Isa. 50:4 - Ebaibul

⁴ Akainaki Ekapolon Akuj ayoŋ apedor ŋinakitatamet ikwapei eketataman, ikotere apedorya akisirworiunia ŋulu apapanut anakiyar kec. Aŋinataparacu eketonyoununui iŋes ayoŋ, akainanakini iŋes ayoŋ akitemokin akiirar ŋakiro ikwa ŋulu itatamyo.

Isa. 50:4 Iomraidhean Croise

Yob 4:4

Adaut ŋakiro kon akisirworiun ŋituŋa ŋulu pa eleere epite ŋolo eyaryata, ido idau akisimukekin ŋulu apalag.

Ŋikiru. 119:147

Anyoununui ayoŋ eriŋa nyiwalara, ido ekekaloik iyoŋ akiŋarakin ayoŋ; ewuakinit ayoŋ akigeno kaŋ nakiro kon.

Ŋikiru. 143:8

Kimyekinae ayoŋ a ŋinataparacu eira ŋuna ka amina kon a ŋina nyiryaŋiryaŋa, anerae ekekinyomit ayoŋ iyoŋ. Kitoodikinae ayoŋ ŋuna emaikina ewuap, anerae neni kon iŋes elipi ayoŋ.

Ŋikiru. 40:7

Abu nai ayoŋ otema, “Ayai ayoŋ ne; igiritae aŋuna kaŋ lokitaabo ŋolo a ŋikisila ebe.

Ŋikiru. 45:2

Ibus iyoŋ erwosit akilo ŋikilyok daadaŋ; ejokak ŋakiro ŋuna irworo iyoŋ, aŋun, adau Akuj akiterereŋ iyoŋ ŋikaru ka ŋikaru.

Ŋikiru. 5:3

Okoe Ekapolon, ipupi iyoŋ etoil kaŋ a ŋina taparacu; akalimonokini ayoŋ iyoŋ a ŋina taparacu ŋuna acamit, ido edarununui egeno atemar aryamuni.

Ŋikiru. 88:13

Nai ekekaloik ayoŋ iyoŋ, okoe Ekapolon; elipi ayoŋ neni kon a ŋinataparacu.

Ŋakit. 12:25

Epedori akiyaloloŋ ayaun asiliyorit lotau a ituŋanan, nai epedorete ŋakiro ŋuna ka arimao akisimukekin ituŋanan.

Ŋakit. 15:23

Ani keboŋoki ituŋanan ŋakiro ŋuna iŋisitae iŋes erae ŋuna iyookino, eyakaun alelyanu neni a ŋinituŋanan, ejok akirot ŋina ikilimokinio atipei nyelunyara apaki.

Ŋakit. 25:11

Akirot ŋina elimunitoe epupo ejok, ikwaan ka egolid ŋolo iluŋiluŋitae ŋolo inaminamitae losilipa.

Isa. 28:19

Apaki daadaŋ ŋina eponiata ŋican ŋul neni kus, ikiarete iyes; anerae epote ŋican ŋul a ŋinataparacu ka a ŋinapaaran, epote ŋican ŋul neni kus naparan ka nakwaare. Ikibuli iyes ŋinapaki daadaŋ iyenuniata iyes ŋakiro ka Akuj.

Isa. 28:9

Ebasi ikes make, “Ŋae epedori Ekapolon akitatam aosou, ŋae epedori iŋes akisileerekin ŋakiro? Epedori iŋes akitiya ŋun neni a ŋidwe a ŋulu ariŋa epetoryo, neni a ŋulu ariŋa iteesikinio akinak.

Isa. 35:5

Eŋaaryo nai ŋakonyen a ŋimudukanotin ka eŋaaryo ŋaki a ŋikiŋimanotin;

Isa. 40:29

Einanakini epedor neni a ŋulu eleleny, einanakini agogoŋu neni a ŋulu emam apedor.

Isa. 50:10

Ŋae alokidiŋ kus itopoloorit Ekapolon ka ŋini iwuapit ŋakiro a eketiyan keŋ? Ŋae elosi anakiryonut ka ŋini emamukar akica? Emaikina ŋin kikinyom ekiro ŋolo a Ekapolon ka toyarikinite neni ka Akuj keŋ?

Isa. 54:13

Itatami Ekapolon ŋituŋa kon daadaŋ ka ebarete ŋituŋa kon nooi.

Isa. 8:16

Torucokina anakiteyenikineta, ŋikasyomak kaŋ,

Yer. 1:9

Abu nai Ekapolon kiopeu akan keŋ totap akituk kaŋ, tosodi okolimok ayoŋ tema, “Tokona adau ayoŋ akiwuakin ŋakiro kaŋ nakituk kon.

Yer. 31:25

Esieŋuni ayoŋ ŋulu eupit. Esimwoni ŋulu einaa akoro.”

Esek. 46:13

“Emaikina iŋes tolemu ikale ŋinimesek ŋini erae ekaru epei ŋini nyeŋwalit, ŋini erae ainakinet ŋina epeyo aŋuna ke Ekapolon a ŋinakoloŋit. Emaikina tolemununu ŋin a ŋinataparacu.

Mat. 11:28

“Potu neni kaŋ iyes daadaŋ ŋulu ikiupit aloticisyo kus ka aŋuna ka akiwokit ŋigogoso; ekesieŋuni ayoŋ iyes.

Mat. 13:54

tolot nakwap keŋ. Kitatam iŋes ŋituŋa alosinagoga, ido toumokis daadaŋ ŋulu eirarete ŋuna erworo iŋes temasi, “Ai keryamunia ekile lo aosou ŋina ikoni naga ka apedor ŋina itiyaa ŋakujuwuanisya nu?

Mat. 22:46

Emam ituŋanan ŋini abu toboŋok Yesu adiokirot, anyoun akoloŋit ŋin, emam ituŋanan ŋini abu totitinyik akiŋit iŋes ŋakiro ŋadi.

Luk. 21:15

anerae ayoŋ elope akainakini iyes ŋakiro ŋuna ka aosou ŋuna emam ipei daŋ alokidiŋ ŋikusimoe ŋini epedori akiloc, kori apegakin.

Luk. 4:22

Apotu ŋituŋa daadaŋ kipuro iŋes ka toumokis ikes a Ŋakiro a ŋuna Ajokak a ŋuna erworo iŋes temasi, “Meere nai lo lokoku a Yosepu a?”

Yoa. 7:46

Toboŋokis ŋisigarya ikes temasi, “Emam ekile ŋolo erwor ikoŋina irworor ekile ŋol!”

Ŋikis. 18:17

Abu nai Ekapolon okoboŋok ayoŋ tema, “Iyookinito ikes anakiro aŋuna irworosi.

Ŋikis. 18:18

Aseuni ayoŋ alokidiŋ kec ka aŋuna kec ekadwaran ŋolo ikwaan ka iyoŋ; alimokini ayoŋ ekadwaran ŋol ŋakiro kaŋ ka ebuni iŋes alimokin ikes ŋakiro daadaŋ ŋuna alimokini ayoŋ iŋes.