Isa. 50:2 - Ebaibul

² Kaanukiro amamukar idiotuŋanan apaki ŋina abunio ayoŋ? Kaanukiro pa aboŋokinio ayoŋ ituŋanan apaki ŋina anyarar ayoŋ? Emam mono ayoŋ apedor ŋina akalakunia iyes a? Kori emam mono ayoŋ apedor ŋina akaiunia iyes a? Kalimu ayoŋ akirot eoni anam, eturuwori ayoŋ ŋaŋololin aonite; etobosuni ayoŋ ŋikolya ŋulu eya tooma kec aŋuna icanakinotor ŋakipi idio totwaka aŋuna ka akure.

Isa. 50:2 Iomraidhean Croise

Akisy. 18:14

Eyai mono ibore ŋini etyono aneni ke Ekapolon a? Aboŋuni ayoŋ neni kon apaki ŋina itemokinitoe, apaki ŋina ejokunia ekaru ŋina ieteunio, apaki ŋin, eyakaunor Sara ikoku ŋinisapat.”

2 Ŋakiro a ŋirwa 32:15

Aŋun nai, nyicamut Esekia ikimodikini iyes, ikitabaŋaaniya iyes lopite ŋolo iyakatar tokona. Nyinupa ŋakiro keŋ, anerae mam akuj a akwap, kori a apukan ka adio ŋina alaku ŋituŋa keŋ anakan kaŋ, kori anapedor atapapaa kaŋ. Nai ŋuna a kire ikes nu, nyepedori Akuj kus ŋin alakun iyes anapedor kaŋ!”

Ŋikiru. 106:9

Abu Akuj kiyayak anam ŋina Areŋan, ido abu toono deu; abu Akuj kisitor Ŋisirael neni ecukul neni eonit deu, alopite a nolopei abu kisitor ikes naloŋisat.

Ŋikiru. 107:33

Abu Ekapolon kitoon ŋaŋololin deu, kituruwo ŋilelyan aonite neni icana ŋakipi.

Awos. 14:21

Kikyaa nai Moses akan keŋ kidiama Nanam, ido abu Ekapolon akuwar ŋin daadaŋ totub ŋakipi ananam, kitoon nen a ekuwuam a ŋolo akutunit alo Kide.

Awos. 14:29

Nai apotu Ŋisirael todoka Anam eonit neni alosyoto ikes ka erounito ikes ŋakipi esibit ŋarwatatain aloteten ka alokedyeny kec.

Awos. 7:18

Etwakete ŋikolya anaŋolol daadaŋ, ido ebosuni aŋolol tul, nyepedorete Ŋijipitian akimat ŋakipi a Nile nabo.”

Awos. 7:21

Totwaka ŋikolya anaŋolol. Tobosut ŋakipi anaŋolol tul, todaun Ŋijipitian epite ŋolomaset ŋakipi ŋun. Apotu ŋaokot toyakaun nakwap a Ijipit daadaŋ.

Ŋakit. 1:24

Akanyarit ayoŋ iyes ŋinapei aponare neni kaŋ, nai nyicamito iyes aponare, abu ayoŋ ekesican iyes, nai nyimyekina iyes akitiya aronis,

Isa. 11:15

Itooni Ekapolon ecileta ŋolo ka anam a Ijipit, iyakuuni Ekapolon ekuwuam ŋolo amwanan nooi kitoon aŋolol Eupurate, ido etyakatyakae iŋes aŋolol ŋin toruwor ŋayona ŋakanikaarei, iwuakini nen erot ŋolo epedorya ituŋanan atuboror elosi a ŋakejen.

Isa. 19:5

Edaun ŋakipi ananam ka eoni deu, ido ejoŋoe aŋolol Nile alel eoni deu,

Isa. 23:11

Ayeu Ekapolon anapedor keŋ akisican ŋulu eya nanam, etubul ŋapukasinei. Alimu Ekapolon ŋakiro ŋuna a Kanaan, atemar kinyasunae ŋaduketa keŋ ŋunajiet.

Isa. 36:20

Akuj ani alotooma ŋakujo daadaŋ ŋuna a ŋakwapin abu toiu ŋituŋa a akwap keŋ anapedor kaŋ, epedorya Ekapolon aiun ŋituŋa a Yerusalem anapedor kaŋ?’”

Isa. 41:28

Nai ani eŋoliyari ayoŋ inaa, mam ituŋanan eyai nen; mam ituŋanan alokidiŋ kec ŋini erae ekeŋarakiniton, ŋae abu okoboŋok ayoŋ ŋakiro apaki ŋina eŋitar ayoŋ.

Isa. 42:15

Amunaari ayoŋ ŋimoru ka ŋikamukumukui, esikwaanikini ayoŋ ŋaŋololin ka ŋiculeta, etooni ayoŋ ŋataparin.

Isa. 43:16

Alimu Ekapolon ŋolo abu koloŋ kiwuak erot kidiŋ anam, ŋolo abu kiwuak erot kidiŋ ŋakipi ŋuna alalak nooi,

Isa. 44:27

Ayoŋ alimokini nenicukul anakipi ebe, ‘Toon keu, etooni ayoŋ ŋaŋololin ŋuna eleleete neni kon;’

Isa. 51:10

Meere mono iyoŋ ibu kitoon anam ka kitoon ŋakipi ŋuna aya nenicukul nooi. Meere iyoŋ ibu kituruwo nenicukul a anam erot, ikotere ŋituŋa ŋulu ilakunit iyoŋ epedorete akiwuapakin a?

Isa. 54:6

Ikinyar iyoŋ Ekapolon esibit irae iyoŋ aberu ŋina eŋeritoe, ŋina iyaloloŋi alotau keŋ, esibit irae iyoŋ ateran ŋina iritari ekile eriŋa esorokana.

Isa. 59:1

Kiirasi, nyitamete atemar nyepedori Ekapolon alakun, kori nyepedori akiirar akigworo kus.

Isa. 59:16

Abu Ekapolon kiŋolik atemar emam ituŋanan epedori, abu iŋes tonyunyur iŋolikini atemar emam ituŋanan iŋarakini ŋulu isicanitae; aŋun, abu iŋes a apedor keŋ yau aiuno aŋuna keŋ ka abu akiyookino keŋ kiŋarak iŋes.

Isa. 63:13

Ŋae abu kisitor ikes nenicukul? Apotu ikes torubakis egogoŋ analoŋisat lopite ŋolo egogoŋio aŋole.

Isa. 64:6

Ikikwaanikin tokona isua ka ituŋanan ŋini nyeseg, ekwaanikin ŋiticisyo kosi ŋulu iyookino daadaŋ ka elou ŋolo eoŋoryana. Ikiiniya isua ikwa ŋakwii, ikiwokosi isua ŋasecisya kosi ikwa ekuwuam iwokori ibore.

Isa. 65:12

ekemyekini ayoŋ iyes ikiari alojie ka iryedikete iyes daadaŋ alokiŋaren ŋikaarak kus; anerae ipotu iyes nyikiboŋokis ayoŋ apaki ŋina akanyaritor ayoŋ iyes, ipotu iyes nyipupokis ŋakiro kaŋ apaki ŋina erworor ayoŋ neni kus, nai ipotu iyes kitiyata ŋuna aronok alokiŋaren kaŋ, ipotu iyes toseut akitiya ŋuna pa eketalakarito ayoŋ.”

Isa. 66:4

ayoŋ daŋ, aseuni ajamuwar ikes, ainakini ikes ibore ŋini ekerito ikes, anerae ani anyarae ayoŋ ikes, mam ŋini abu okoboŋok ayoŋ ŋakiro, ani esirworikini ayoŋ ikes, apotu ikes nyepupokis ŋakiro kaŋ, nai apotu ikes kitiyata ŋuna aronok alokiŋaren kaŋ, toseut akitiya ŋuna pa eketalakarito ayoŋ.”

Yer. 14:9

Kaanukiro ityaa iyoŋ esibit ituŋanan ŋini nyeyeni ŋuna emaikina kitiya, esibit ekajion ŋolo adedeŋan ŋolo emam ibore epedori akitiya akiŋarakin ŋituŋa keŋ? Toyai bo iyoŋ okoe Ekapolon, kidiŋ kosi, ido ikinyaritae iyoŋ isua a ekiro kon, nyikiesik isua!

Yer. 35:14

Apotu ŋituŋa kiwuapa akiciket ŋina abu Yonadab lokoku a Rekab tolimok ŋiletok keŋ atemar nyemata epiini, tari tokona nyemasete ikes epiini, anerae ewuapa ikes ŋakiro a papaa kec. Nai adau ayoŋ elope akirwor neni kus ŋarwa ŋuna alalak, ido nyiwuapa iyes ŋakiro kaŋ.

Yer. 35:15

Adau ayoŋ akiyakuun neni kus ŋiketiyak kaŋ ŋikadwarak daadaŋ, arubakinit eyakuununui ikes neni kus abala, ‘Iyes daadaŋ kimyekisi ŋiticisyo kus ŋulu aronok, kilocokisi ŋiticisyo kus ŋulu aronok ka nyiwuapa ŋakujo ŋace, nyitiyanakis ikes, ikotere iboiyete anakwap a ŋina abu ayoŋ okoinak iyes ka atapapaa kus.’ Nai nyiirara iyes ŋakiro kaŋ ka nyiwuapa acamit kaŋ.

Yer. 5:1

Okoe ŋituŋa a Yerusalem, tokera ilosete ka iboŋete alorotin a etaun kus, toŋoleŋolekisi, ido kiŋolikis, kiwara nalapatui a etaun kus kiŋolikis erae kipedorete aryamun idiotuŋanan ŋini itiyae ŋuna iyookino, ŋini iwarit ŋakiro ŋuna a kire, ikotere apedori ayoŋ akisyon Yerusalem.

Yer. 7:13

Tosodi tokona, aŋuna idauniata iyes akitiya ŋakiro ŋun daadaŋ ka aŋuna abunio ayoŋ eruwor neni kus ŋarwa ŋuna alalak, nai ipotu iyes nyiirasi ŋakiro kaŋ ka ani akanyarae ayoŋ iyes, ipotu iyes nyikiboŋokis ayoŋ,

Yer. 7:27

“Aŋun, Yeremia ilosi iyoŋ akirwor ŋakiro nu daadaŋ neni kec, nai nyecamunete ikes apupokin iyoŋ, inyarae iyoŋ ikes, nai nyikiboŋokinete ikes iyoŋ.

Yer. 8:6

Abu ayoŋ opupok ŋakiro kec acamit akiirar, nai nyirworosi ikes ŋakiro ŋuna iyookino, mam ituŋanan ekii aronis keŋ tolimu tema, ‘Anukiro etiya ayoŋ?’ Elosi ŋinituŋanan a erot keŋ lopite ŋolo eemya aŋole lojie.

Dan. 3:15

Tokona, ani kitenito iyes aryedik ka akilip neni a etorube a ŋolo etiyaunit ayoŋ, emaikina kitiyata ŋun apaki ŋina eruunio amomwara a emesek, apilu, aujiwij, aduŋgu, ebur ka ŋolo a ŋiboro a daadaŋ a ŋulu eore, ejokyata ŋun, nai ani pa kilipa iyes neni a etorube a ŋol, ikimasakinio iyes atipei nakim ŋina a ekitet ŋina erirae, anikuj epedori aiun iyes anapedor kaŋ?”

Dan. 3:29

Aŋun, alimu ayoŋ ŋakiro nu: Ituŋanan daadaŋ, kori ŋakwapin, kori ituŋanan a aŋajep adio, ŋulu iyanyete Akuj a Sadirak, Mesak ka Abedinego, etubutubooryo ŋakejen ka ŋakan ka ituworyo akai keŋ ŋamoru ŋuna etukosi koŋin, anerae emam akuj ace ŋina epedori alakun lopite lo.”

Dan. 6:20

Ani eapiyari iŋes nadui neni ayai Daniel, kiworou a etoil a ŋolo eyaloloŋi enyarit Daniel ebala, “Okoe Daniel, eketiyan a Akuj a ŋina eyari, ikiu iyoŋ Akuj kon ŋina itiyanakini iyoŋ anakikinyoma a? Ikiu iŋes iyoŋ aneni a ŋiŋatunyo a?”

Dan. 6:27

Ikilakuni iŋes ka ikiuni, itiyae iŋes ŋakujuwuanisya ka ŋaumonokineta anakuj ka anakwap; anerae aiu iŋes Daniel anapedor a ŋiŋatunyo.”

Osea 11:2

Ŋinapaki daadaŋ ŋina anyaraa ayoŋ Isirael apotu ikes kiyatakis akiŋer ayoŋ. Apotu ikes inanakis ŋamuronisya neni ata Baal ka ecunyete ekinyate neni a ŋakujo.

Osea 11:7

Ecamito jik ŋituŋa kaŋ akimyekin ayoŋ. Tari kenyarata ikes kaapei Ekapolon ŋolo eyai kidiama nooi, nyiŋarakini iŋes ikes jik alocan kec.

Naum 1:4

Iŋenyakini Ekapolon anam, ido kitoon, itooni iŋes ŋaŋololin daadaŋ. Eokiyorete ŋinya ka ŋikito alomoru Karimel ka alo Basan, einiyarete ŋatur a Lebanon.

Abak. 3:8

Okoe Ekapolon itoŋoit mono iyoŋ ŋaŋololin a? Ayai mono anyunyura kon naŋololin a? Arae mono anam ikitoŋoit iyoŋ nooi apaki ŋina imyaarya ŋagaari ŋuna ke ejie akilounia ŋimoe kon a?

Ekim. 11:23

Toboŋok Ekapolon Moses tema, “Edit mono apedor ke Ekapolon a? Iŋolikini iyoŋ tokona, kiyookin ŋakiro kaŋ, kori pa kiyookin.”

Mar. 4:39

Tokienyu iŋes, kiretak ekuwuam, tolimok anam tema, “Todipakin! Kinapakin!” Todipakin ekuwuam, kililiŋ akwap cek.

Yoa. 1:11

Abu iŋes bu lore keŋ, nai apotu ŋituŋa keŋ nyijaut iŋes.

Yoa. 3:19

Atubokino iŋes na ebe: abu akica bu nakwap, nai aminasi ŋituŋa akiryonut akilo akica, anerae aroko ŋuna etiyaete ikes.

Yos. 3:16

totubos ŋakipi, towua aiwapei aneni alwanan, alotaun a ŋolo anyaritae Adam, a ŋolo ebakasi ka Saretan. Tosodo ŋakipi ŋuna aleleete lowae ŋolo ka anam a ŋina enyaritae ŋina Atwan, totubos. Todokasi nai ŋituŋa ekekwaye aŋolol Yorodan alowae a ŋolo iteosi ka Yeriko.