Isa. 51:20 - Ebaibul

²⁰ Eyalaar ŋidwe kus, eperete anakisaleta a ŋirotin a daadaŋ a ŋulu ke etaun ikamunitae ikes lopite ŋolo ikamunitor auno elob. Eŋoikinit Ekapolon ikes, eŋenyak Akuj kus ikes.

Isa. 51:20 Iomraidhean Croise

Isa. 29:9

Tobaŋaaniyasi toruwor ŋulu ibaŋaaka, tomudukaniyasi toruwor ŋulu imudukaka. Tomerakinos, nai meere a epiini, kiteriterokinos, nai meere aŋuna a ŋagwe aŋuna adwarak!

Isa. 40:30

Epedori akileleny ka akiup ŋisorok, eupi nooi tari ŋidwe ŋulu cicik;

Isa. 49:26

Etanyami ayoŋ ŋulu ikisicanito iyes ŋawat kec a ŋilopeyek, emerakinosi ikes a ŋaokot kec pei lopite ŋolo emeratar a epiini. Eyenunete nai ŋituŋa daadaŋ atemar arae ayoŋ Ekapolon Ekaiunan kus ka Ekalakunan kus Ekapolon ŋolo etiron ŋolo a Yakob.

Isa. 5:25

Aŋun, abu aŋoit ŋina a Ekapolon toyakaun lotuŋa keŋ, ka abu akisican ikes a apedori keŋ, apotu ŋimoru tomaranikis, kikokis ŋawat a ŋituŋa a ŋulu atwakito alorotin etukosi ŋatunyeny. tari ŋina aponiata ŋun kitiyakin, ariŋa Ekapolon eŋoikinit ikes ka arubakinit jik isicani ikes.

Isa. 51:17

Okoe ŋituŋa a Yerusalem, tonyoutu, tonyoutu! Iyes ŋulu adau Ekapolon akisican anaŋoit keŋ, iyes ŋulu idaut alomar nooi locan ŋulu einakinete ituŋanan akiteritero.

Isa. 51:21

Aŋun, kiirasi ŋakiro nu iyes ŋulu ikiwanitae, iyes ŋulu imerasi nai meere a epiini.

Isa. 66:15

Ebuni Ekapolon ecai ikwa a akim ka epote ŋagaari keŋ ŋuna iritae a ŋaŋolei ekerete ikwa ekuwuam ŋolo ipiripiri, ebuni iŋes anaŋoit keŋ enyunyura ka eyakaun akisicanet keŋ ikwaan ka arira.

Isa. 8:21

Irimete ŋituŋa akwap ekadakinit ka enyamit akoro eŋoyete ikes nooi tolomakis akicen erwosit kec ka ŋakujo kec. Ireorete ikes kidiama,

Yer. 14:16

Tosodi ŋituŋa daadaŋ ŋulu edwarete ikes ŋakiro kec, imasaryo kiŋa lorotin ŋulu a Yerusalem, erae ŋulu earit akoro ka ekileŋ, emamukaun ituŋanan ŋini enuki ikes, itiyakin ŋakiro ŋun neni kec a daadaŋ ka neni a ŋaberu kec neni a ŋidwe kec a ŋulusapa ta neni a ŋidwe kec a ŋulupesur, anerae esitiyae ayoŋ aronis kec akisicania ikes.

Yer. 14:18

Ani alosi lomanikorin, eŋolik ŋulu kearyo a ekileŋ, ani alomari lotaun, eŋolik ŋulu iridete aŋuna ka akoro, anerae erubakinito ŋikadwarak ka ŋisacaradotin itiyaete etic kec anakwap a daadaŋ, nai nyeyenete ŋuna itiyaete.”

Aum. 1:15

“Adau Ekapolon akiŋer ŋikajiok kosi daadaŋ, adau anyaraun ŋasigarya akiman isua ka amunyar ŋisorok kosi. Epudaiya Ekapolon ŋituŋa kosi ikwa ipudaere ŋaraito a epiini aneni ecuyere.

Aum. 1:19

“Aponi isua tonyarae ŋituŋa ŋulu sek ikiriit ka isua, nai apotu ikes ikilukis isua. Apotu ŋisacaradotin ka ŋikasikou kosi totwanikis lotaun eriŋa iwarito ibore ŋininyamat aŋuna ka arubakinia eyarete.

Aum. 2:19

Tonyoutu, kigworonokisi Ekapolon akuwar kia, toboŋonokisi akigworonokin Ekapolon nakwaare, tolimokisi Ekapolon ŋakiro daadaŋ ŋuna eya lotai kus, kilipa neni keŋ ikyaarito ŋakan aŋuna a ŋidwe kus a ŋulu iridete alorotin a daadaŋ aŋuna ka akoro.

Aum. 4:11

Abu Ekapolon toŋo nooi, tonyunyur eryenyaana nooi; kinokak akim Sion ŋina abu tonyamuwa etaun tari neni isyakinitotor ŋaduketa.

Aum. 4:2

Ekwaan ŋisorok a Sion ejokak aneni kosi ka egolid, nai tokona etiŋitae ikes pa itojokitae nooi, etiŋitae ikes esibit ŋamoti ŋuna epatana abwaŋa.

Aum. 5:13

Ereikinitae ŋisorok kosi akiryere ikwa ŋipi; iryaŋanarosi ŋidyain edakito ŋakito ŋuna apotyok.

Esek. 12:13

Nai apetari ayoŋ atibait kaŋ, ikotere ekamunia iŋes, oya nai iŋes lotaun ŋolo a Babilon, nakwap ŋina a Ŋibabiloniyae, nai nyiŋolikini iŋes akwap ka etwani iŋes a ina.

Esek. 17:20

Ariyori ayoŋ atibait kaŋ aŋuna keŋ, ido ekamu iŋes. Ayauni ayoŋ iŋes Babilon, otubok iŋes a nen, anerae abu iŋes toruwor ŋolo pa ekinyoma aneni kaŋ.

Esek. 39:19

Alotuŋa a ŋulu etemokini ayoŋ aŋuna kus, inyamete iyes ŋasepwa akitodol ŋina ilelebunitor ŋakokyes pic ka imasete iyes ŋaokot kec akitodol ŋina imerakinotor.

Ŋikis. 14:5

atili, agete, etili, ameot ŋina ka ariet, ŋikorya ŋulu a ŋimoru, amesek ŋina ka ariet ka elob.

Ŋikis. 28:20

“Ikiyakikini Ekapolon iyes ŋican, akuryanu ka akadanakin aloticisyo a daadaŋ a ŋulu ikatakinete iyes akitiya, tari ŋina imunyarotor iyes todaunos atipei, aŋuna a ŋiticisyo kus a ŋulu aronok, anerae ikiesikis iyes ayoŋ.

Akis. 14:10

ebuni iŋes elope akimat epiini ŋolo ka Akuj; epiini ŋolo ka anyunyura a ŋina ka Akuj, ŋolo abukoki iŋes pa ecaritae lokopo ŋolo ka aŋoit keŋ! Iŋes daadaŋ ŋini itiyae ŋun, isicanio ka akim ka Sulpa alokiŋaren ŋimalaikan ŋulu ka Akuj ka Imesek.