Isa. 51:13 - Ebaibul

¹³ Ikimuryak iyes Ekapolon ekasuban kus, ŋolo abu topetak kidiama ka kiwuak ŋawoeta a akwap a? Ikuryaka iyes apaaran daadaŋ aŋuna ka adedeŋu a ekesicanan a ŋolo erae etic keŋ amunyar. Nai ai tokona eyai adedeŋu a ekesicanan?

Isa. 51:13 Iomraidhean Croise

Esta 5:14

Temasi nai Seres aberu ka Aman ka ŋikonei ka Aman daadaŋ, “Kitudukok ŋituŋa ŋipirin ŋiarei ŋulu edoli aoyau kec alokidiama ŋimitae ŋatomoniarei ka ŋiuni, kiriwokinae apeeta alokidiama. Ani moi taparacu tolimok erwosit kinenekinoe Moridekai napeeta a ŋipirin a ŋul; toloto nai iyoŋ ka erwosit nasuban elakara etau.” Tolakar Aman a ŋakiro a ŋun, kitudukok ŋituŋa ŋakito ŋun.

Esta 7:10

Aŋun, apotu ŋituŋa kinenekis Aman nakito ŋuna abu iŋes todupak akinenekin Moridekai. Totikiun nai anyunyura a erwosit.

Yob 37:18

Ipedori iyoŋ apetakin ŋidouwon kidiama lopite ŋolo itiyaa Akuj a? ipedori iyoŋ akitogogoŋ ikes ikwa eburonis ŋolo ikirouni a?

Yob 9:8

Akuj bon iŋes apetakini kidiama, Akuj bon iŋes itidipakini akimorokok a ŋakipi ananam.

Ŋikiru. 104:2

Ikimukorit iyoŋ akica ikwa imukoritor elou ituŋanan, ibu iyoŋ topeta kidiama ikwa eema,

Ŋikiru. 106:13

Nai apotu ŋakiro ŋuna abu Akuj kitiya kimuryakis ikes; apotu nyidara Akuj alimokin ikes ŋakiro ŋadi.

Ŋikiru. 76:10

Iinanakini iyoŋ tari ŋiryenyaanotin ikipuro iyoŋ, ido epote ŋipiya ŋulu ka aŋoit kon, akilip neni kon anapakio a ŋuna a ŋasuban.

Isa. 10:24

Aŋun alimu Ekapolon, Akuj ŋina a ŋajoresyo ebe, “Okoe ŋituŋa kaŋ ŋulu iboiyete alo Sion, nyikuryaketa aŋuna a ŋituŋa ka Asiriya a ŋulu ikisicanito iyes, a ŋulu ikitiŋakinito iyes ŋibelae ikimanito lopite ŋolo ikimanitotor iyes Ŋijipitian;

Isa. 14:4

irworotor iyes erwosit a Babilon ijamuwarito ibasi, “Eloun erwosit ŋolo sek ikisicanit, adaun aryenyeo keŋ.

Isa. 16:4

Kimyekinae isua ŋirikuno anakwap a Moab kiboikinetei kaapei ka iyes, kiboikinetei ikirae ŋikadounok aneni a ekamunyaran.” Ani etwani ekesicanan, edaun ŋinyas ka edaun ekesicanan anakwap,

Isa. 17:10

Itiyakin ŋun, anerae ikimuryak iyes Akuj ŋina ikilakuni iyes ka nyitamunito iyes Akuj ŋina erae ataaba ŋina ka aiuno, aŋun, tari kitaete iyes ŋinyomen ŋulu ajokak, todupete ŋaten a ŋikito a ŋulu eyaununitae aiwace,

Isa. 40:21

Nyeyenuna iyes a? Nyiirara iyes a? Nyelimokina iyes ŋakiro ŋinapei anakisyakinet akwap a? Nyeyenuna iyes ŋakiro ŋinapei etiyaunere akwap a?

Isa. 40:22

Erae ŋolo iboi alokicoloŋ keŋ a ŋolo eyai kidiama akwap ka kidiama ariwo iŋes asubuni akwap. Ite iŋes alokidiama ŋituŋa esibito ŋabeerei; iŋes abu topeta kidiama ikwa anaŋga, topeta iŋes lopite ŋolo igurorere eema, ikotere iboikinoi tooma.

Isa. 42:5

“Alimu Akuj, Ekapolon ŋakiro nu atemar, Ŋae asubuni kidiama, ido topetak ariwo? Ŋae apetakini akwap ka etolomuni ibore ŋini elomunit anakwap? Ŋae einanakini ekieŋanu neni a ŋituŋa a ŋulu iboiyete anakwap ka neni a ibore a daadaŋ a ŋini elosi anakwap?

Isa. 43:1

Nai tokona Ekapolon ŋolo ikisubuni iyes ŋiletok a Yakob, iŋes ŋolo ikisubuni iyes ŋituŋa a Isirael iŋes alimu atemar: Nyikuryaketa, anerae adau ayoŋ alakun iyes; akanyar ayoŋ iyes a ekiro, ido iruworosi iyes ŋituŋa kaŋ.

Isa. 44:24

Alimu Ekapolon Ekalakunan kus, ŋolo abu ikiyeu iyes anakookyes atatoto kus ebe, “Arae ayoŋ Ekapolon ŋolo asubuni ŋiboro daadaŋ, ayoŋ abu opetak kidiama, ayoŋ elope abu opetak akwap.

Isa. 45:12

Ayoŋ asubuni akwap ka abu osub ŋituŋa ŋulu eya nakwap; ayoŋ abu opetak kidiama ka abu olimu atemar toyakaun nen ŋisubuna ŋulu eya kidiama.

Isa. 45:18

Ŋuna alimu Ekapolon ŋolo asubuni kidiama, (Iŋes Akuj) ŋolo ayeuni ka etiyauni akwap, (iŋes esyakini akwap, pa asubuni iŋes akwap erae ŋina a egurigur, abu iŋes toyeu akwap ikotere iboiyoto ŋituŋa alotooma keŋ.) Alimu Ekapolon atemar ayoŋ Ekapolon, emam ekapolon ece eyai.

Isa. 48:13

Arae ayoŋ asubuni akisyakinet a akwap, ayoŋ apetakini kidiama. Ani kanyara ayoŋ akwap ka kidiama epote ikes neni kaŋ.

Isa. 49:26

Etanyami ayoŋ ŋulu ikisicanito iyes ŋawat kec a ŋilopeyek, emerakinosi ikes a ŋaokot kec pei lopite ŋolo emeratar a epiini. Eyenunete nai ŋituŋa daadaŋ atemar arae ayoŋ Ekapolon Ekaiunan kus ka Ekalakunan kus Ekapolon ŋolo etiron ŋolo a Yakob.

Isa. 54:14

Iyakaun iyoŋ irae ŋolo ijok aŋuna ka akiyookino, nyikisicanio nabo iyoŋ, anerae emam ŋini ikitukuryani iyoŋ; Elemaryo ekabule aneni kon, anerae nyeapuuni neni kon.

Isa. 57:11

Ŋae ikerito ka ikuryanito iyes aŋuna keŋ, ŋini abu ikiinak iyes akirwor alyokonu, ido ikitojoŋo iyes atamunit ayoŋ, kori atamatam aŋuna kaŋ? Meere nai aŋuna abunio ayoŋ eliliŋ apaki ŋina aoyan iŋes iponiata iyes nyikitopoloosi ayoŋ a?

Isa. 7:4

tolimok iŋes atemar, totenite, kililiŋ, nyikuryaniar ka totitinyor aŋuna a erwosit Resin ka erwosit Peka ta Aram ta lokoku a Remalia nyepedorete ikes akiwan iyoŋ, anerae ikwaan ikes ka ŋakito a akim ŋaarei ŋuna epuruyete koŋin.

Isa. 9:4

anerae ikwapei akoloŋit ŋina aponere kilounere Ŋimidian, ilema iyoŋ ŋican ŋulu aryamunito ŋituŋa kon, ilema iyoŋ ŋituŋa ŋulu esicanito ŋituŋa kon ta aryenyeo ŋina a ŋulu esicanito ŋituŋa kon.

Yer. 2:32

Epedori mono apese akisimuryakin ŋinapen keŋ ŋulu esiritor iŋes akuwan keŋ a? Kori epedori mono ateran akisimuryakin ŋilowi keŋ a? Nai emuryakin ayoŋ aneni a ŋituŋa kaŋ ŋirwa ŋulu nyimarun.

Yer. 38:19

Tolimok erwosit Sedekia Yeremia tema, “Akabulit ayoŋ aŋuna a Ŋiyudayan a ŋulu ariwo ka Ŋibabiloniyae, anerae acepaki ekepotokinio ayoŋ neni kec, ido epedorete ikes abolyar ayoŋ.”

Yer. 41:18

akisii aneni a Ŋibabiloniyae a ŋulu etubulito ikes, anerae abu Isimael lokoku a Nesania toar Gedalia lokoku ka Aikam ŋolo abu erwosit a Babilon kituruwo ekepukan a Yudaya.

Yer. 51:15

“Ekapolon koloŋ asubi akwap a apedor keŋ, iŋes ewuakini akwap a aosou keŋ, ka iŋes abu topetak kidiama anayenut keŋ.

Yer. 51:19

Nyikoni Ekapolon Akuj a Yakob neni, anerae iŋes etiyauni ŋiboro daadaŋ, ido erae Isirael ekabila ŋolo a ŋituŋa keŋ a ŋulu abu iŋes toseu. Erae ekiro keŋ Ekapolon ŋolo a ŋajoresyo.”

Dan. 3:15

Tokona, ani kitenito iyes aryedik ka akilip neni a etorube a ŋolo etiyaunit ayoŋ, emaikina kitiyata ŋun apaki ŋina eruunio amomwara a emesek, apilu, aujiwij, aduŋgu, ebur ka ŋolo a ŋiboro a daadaŋ a ŋulu eore, ejokyata ŋun, nai ani pa kilipa iyes neni a etorube a ŋol, ikimasakinio iyes atipei nakim ŋina a ekitet ŋina erirae, anikuj epedori aiun iyes anapedor kaŋ?”

Dan. 3:18

Ani kemam, toyenu nu okoe erwosit atemar nyikitiyanakini isua ŋakujo kon ka nyikilipi neni a etorube a ŋolo a egolid a ŋolo idau iyoŋ asipokin.”

Dan. 3:19

Abu nai erwosit Nebukadinesar tolili nooi tonyoridid ereet keŋ aŋuna a Sadirak, Mesak ka Abedinego. Tolimok erwosit ŋituŋa atemar kinokakinae akim a ekitet tomwanu nooi ŋarwa ŋakanikaarei akilo neni sek.

Ŋitic. 12:23

Apaki ŋinapei, kitedyakak emalaika ŋolo ke Ekapolon Erode toramakin kwap, anerae abu iŋes kimyek ŋituŋa itopoloorito iŋes erae akuj, pa etopoloorit iŋes Akuj ŋina a kire. Tonyama ŋikur iŋes, totwan.

1 Ŋikor. 1:20

Ai mono alokiŋaren Akuj eyai ituŋanan ŋini aoson? Ai eyai ituŋanan ŋini eyeni? Ai eyai eketepegan anakwap a na? Nyeanyuwara tokona iyes epite ŋolo etabaŋaaniarya Akuj aosou ŋina ka akwap a na a?

1 Ŋikor. 15:55

Atwanare, ai eyai akiloun kon? Ai atwanare eyai apedor kon ŋina wanet?”

Ŋikis. 32:18

Ipotu iyes nyimitakis Akuj ŋina erae papa kus, abu ikimuryak iyes Akuj ŋina ikisubuni iyes.

Ŋikis. 6:12

tocoito nyikimuryak Ekapolon ŋolo ikiyauni iyes anakwap a Ijipit, anakwap a ŋina ka apitoonut.

Ŋikis. 8:11

Tocoito nai nyikimuryak Ekapolon Akuj kus, anakimyekin akiwuap ŋakiciketa keŋ, ŋikisila ka ŋakiro keŋ ŋuna etubunit iŋes ŋuna akalimok ayoŋ iyes nakoloŋit na.

Ŋibur. 11:15

Apotu ikes nyerubakis etamunito akwap ŋina apotu toesikis; kerae torubakinito, keryamunito apaki ŋina boŋoret.

Akis. 19:20

Aponi kikamarae etyaŋ kaapei ka ekadwaran ŋolo amodiyanan ŋolo kitiyae ŋakujuwuanisya alokiŋaren etyaŋ. (Ŋakujuwuanisya ŋun, ikes abunio iŋes tomodikinia ŋulu ayakatar emacar ŋolo ke etyaŋ ka ŋulu elipete neni ke etorube keŋ.) Ani eriŋa eyarete, aponi kimasakinae etyaŋ kaapei ka ekadwaran ŋolo amodiyanan nanam ŋina ka akim, ŋina enepya Sulpa.

Akis. 20:9

Kielakin ikes akwap daadaŋ kirikaut akibois ŋina a ŋituŋa a ŋulu ka Akuj ka etaun ŋolo apolon ŋolo emina Akuj. Nai bu akim anakuj, tonyamuwa ikes.