Isa. 51:19 - Ebaibul

¹⁹ Ikidolokis iyes ŋakiro nu ŋaarei: Ŋinyas ka amunyaro, aronis ka ejie, ŋae iyaloloŋi kaapei ka iyes? Ŋae ikisirworiuni iyes?

Isa. 51:19 Iomraidhean Croise

Yob 2:11

Ani iirarete ŋikonei a Yob ŋiuni ŋakiro daadaŋ ŋuna apotu kitiyakin neni a Yob, abu ŋinituŋanan kec torotok alore keŋ, arae ŋirorwa kec Elipas ŋolo alo Teman, Bilidad ŋolo alo Su ka Sopar ŋolo alo Naamas. Apotu ikes kiryamun kaapei toloto akimaima ka akisirworiun Yob.

Yob 42:11

Ekaku, potu neni a Yob ŋikaitotoi keŋ, ŋakaitotoi keŋ ka daadaŋ ŋulu sek ayenete iŋes, kimuja kaapei ka iŋes alokai keŋ. Apotu kitoodiut akiyaloloŋ ŋina sek ayakatar ikes aŋuna a Yob ka apotu kisirworiut iŋes aŋuna ka aronis a daadaŋ a ŋina abu Ekapolon yau neni keŋ abu ŋinituŋanan alotooma ŋul inak Yob ŋidisiliŋa ka ekaboboot ŋolo etiyaunitae a egolid.

Ŋikiru. 69:20

Esiyaloloŋiyosi ŋiyany etau kaŋ, aŋun, apapanu ayoŋ. abu ayoŋ eitan akisyonio, nai mam ipei daŋ ŋini abu ekesyon; abu ayoŋ eitan ikesirworiunan, nai mam ipei daŋ ŋini abu ekesirworiu.

Ekal. 4:1

Abu nabo ayoŋ oŋoleŋolek, eŋolik epite daadaŋ ŋolo atiŋitere ŋituŋa anakwap a na erono. Abu ayoŋ eŋolik ŋakiyo a ŋulu atiŋitae erono, amamukatar ikes ituŋanan ŋini isirworiuni ikes; ayai apedori neni a ŋulu ainakinito ŋican neni kec, mam ituŋanan arae ikesirworiunan ŋulu atiŋitae erono ŋul.

Isa. 14:30

Eyakaunotor ŋulu ekulyakaka akilo ŋuluce akimuj ka iboikinosi ŋulu eyakatar akiitanit emam ŋace; nai emyekini ayoŋ totwaka ŋiletok kon aŋuna ka akoro, aari ayoŋ ŋipiya a ŋituŋa kon.

Isa. 22:4

Aŋun, abu ayoŋ otema, “Nyipotu neni kaŋ, kimyekinae ayoŋ egwor nooi; nyikisirworiut ayoŋ aŋuna amunyarere ŋituŋa kaŋ ŋuluminan.”

Isa. 47:9

Itiyakin ŋakiro ŋun ŋaarei neni kon alotooma apaki ŋina nyiyeni iyoŋ ka alotooma akoloŋit apei bon. Icakari iyoŋ ŋidwe kon ka iruwor apuserut, epote ŋun neni kon ka itiyakin jik, epote ŋun neni kon tari kiyakatar iyoŋ ŋikekukujak ŋulu alalak ka ŋimurok ŋulu ka apedor a ŋina apolon ŋulu enyaraununeete ŋimuno.

Isa. 54:11

Alimu Ekapolon ŋakiro nu, Okoe Yerusalem, etaun ŋolo ikisicanitae ikimemeo ka ŋolo emam ikesirworiunan ŋituŋa kon, eapi ayoŋ adukokin iyoŋ nabo a ŋamoru a ŋuna egogoŋ egyelit, adukokini ayoŋ nabo akisyakinet a ŋarwatatain kon a ŋamoru a ŋuna enyaritae Sapire.

Isa. 60:18

Nyiiraryo nabo ŋuna ka aryenyeo anakwap kus, kori ŋinyas ka amunyoro alokukoryo ka akwap kus. Enyarao iyes ŋarwatatain kus ŋuna ikiunete ka enyarao iyes ŋipukei kus ŋulu ka akipuro.

Isa. 61:2

akiseraun atemar adol ekaru ŋolo itiyakinia Ekapolon ŋuna ajokak ka akiseraun akoloŋit ŋina inyaŋarya Akuj yok ŋakiro a ŋimoe keŋ; akisirworiun daadaŋ ŋulu iyaloloŋete;

Isa. 8:21

Irimete ŋituŋa akwap ekadakinit ka enyamit akoro eŋoyete ikes nooi tolomakis akicen erwosit kec ka ŋakujo kec. Ireorete ikes kidiama,

Isa. 9:20

Iudaete a ŋakan kec aŋuna aloteten nai erubakini akoro enyamit, imujete ŋituŋa a ŋakan kec a ŋuna alokedyeny nai nyimwokete. Enyami ŋinituŋanan akuwan a ituŋanan keŋ pei.

Yer. 15:5

“Okoe ŋituŋa a Yerusalem, ŋae ikisyoni iyes? Kori ŋae ikigwori iyes? Ŋae erii nawae akiŋita epite ŋolo iyakatar iyes?

Yer. 24:10

ido eyakikini ayoŋ ikes ejie, akoro ka edeke, akitodol ŋina emunyarotor ikes jik anakwap a ŋina abu ayoŋ oinak neni kec ka neni atapapaa kec.’ ”

Aum. 1:12

Ebasi ŋituŋa a Yerusalem, “Erae mono ŋican lu ŋikoŋinae aneni kus iyes ŋituŋa daadaŋ ŋulu itoreneneete Yerusalem a? Kiŋolikisi mono iyes ŋakwapin ŋunace, eyakasi ŋican ŋulu eryamunito ikes ŋulu ikote ŋulu eryamunitae isua a? Eyakasi mono nakwapin ŋican ŋulu ikote ŋulu eyaunit Ekapolon neni kosi anapaki a ŋina ka aŋoit keŋ nooi a?

Aum. 1:9

Ileere jik asiilyo a ŋituŋa a Yerusalem, nai apotu ikes nyitiyata ŋadi akiretakinia ŋican aneni kec. Arono nooi akinyasuno kec, mam ituŋanan epedori akisirworiun ŋituŋa a Yerusalem. Ebasi ŋituŋa keŋ, “Okoe Ekapolon, kiŋolik kareca ŋican ŋulu eryamunitae isua, anerae ikilout isua ŋimoe kosi.”

Aum. 3:47

Adaut ŋimoe kosi akitubul isua ka alokit isua, adaut akinyasun ka amunaar isua.

Esek. 14:15

Ani keyakiya ayoŋ ŋityaŋ ŋulu anyamak nakwap ŋin daadaŋ, kirikasi ibore daadaŋ ŋini eyai nen kidoŋ akwap esil emam ibore, emam ituŋanan epedori akitor nen aŋuna a ŋityaŋ;

Esek. 14:21

“Ŋuna iŋita Ekapolon Akuj ikes nu, ‘Etya nai ai epite ŋolo erokyarotor ŋakiro alo Yerusalem apaki ŋina eyakuunia ayoŋ ŋakisicaneta kaŋ ŋuna apipilak ŋaomwon? Ŋimoe, eron ka ŋityaŋ ŋulu anyamak ta ŋidekesyo, tomunyasi ŋul ŋituŋa ka ŋibaren a Yerusalem.’

Amos 7:2

Ŋina adaunia emaase ŋol akirikar ŋakwii a ŋikito ka ŋinya anakwap a ŋin, abu ayoŋ ekalou otema, “Okoe Ekapolon, ekelipit, kisyoni ŋituŋa kon. Alipite eyaryata ŋiletok a Yakob? Epalag ikes.”

Naum 3:7

ikitekinete iyoŋ ŋituŋa eumokinito, ŋituŋa daadaŋ ŋulu ikiŋolikinete iyoŋ, eemete aneni kon ebasi, ‘Enyasun Ninepe, ŋae igwori aŋuna keŋ?’” Ŋae isiryoriuni iŋes?

2 Ŋikor. 7:13

Ŋakiro ŋun nai ikisimukekinito isua. Akilo akimukekinit ŋin bon, ikilelyani isua nooi aŋuna ka alelyan a Tito a ŋolo kipotu iyes daadaŋ kisiyeŋut ŋatameta keŋ!