Isa. 50:6 - Ebaibul

⁶ Abu ayoŋ oinak akau kaŋ neni a ŋulu ekebuŋaete ayoŋ ka ŋikelyo kaŋ neni a ŋulu arusete epenek kaŋ; nyiwua ayoŋ ereet kaŋ aneni a ŋulu ekeyenyete ka ekemwaanakinete ayoŋ.

Isa. 50:6 Iomraidhean Croise

Neem. 13:25

Abu ayoŋ etoŋoiya ikes ka ecen, ido ebuŋa ikes ŋice orutono ŋitim kec, olimok ikes kikoŋo alokiro a Akuj otema, “Nyemaikina kipotonokis ŋidwe kus ŋulupesur kiita ŋidwe kec ŋulusapa, kori kiitununut ŋidwe kec ŋulupesur aŋuna a ŋidwe kus a ŋulusapa, kori aŋuna kus.

Yob 16:10

Akaŋaamikin ikes ayoŋ akajutuyanarete; ekebapabapata ikes ayoŋ lokeli aŋuna akajamuwaritotor; ipopoonorosi ikes aŋuna ekemanitotor ayoŋ.

Yob 30:10

Akajamuwarito ikes ayoŋ, nyecamito arukit ka ayoŋ; nyitimenene ikes akimwaanar ayoŋ ekeŋolikinete.

Ŋikiru. 129:3

Etelonokis ikes ŋajemei ŋuna ecukul kau kaŋ; esikokis akau kaŋ emanikor ŋolo keriŋa itao a ŋimoŋin.

Ŋikiru. 69:7

Erae aŋuna kon iŋes eketeŋeriyoritere ayoŋ, iŋes elelebunotor ŋileec loreet kaŋ.

Ŋikiru. 69:8

Aruwor ayoŋ igelaanot aloyeneta kaŋ, aruwor ayoŋ igelaanot alodwe a toto kaŋ;

Isa. 53:5

Nai aponi iŋes towanawanae aŋuna abilere iwon ŋikisila, aponi iŋes toarae aŋuna a ŋasecisya yok; aponi iŋes kisicanae aŋuna yok, aŋuna aŋajemei keŋ, adaun akitaŋaleun iwon.

Isa. 53:7

Aponi iŋes kitokokiyanae ka kisicanae, nai nyelimuno iŋes akirot adio, ikwa ikale ŋinimesek ŋini erikoryo akiŋol, eliliŋi iŋes lopite ŋolo ililiŋia amesek alokiŋaren ŋulu etubete ŋajul keŋ; ikwaŋinapei abu iŋes nyelimu akirot adio.

Aum. 3:30

Tari daŋ kikibuŋao ka kikiyanyo iwon, emaikina iwon edaŋidaŋa ŋun daadaŋ.

Mika 5:1

Ŋituŋa a Yerusalem tocunakisi ŋajorei kus! Adaut ŋimoe akirimokin iwon kidiŋ; itijiete ekarikon a Isirael.

Ekim. 12:14

Nai toboŋok Ekapolon Moses tema, “Ani kerae kimwaakinete papa keŋ iŋes loreet, pa mono kidaŋidaŋit iŋes ŋileec keŋ ŋirwa ŋikanikaarei a? Kimyek togoloroe iŋes kiŋa alomar ŋirwa ŋikanikaarei, ani elunyar ŋirwa ŋul kinyakunae iŋes nalomar.”

Mat. 26:67

Kisyakis ikes akimwaanakin iŋes loreet, kibuŋata ŋice ka kibapabapata ŋice iŋes

Mat. 27:26

Tolacak nai Pilato Baraba aŋuna kec, kimyek iŋes Yesu kibuŋae, kipoto nai kibubukinoe lomusalaba.

Mat. 27:30

Kimwaanakis ikes iŋes, tolemasi akasirimaete toramiata iŋes nakou.

Mat. 5:39

Nai akalimokini ayoŋ iyes atemar, nyitacakis aronis ka aronis. Ani kikibap iyoŋ ituŋanan lokeli ŋolo aloteten, inak iŋes ŋoloce daŋ.

Mar. 14:65

Kisyakis ŋice akimwaanakin iŋes, akirap ŋakonyen keŋ ka akibapabap iŋes ebasi, “Totedo ŋini ikibap iyoŋ?” Kibapabapata ŋisigarya daŋ iŋes.

Mar. 15:19

Kikoŋikoŋo akeekou a ebela, kimwaanakis iŋes ka toryediko alokiŋaren keŋ.

Yoa. 18:22

Ani kedau Yesu alimun ŋakiro ŋun, abu epei alokidiŋ ŋiketeok kibap iŋes tema, “Ikokini iyoŋ irworo neni ke esacaradoti a ŋolo apolon ikoŋina ai?”

Ŋibur. 12:2

Orubakisi ikite Yesu ŋolo erae neni keŋ ebunitor anupit yok daadaŋ, ŋolo ilelebikini anupit yok. Abu iŋes todaŋ atwanare alomusalaba, nyemitak ŋileec, anerae apol alelyan ŋina edarit iŋes. Iboi tokona alowae a ŋolo aloteten ekicoloŋ ŋolo ka Akuj.