Isa. 51:8 - Ebaibul

⁸ anerae irikari ekurut ikes lopite ŋolo irikarya abebe elou, irikari ekurut ikes lopite ŋolo irikarya ŋajul a amesek; nai erubakini alakuno ŋina ebunit aneni kaŋ ŋikaru ka ŋikaru ka eropari aiuno ŋina ebunit aneni kaŋ ananyameta a daadaŋ.

Isa. 51:8 Iomraidhean Croise

Yob 13:28

Emunaanar ituŋanan lopite ŋolo ebosunia ibore, enyamunun ituŋanan lopite ŋolo enyamunor elou ŋolo enyamit abebe.

Yob 4:19

Anu nai itiyakini Akuj neni a ŋituŋa a ŋulu erae ŋalup esubunitere, a ŋituŋa a ŋulu erae apuwa koŋin itiyaunitere, a ŋulu epedoryo akipudaar lopite ŋolo ipudaarere esipiran.

Isa. 14:11

Ayaun akituro kon daadaŋ nakibois a ŋikatwak ayaun eruye a ŋaduŋgui nakibois a ŋikatwak eyakasi ŋikur kwap kon ikiburusiyasi iyoŋ ŋikur.

Isa. 45:17

Nai eiuni Ekapolon Ŋisirael alotooma aiuno ŋina a ŋikaru ka ŋikaru; nyikisurumyo iyes ŋileec, kori nyikisiguryakinio iyes ŋikaru ka ŋikaru.”

Isa. 46:13

Etaapu ayoŋ alakuno neni kus, nyeriŋa elwana, ido nyedidi aiun kaŋ iyes; ewuakini ayoŋ aiuno Sion aŋuna a Ŋisirael a ŋituŋa kaŋ.”

Isa. 50:9

Ekapolon Akuj iŋes ekeŋarakinit ayoŋ; ŋae epedori alimun atemar asecit ayoŋ? Enyamunosi ikes daadaŋ lopite ŋolo enyamunor elou; irikari ekurut ikes.

Isa. 51:6

Kireosi kidiama, toripiyasi kwap ŋalup; anerae eŋopiyarete ŋisubuna ŋulu alokidiama lopite ŋolo eŋopiyarya apuru, enyamun akwap lopite ŋolo enyamunor elou ka etwakete ŋulu iboiyete anakwap lopite ŋolo etwakyata ŋikamicirwa. Nai erubakini aiuno ŋina ebunit aneni kaŋ ŋikaru ka ŋikaru ka nyedaun alakuno ŋina ebunit aneni kaŋ jik.

Isa. 54:9

Ikwaan nu aneni kaŋ ka ŋuna a ŋirwa a ŋulu a Noa, apaki ŋina abunio ayoŋ olimunio atemar nyilelebun nabo ŋakipi a Noa nakwap, aŋun, ekoŋ ayoŋ tokona atemar nyakaŋoikini nabo ayoŋ iyoŋ ka nyekeŋenyakini nabo ayoŋ iyoŋ.

Isa. 66:24

Tosodi elomarete ikes kiŋa kiŋolikis ŋawat a ŋituŋa a ŋulu etwakito a ŋulu apotu okoŋero ayoŋ, anerae nyetwakete ŋikur ŋulu enyamete ikes ka nyituduŋeo akim kec, eruworosi nai ikes ŋulu eŋerer alotuŋa a daadaŋ.”

Dan. 9:24

“Erae ŋisabito ŋulutomonikanikaarei apaki ŋina etubunit Akuj akitiyakinia nu aŋuna a ŋituŋa kon ka aŋuna ke etaun a ŋolo asegan: Akitojoŋore ŋituŋa abilibil ŋikisila, akitojoŋore ŋituŋa asecenen, amookuun ŋituŋa anaronisya kec, ayaun lotuŋa akiyookino ŋinaruba ka akisiyookin akisileerekinet ka ŋakiro a ŋikadwarak ta akitaleun akibois ŋina asegan nooi.

Osea 5:12

Aŋun, enyaadiyari ayoŋ ŋituŋa a Epuraim lopite ŋolo inyaadiyareta ŋikur ibore ŋini ebosit, enyasuni ayoŋ ŋituŋa a Yudaya lopite ŋolo inyasunia abosis ibore.

Luk. 1:50

Eyai akisyon keŋ neni a ŋulu ekerito iŋes ananyameta a daadaŋ.