Isa. 51:5 - Ebaibul

⁵ Abuni ayoŋ alakun ŋituŋa kaŋ atipei, aapuu aiunio ŋina ebunit aneni kaŋ epukae ayoŋ ŋituŋa a apedor kaŋ; ekedarito ayoŋ ŋituŋa ŋulu iboiyete anakiboisyo a ŋuna alodiyete anam, idarito ikes anakigeno apedor kaŋ.

Isa. 51:5 Iomraidhean Croise

Ŋikiru. 110:6

Etubokini iŋes ŋituŋa a ŋakwapin, ilelebikini ŋalyalin nakwapin; ielielaari ŋikepukak ka akwap a daadaŋ.

Ŋikiru. 67:4

Elipi tolakaros ŋituŋa a ŋakwapin, toeoto ka alelyanu, anerae itubi iyoŋ ŋakiro a ŋituŋa anakiyookino, ido itenit iyoŋ ŋituŋa a ŋakwapin a daadaŋ anakwap.

Ŋikiru. 85:9

Kire, etenit Akuj aiun ŋulu itopoloorito iŋes, ikotere erubakini apolou keŋ eyai nakwap yok.

Ŋikiru. 96:13

alokiŋaren Ekapolon, anerae ebuni iŋes atubokin ŋituŋa. Etubokini iŋes akwap anakiyookino ka etubokini iŋes ŋituŋa alotooma ŋuna a kire.

Ŋikiru. 98:9

tolelyana alokiŋaren Ekapolon, anerae ebunit iŋes atubokin ŋituŋa. Etubokini iŋes ŋituŋa anakiyookino, etubokini ŋituŋa anakiro a ŋuna a kire.

Isa. 11:11

Akoloŋit ŋin, isitiyae nabo Ekapolon apedor keŋ kinyaku ŋipiya a ŋituŋa keŋ alo Asiriya, alo Ijipit, alo Pasiros, alo Esiopia, alo Elam, alo Sinar, alo Amas ka anakwapin a ŋuna idunyito anam.

Isa. 24:15

Aŋun, emaikina ŋituŋa ŋulu alo Kide kitopoloosi Ekapolon, emaikina ŋituŋa ŋulu iboiyete alodiyete anam kitopoloosi ekiro a Ekapolon Akuj a Isirael.

Isa. 26:4

Kikinyoma Ekapolon ŋikaru ka ŋikaru, anerae Ekapolon Akuj, iŋes erae neni iryamuniata iyes aiuno ŋina a ŋikaru ka ŋikaru,

Isa. 33:2

Ekapolon kitoodiu ajokis kon neni kosi, ikidarit isua iyoŋ. Toruwor agogoŋu kosi a ŋinataparacu, aiuno kosi anapaki a ŋina a ŋican.

Isa. 33:22

anerae Ekapolon iŋes erae ekatubon a ŋakiro yok, Ekapolon iŋes erae ekepukan yok; Ekapolon erae erwosit yok, iŋes ikiuni iwon.

Isa. 40:10

Kiirasi, ebunit Ekapolon Akuj ka apedor, ipukat iŋes a apedor keŋ, kiirasi, eyaunit iŋes ŋituŋa ŋulu adau iŋes aiun, eyakasi kiŋaren keŋ ŋituŋa ŋulu adau iŋes aiun.

Isa. 42:4

Nyilelenyi iŋes, kori nyilounio iŋes akitodol ŋina eyaunia iŋes akiyookino nakwap; idarito ŋituŋa ŋulu iboiyete alodiyete anam iŋes yau akitatam keŋ.

Isa. 46:13

Etaapu ayoŋ alakuno neni kus, nyeriŋa elwana, ido nyedidi aiun kaŋ iyes; ewuakini ayoŋ aiuno Sion aŋuna a Ŋisirael a ŋituŋa kaŋ.”

Isa. 49:1

Iyes ŋituŋa ŋulu iboiyete anakwapin a ŋuna idunyito anam, kiirasi ŋakiro kaŋ, iyes ŋituŋa ŋulu iboiyete anakwapin a ŋuna alwanak, topupokisi! Abu Ekapolon okonyarau ayoŋ eriŋa ayoŋ nyeuruuna, apaki ŋina ariŋaakar ayoŋ ayai nakook a toto kaŋ, abu iŋes okolimok ayoŋ ekiro.

Isa. 54:17

Mam eborosit a ejie ŋolo ikimanitere iyoŋ ŋolo epedori akiwan iyoŋ, ilouni iyoŋ aloikiiko daadaŋ ŋulu ikisitakinito iyoŋ. Erae ŋun ŋajokisya ŋuna eryamunete ŋiketiyak a Ekapolon ka erae ŋun ŋuna isiyookinito ŋuna alimu ayoŋ.”

Isa. 56:1

Alimu Ekapolon ŋakiro nu, “Torubakisi irae ŋulu iyookino ka kitiyaete ŋuna iyookino, anerae aapuu ayoŋ aiun iyes, ido itoodiunio alotooma apaki ŋina eapi ŋuna ka alakun ayoŋ iyes.

Isa. 59:16

Abu Ekapolon kiŋolik atemar emam ituŋanan epedori, abu iŋes tonyunyur iŋolikini atemar emam ituŋanan iŋarakini ŋulu isicanitae; aŋun, abu iŋes a apedor keŋ yau aiuno aŋuna keŋ ka abu akiyookino keŋ kiŋarak iŋes.

Isa. 60:9

Kire jik, ekewarete ayoŋ ŋituŋa ŋulu iboiyete alodiyete anam; iŋarenunete ŋameeli ŋuna a Tarisis, eyaunete ikes ŋidwe kus ŋulusapa aneni alwanan, eyaunete ikes esilipa ka egolid kec aŋuna ka akitopoloor ekiro a Ekapolon, Akuj kus ŋina asegan ŋina a Isirael, anerae ikitopoloo iŋes iyes.

Isa. 62:11

Eserak Ekapolon ŋituŋa a akwap daadaŋ ebe, ‘Tolimokisi ŋituŋa a Sion atemar ebunit Ekapolon aiun iyes, eyaunit iŋes ŋituŋa ŋulu adau iŋes aiun.’

Isa. 63:5

Abu ayoŋ oŋoleŋolek, nai nyeŋolik idiokeŋarakinan, abu okobul ayoŋ, anerae amam ituŋanan ayai nen akiŋarakin ayoŋ, aŋun, abu ayoŋ elou a apedor kaŋ a elope ka abu anyunyura kaŋ a elope eketurubak ayoŋ ayari.

Yoel 3:12

“Emaikina ŋakwapin tonyout ikes ŋakulepek, ido potu nakadipaalat ŋina a Yeosapat; anerae eboikin ayoŋ nen otubonok ŋakwapin daadaŋ ŋuna idunyatar Yudaya.

Sepan. 2:11

Eryenyaanikini Ekapolon ikes nooi; kire jik, emunyari iŋes ŋakujo daadaŋ ŋuna eya nakwapin. Ilipete neni ke Ekapolon ŋituŋa daadaŋ ŋulu iboiyete alodiyete ŋanamyo ka ŋulu iboiyete aloculeta a ŋanamyo.

Mat. 28:18

Toapiya Yesu diyete kec tolimok ikes tema, “Akainakin ayoŋ apedor daadaŋ ŋina anakuj ka ŋina alokwap.

Mat. 3:2

ebala, “Kibelekinos anasecisya kus, anerae aapuu Apukan ŋina anakuj!”

Mar. 16:15

Tolimok Yesu ikes tema, “Apesi nakwapin daadaŋ, kitatama ŋituŋa daadaŋ Ŋakiro ŋuna Ajokak ŋuna ka Akuj.

Luk. 24:47

Itemokino kitatamae akiki ka akisyon ŋasecisya lobukui daadaŋ alokiro keŋ, akisyakin alo Yerusalem.

Ŋitic. 17:31

Anerae atubu Akuj akoloŋit ŋina etubokinia ŋituŋa daadaŋ anakwap anakiyookino ka erae ituŋanan ŋini aseu iŋes itiyakini ŋun. Etoodiu iŋes ŋun lotuŋa daadaŋ anakiteyarun ituŋanan ŋin alokatwak!”

Ŋirom. 2:16

Etakanunete ŋun Akoloŋit ŋina ebunio Akuj atubokin ŋituŋa alotooma Yesu Kristo anakiro a ŋuna eya lotai kec, ikwapei iteyenunitotor Ŋakiro ŋuna Ajokak ŋuna alimonokini ayoŋ.

2 Ŋikor. 5:10

Anerae, itemokino iwon daadaŋ owua alokiŋaren Kristo ekatubonokinan yok. Eryamuni nai ŋinituŋanan eropit ŋolo emaikina iŋes toryamu lopite ŋolo itiyator iŋes ejok kori erono alokuwane a lo.

Ŋikis. 30:14

Mam, eapiyete ŋakiro ŋun aneni kus, eyakasi nakituka kus ka lotai kus, ikotere iyes iricakinete ikes.

1 Sam. 2:10

Ielari Ekapolon ŋituŋa ŋulu itepegete iŋes, eari Ekapolon ŋul a agirokinet a ŋina ebunit anakuj; etubokini Ekapolon ŋituŋa a akwap a daadaŋ; einakini Ekapolon apedori neni a erwosit keŋ; einakini Ekapolon agogoŋu neni a erwosit a ŋolo adau iŋes aseun.”