Isa. 51:10 - Ebaibul

¹⁰ Meere mono iyoŋ ibu kitoon anam ka kitoon ŋakipi ŋuna aya nenicukul nooi. Meere iyoŋ ibu kituruwo nenicukul a anam erot, ikotere ŋituŋa ŋulu ilakunit iyoŋ epedorete akiwuapakin a?

Isa. 51:10 Iomraidhean Croise

Ŋikiru. 106:10

Aŋun, abu Akuj toiu ikes anapedor a ŋimoe kec, tolaku ikes anapedor ke emoit kec.

Ŋikiru. 106:9

Abu Akuj kiyayak anam ŋina Areŋan, ido abu toono deu; abu Akuj kisitor Ŋisirael neni ecukul neni eonit deu, alopite a nolopei abu kisitor ikes naloŋisat.

Ŋikiru. 74:13

Ibu iyoŋ anapedor kon totyak anam; ibu iyoŋ tomunya Ŋijipitian.

Ŋikiru. 77:19

Abu erot kon kitor kidiŋ anam, abu erot kon kitor kidiŋ ŋakipi ŋuna alalak nooi; ido mam ituŋanan abu kiŋolik ŋikukus kon.

Awos. 14:29

Nai apotu Ŋisirael todoka Anam eonit neni alosyoto ikes ka erounito ikes ŋakipi esibit ŋarwatatain aloteten ka alokedyeny kec.

Awos. 15:13

Anamina kon a ŋina nyiryaŋiryaŋa, itenari iyoŋ ŋituŋa kon ŋulu idau iyoŋ alakun. Anagogoŋu kon ke elope, itenari iyoŋ ikes nakibois kon ŋina asegan.

Isa. 11:15

Itooni Ekapolon ecileta ŋolo ka anam a Ijipit, iyakuuni Ekapolon ekuwuam ŋolo amwanan nooi kitoon aŋolol Eupurate, ido etyakatyakae iŋes aŋolol ŋin toruwor ŋayona ŋakanikaarei, iwuakini nen erot ŋolo epedorya ituŋanan atuboror elosi a ŋakejen.

Isa. 11:16

Aŋun eyakaun erot ŋolo apolon ŋolo ebunit alo Asiriya aŋuna a ŋipiya a ŋituŋa keŋ, lopite ŋolo abunio erot toyakaun aŋuna a Ŋisirael apaki ŋina aponiata ikes anakwap a Ijipit.

Isa. 35:10

Eboŋunete ŋituŋa ŋulu adau Ekapolon alakun, eboŋunete ikes Sion eosi, eryamunete ikes alakara ŋina a ŋikaru ka ŋikaru; eryamunete ikes alelyanu ka alakara, edaun akiyaloloŋ ka akisuta aneni kec.

Isa. 35:8

Eyakaun nen erot ŋolo apolon, enyarao iŋes, erot ŋolo asegan. Nyelosete ŋikasecak alorot a ŋol, nai eruwor erot ŋolo a ŋituŋa ka Akuj, mam ikaloton a nen eoliyori, nyeoliyori tari ibaŋaanot.

Isa. 35:9

Mam eŋatuny eyakaun nen, kori mam etyaŋ edio ŋolo adedeŋan emekini erot ŋol; nyeryamunio ikes a nen, nai ŋulu elakunitae elosete alorot a ŋol.

Isa. 42:15

Amunaari ayoŋ ŋimoru ka ŋikamukumukui, esikwaanikini ayoŋ ŋaŋololin ka ŋiculeta, etooni ayoŋ ŋataparin.

Isa. 43:16

Alimu Ekapolon ŋolo abu koloŋ kiwuak erot kidiŋ anam, ŋolo abu kiwuak erot kidiŋ ŋakipi ŋuna alalak nooi,

Isa. 50:2

Kaanukiro amamukar idiotuŋanan apaki ŋina abunio ayoŋ? Kaanukiro pa aboŋokinio ayoŋ ituŋanan apaki ŋina anyarar ayoŋ? Emam mono ayoŋ apedor ŋina akalakunia iyes a? Kori emam mono ayoŋ apedor ŋina akaiunia iyes a? Kalimu ayoŋ akirot eoni anam, eturuwori ayoŋ ŋaŋololin aonite; etobosuni ayoŋ ŋikolya ŋulu eya tooma kec aŋuna icanakinotor ŋakipi idio totwaka aŋuna ka akure.

Isa. 62:12

Enyarao ikes, ‘Ŋituŋa ŋulu ka Akuj, ŋituŋa ŋulu alakuni Ekapolon,’ ido enyarao Yerusalem, ‘Etaun ŋolo apolon ŋolo emina Ekapolon. Etaun ŋolo eyakasi ŋituŋa.’ ”

Isa. 63:9

alocan kec a daadaŋ. Pa arae ekiyakia kori emalaika, nai ayakau a Ekapolon kaapei ka ikes abu toiu ikes; abu iŋes anamina ka anakisyon keŋ tolaku ikes, abu todak ikes, kidar ikes ŋirwa daadaŋ ŋinapei koloŋ sek.

Mika 7:15

Ekapolon, kitiya ŋakujuwuanisya aŋuna kosi, lopite ŋolo ibunio iyoŋ kitiyaa apaki ŋina ikiyaunia isua alo Ijipit.

Sakar 10:11

Ani itorunete ikes nanam ŋina nyepatana akitor, ayoŋ Ekapolon etidipokini ekuwuam ananam, ido etooni neni ecukul anaŋolol a ŋina a Nile, itiditeunio ŋituŋa ka Asiriya ŋulu sek iturosi, edaun agogoŋu eyakar Ijipit ŋina sek egogoŋ.