Isa. 51:3 - Ebaibul

³ Isirworiuni Ekapolon ŋituŋa a Sion; itojokuni ŋakiboisyo kec daadaŋ ŋuna apotu toruworos ŋacaryo ka ituruwori aloŋisat kec akibois ŋina ajokan ŋina ikoni Eden, kikwaanikin aloŋisat kec ka emanikor a Ekapolon. Eyakaun alelyanu ka alakara Sion, eokinete ŋituŋa a nen ŋieosyo ŋulu ka alakara.

Isa. 51:3 Iomraidhean Croise

Akisy. 13:10

Toŋoleŋolek Lot erounit akwap ŋin daadaŋ, ani iŋoliyari lowae ŋolo a Yorodan, kiŋolik ŋadipoe ŋuna a Yorodan erae ŋuna elelenakini ejok alowaetin a daadaŋ, ikwaan ke emanikor ŋolo ke Ekapolon ka akwap ŋina a Ijipit alowae a ŋolo a Soar. Apaki ŋin, ariŋa Ekapolon nyinyasuna Sodoma ka Gomora.

Ŋikiru. 85:8

Apupokini ayoŋ ŋuna elimuni Akuj Ekapolon, anerae iikini; iŋes ekisil neni a ŋituŋa keŋ, neni a ŋulu ikinyomito iŋes neni a ŋulu ekiyete alotai kec tonupa Akuj.

Isa. 12:1

Ebuni akoloŋit ŋina eokinioto ŋituŋa ebasi, “Okoe Ekapolon, alakar ayoŋ neni kon, anerae tari ŋina iŋoitor iyoŋ aŋuna kaŋ, ibu iyoŋ tojoŋo aŋoit aŋuna kaŋ ka ibu iyoŋ ikisirworiu ayoŋ.

Isa. 25:9

Akoloŋit ŋin, etemaryo, “Kiŋolikisi, erae na Akuj yok; aponi iwon kidarae iŋes ikotere ikiuni iwon. Erae lo Ekapolon ŋolo aponi iwon kidarae, olakaros ka olelyana aŋuna ikilakunia iŋes iwon.

Isa. 35:6

eporete nai ŋikaŋwalak ikwa ŋatili ka eokinete ka alakara ŋulu sek ikajikajasi. Elomunete ŋakipi analoŋisat ka eleleiyarete ŋakipi anayona a ŋuna analoŋisat,

Isa. 41:16

ipyetarete iyes ikes, ido tokuta ekuwuam nariet ka kiela ikes ekuwuam ŋolo ekusi nooi. Ipote nai iyes alelyan aneni ke Ekapolon; ipote nai iyes akipuro Akuj ŋina asegan ŋina a Isirael.

Isa. 43:19

Eapi ayoŋ akitiyakin ibore ŋini kitete, ageu ibore ŋin akitiyakin, eriŋa iyes nyeyenuna a? Ewuakini ayoŋ erot naloŋisat ka ewuakkini ŋaŋololin naonite.

Isa. 44:26

Ayoŋ esiyoonokini ŋakiro ŋuna irworosi ŋiketiyak kaŋ ka esiyoonokini ŋakiro ŋuna edwarete ŋikiyakya kaŋ; ayoŋ alimuni aŋuna a Yerusalem ebe, ‘Epote ŋituŋa akiboi alotooma keŋ’ ka ayoŋ alimu aŋuna a ŋitaunio a Yudaya ebe, ‘Edukokinio ikes nabo ka etonyouni ayoŋ ŋarwatatain a ŋakais kec ŋuna eritanakina.’

Isa. 49:13

Okoe iyes ŋisubuna ŋulu alokidiama, toeikisi ka alakara, okoe iyes ŋisubuna ŋulu alokwap, tocelutu ka alelelyanu; okoe iyes ŋisubuna ŋulu iya lomoru tocelutu ieosi, anerae esirworiu Ekapolon ŋituŋa keŋ ka isyoni ŋituŋa keŋ ŋulu eryamunito ŋican.

Isa. 49:19

Kire jik, ilelebunosi iyes nakiboisyo kus ŋuna sek apotu toruworos ŋacaryo ka ŋireŋoroto; kire jik, idiŋidiŋakinosi ŋituŋa kus anakiboisyo a ŋuna sek aponere ikiritar iyes, eakarete neni alwanan ŋulu sek apotu ikitoŋopiyasi iyes.

Isa. 49:8

Alimu Ekapolon ŋakiro nu, “Ani ŋina adolyo akoloŋit ŋina akaiunia iyes, abu ayoŋ ekeŋarak iyes, adau ayoŋ akiyok iyes, akituruwor iyes acamunet aŋuna a ŋituŋa a ŋakwapin, akinyakakin akwap lotuŋa kaŋ, akoranakin nabo akwap ŋina abu toruwor ekasile neni a ŋituŋa.

Isa. 51:12

Arae ayoŋ ŋolo ekesirworiuni iyes; kaanukiro nai ikuryanitotor iyes aŋuna a ŋituŋa a ŋulu epedorete atwakare, a ŋituŋa a ŋulu eŋopiyarete lopite ŋolo eŋopiyareta ŋinya?

Isa. 52:9

Toeikisi iyes daadaŋ kaapei, ŋaduketa a Yerusalem ŋuna eritakinitae kwap, anerae eŋarak Ekapolon ŋituŋa keŋ, ido alaku iŋes Yerusalem.

Isa. 61:10

Alelyani ayoŋ nooi alotooma Ekapolon, itopoloori akiyar kaŋ daadaŋ Akuj kaŋ; anerae eketanap iŋes ayoŋ elou ŋolo ka aiuno, ekemuko iŋes ayoŋ a elou a ŋolo ka akiyookino, lopite ŋolo ilelebar alakara lotau a eteran ka lopite ŋolo esiryo ateran a ŋinapen a ŋulu ebusak.

Isa. 65:18

Nai tolakaros ka tolelyana ŋikaru ka ŋikaru aŋuna a ŋiboro a ŋulu asubuni ayoŋ, anerae eapi ayoŋ asubun Yerusalem ikwapei neni eyai alelyanu kaŋ, neni eyai alakara kaŋ lotuŋa keŋ.

Yer. 31:25

Esieŋuni ayoŋ ŋulu eupit. Esimwoni ŋulu einaa akoro.”

Esek. 28:13

Iboi iyoŋ paaran esibit iyai Eden, lomanikor ŋolo ka Akuj; apotu ŋamoru ŋuna epol egyelit daadaŋ ikisibusa iyoŋ inapit; ŋamoru ŋun ikes nu: Ŋuna areŋak puu ŋuna enyaritae Rubi, ŋuna enyaŋiyarito ŋuna enyaritae Topas, ŋuna inyalal ŋiraŋgi ŋuna enyaritae Diamon, ŋuna enyaŋiyarito ŋuna enyaritae Beril, ŋuna areŋak puu ŋuna enyaritae Oniks, ŋuna inyalal ŋiraŋgi ŋuna enyaritae Yasiper, ŋuna epusiyaka ŋuna enyaritae Sapire, ŋuna inyalal ŋiraŋgi ŋuna enyaritae Turikuoise, ŋuna alibak nooi ŋuna enyaritae Emerald ka egolid. Iyakar iyoŋ ŋinapito ŋulu enaminamitae egolid; aponi kitemonokinoe ŋinapito ŋul akoloŋit ŋina ikisubunere iyoŋ.

Esek. 36:11

Etalalauni ayoŋ ŋituŋa kus ka ŋibaren kus. Iyatakinosi ka epitunete. Ilalakunete iyes nooi akilo neni paaran sek ka etiyae ayoŋ neni ŋuna ajokak nooi iloito ŋuna ke ekiŋaren. Iyenunete nai iyes atemar arae ayoŋ Ekapolon.

Esek. 36:35

Etemarete ikes ebe, ‘Ekwaanikin akwap na ŋina abu toruwor ekasile ka emanikor ŋolo a Eden, ido eboikinosi tokona ŋituŋa nakiboisyo ŋuna sek apotu toruwor ŋakoŋinae ka ŋuna asilok, aduki nabo ejok nooi ŋitaunio ŋulu aponi tomunaarae.’

Yoel 2:3

Irikarete ikes ŋikito ikwa irikarya akim. Ikwaanikin akwap ŋina eyai kiŋaren keŋ ka emanikor ŋolo ke Eden, nai kaku keŋ, eruwor aloŋisat ŋina eonit deu, ido mam ibore imyekini iŋes.

1 Pet. 1:8

Iminasi iyes iŋes tari pa kianyunito; inupito iyes iŋes tari pa kiteete iŋes. Ilelyanete iyes ka alelyan a ŋina apolon nooi a ŋina nyepedoryo alimun;