio kosi?

Ŋikiru. 59:4

Emam ŋuna adyekarit ayoŋ, nai etenito ikes akisiryakin ayoŋ. Bua Ekapolon ikiŋarak ayoŋ; kiŋolik epite ŋolo aryamunitor ayoŋ ŋican.

Ŋikiru. 7:6

Okoe Ekapolon, kitoodiu kare ca aŋoit kon; kitoodiu aŋoit kon aŋuna ka aryenyeo a ŋimoe kaŋ. Okoe Akuj kaŋ, bua kiŋarakinae ayoŋ, totub ŋakiro anakiyookino lopite ŋolo icamitor iyoŋ.

Ŋikiru. 77:5

Atamatamae ayoŋ ŋuna a ŋirwa a ŋulu koloŋ sek, atamunit ŋuna a ŋikaru a ŋulu koloŋ sek.

Ŋikiru. 78:65

Tonyou nai Ekapolon esibit ŋinibore kejotoo, tonyou lopite ŋolo enyounio ekajion ŋolo itaŋasete ŋagwe.

Ŋikiru. 87:4

Alotooma ŋulu akayenete ayoŋ, emaruni ŋituŋa a ŋakwapin a nu: Ijipit ka Babilon; Pilistia daŋ ka Tiro kaapei ka Esiopia; ido etemarete ŋituŋa, “Keurunio ŋituŋa a ŋakwapin a ŋun alo Sion.”

Ŋikiru. 89:10

Ibu iyoŋ kinyaadiya Raab, ikwa esubuna ŋolo etwanit; idau iyoŋ akielar ŋimoe kon a apedor kon a ŋina etiron.

Ŋikiru. 89:11

Erae nakuj ŋina kon ka akwap daŋ erae ŋina kon; iyoŋ ibu tosub akwap ka ibore daadaŋ ŋini eyai tooma keŋ.

Ŋikiru. 93:1

Erae Ekapolon Erwosit, eyakar iŋes apolou ŋina ailiilon ka eyakar iŋes agogoŋu. Ewuak Akuj akwap; emam ŋini isiyotokini akwap a nen jik.

Awos. 6:6

Aŋun, ape tolimok Ŋisirael ebe, ‘Arae ayoŋ Ekapolon, akalakuni ayoŋ iyes anakisicaneta a Ŋijipitian, akalakuni ayoŋ iyes anapitoonut aneni kec. Akalakuni ayoŋ iyes a apedor kaŋ ka esicani ayoŋ ikes nooi.

Isa. 27:1

Akoloŋit ŋin isitiyae Ekapolon ananyunyura ekileŋ keŋ ŋolo apolon ka ŋolo agogoŋon akisicania etyaŋ ŋolo enyaritae Lepiasan, emun ŋolo ekeri edokinit, Lepiasan emun ŋolo ilugulugo, ido eari Ekapolon etyaŋ ŋolo adedeŋan ŋolo iboi ananam.

Isa. 30:7

Eayete ikes ŋiboro ŋul nakwap a Ijipit ŋina erae akoŋinait, ŋina emam ibore eyakar, aŋun, anyar ayoŋ iŋes “Raab ŋina emam ibore itiyae.”

Isa. 51:17

Okoe ŋituŋa a Yerusalem, tonyoutu, tonyoutu! Iyes ŋulu adau Ekapolon akisican anaŋoit keŋ, iyes ŋulu idaut alomar nooi locan ŋulu einakinete ituŋanan akiteritero.

Isa. 51:5

Abuni ayoŋ alakun ŋituŋa kaŋ atipei, aapuu aiunio ŋina ebunit aneni kaŋ epukae ayoŋ ŋituŋa a apedor kaŋ; ekedarito ayoŋ ŋituŋa ŋulu iboiyete anakiboisyo a ŋuna alodiyete anam, idarito ikes anakigeno apedor kaŋ.

Isa. 52:1

Okoe ŋituŋa a Sion, tonyoutu, tonyoutu kitoodiutu agogoŋu kus! Okoe ŋituŋa a Yerusalem, a etaun a ŋolo asegan, tonapa ŋilowi kus ŋulu ebusak, anerae nyeriŋa ŋituŋa ŋulu nyesegak, ŋulu nyileŋeritae elomunete lotaun kus nabo.

Isa. 52:10

Etoodik Ekapolon apedor keŋ, neni a ŋituŋa a ŋakwapin a daadaŋ; iŋolikinete ŋituŋa a ŋakwapin a daadaŋ aiuno ŋina ka Akuj yok.

Isa. 53:1

Ŋae anup ŋakiro ŋuna aponi isua kiirarae? Neni a ŋae aponi kitoodikinae apedor a Ekapolon?

Isa. 62:8

Adau Ekapolon akikoŋ anakiloun keŋ ka anapedor keŋ a ŋina etiron ebe, “Nyainakini nabo ayoŋ ŋikinyom kus toruwor akimuj a ŋimoe kus, nyemasete ŋituŋa ŋulugelae epiini ŋolo itaunete iyes.

Esek. 29:3

Tolimok iŋes atemar, alimu Ekapolon Akuj ŋakiro nu ebe, ‘Ekemanit ayoŋ iyoŋ Parao erwosit ŋolo a Ijipit, iyoŋ epiu ŋolo iletete anakipi a ŋuna a ŋakitelesyo,’ ibala iyoŋ, ‘Aŋolol kaŋ Nile, erae ŋina kaŋ a elope; ayoŋ abu etiyau iŋes aŋuna kaŋ.’

Mika 7:15

Ekapolon, kitiya ŋakujuwuanisya aŋuna kosi, lopite ŋolo ibunio iyoŋ kitiyaa apaki ŋina ikiyaunia isua alo Ijipit.

Abak. 2:19

Ekaŋ iyes, ŋulu ibasi neni ka akitoe ebe, “Tonyou!” Kori neni ka amoru ebe, “Tonyou!” Epedori mono akuj ŋina itiyaunitae alimokin iyoŋ ŋakiro ŋadi a? Epedoryo akuj ŋin bon akitiyaun ke esilipa, kori ke egolid, nai mam akiyar eyai tooma keŋ.

Abak. 3:13

Ibu iyoŋ toloma kiŋa aiun ŋituŋa kon, aiun erwosit kon ŋolo iseunit iyoŋ. Ibu iyoŋ toar ekarikon a apukan a ŋina aronon, ido ibu tomunya apukan ŋin.

Sakar 10:11

Ani itorunete ikes nanam ŋina nyepatana akitor, ayoŋ Ekapolon etidipokini ekuwuam ananam, ido etooni neni ecukul anaŋolol a ŋina a Nile, itiditeunio ŋituŋa ka Asiriya ŋulu sek iturosi, edaun agogoŋu eyakar Ijipit ŋina sek egogoŋ.

Sakar 2:13

Kililiŋa iyes ŋituŋa daadaŋ alokiŋaren Ekapolon; anerae abu iŋes anakibois keŋ a ŋina asegan a ŋina sek iboiyo.

Luk. 1:51

Etiya iŋes ŋakiro ŋuna apolok a akeekan, eela ŋulu eturok alotai kec.

Yoa. 12:38

Apotu nu kitiyakin, kiyookinotor ŋakiro ŋuna egirit Isaya ekadwaran ebala, “Ekapolon, ŋae idio ŋini abu tonup ŋakosikiro? Neni a ŋae abu Ekapolon kitoodik apedor keŋ?”

Ŋitic. 7:7

Nai esicani ayoŋ ŋituŋa ŋulu ka akwap a ŋina eruworotor ikes ŋipi. Ani ekaku, elomunete ikes anakwap a ŋin, potu kilipa neni kaŋ a ne.’

Ŋikis. 4:34

Kori eya mono ŋituŋa a akwap adio ŋulu abu Akuj tolemu anakwap a ace aŋuna keŋ a ŋakikatanakineta, a ŋakitoodyanakineta, a ŋaumonokineta, a ejie, a apedor a ŋina etiron, agogoŋu ka a ŋiticisyo a ŋulu apolok nooi a ŋulu etubulok, lopite ŋolo etiyaa Ekapolon Akuj kus ŋun daadaŋ aŋuna kus alo Ijipit, iteete iyes a?

Akis. 11:17

ebasi, “Ekapolon Akuj ŋina etiron, ŋina erae ka ŋina arae! Ikitalakarit isua iyoŋ aŋuna isitiyaa apedor ŋina apolon ka isyak daŋ akipuka.

Akis. 12:9

Aponi kimasunae epiu ŋolo apolon ŋol anakuj, ŋolo erae emun ŋoloŋorot ŋolo enyaritae Ekipye kori Satan; ŋolo abu tomodik akwap daadaŋ. Aponi kimasunae iŋes kwap kaapei ka ŋimalaikan keŋ.

Ŋikat. 6:13

Tolimok Gideon emalaika tema, “Nai okoe ekapolon, ani kire kikiya isua ka Ekapolon, kaanukiro etiyakinotor ŋakiro nu daadaŋ neni kosi? Nyaalu ŋiticisyo keŋ ŋulu ka aumokin, ŋulu ikilimokinito isua atapapaa kosi ebasi, ‘Meere Ekapolon ikiyauni iwon anakwap a Ijipit a?’ Nai tokona ikicaka Ekapolon isua, ikipotok isua napedor a Ŋimidian.”