Isa. 50:10 - Ebaibul

¹⁰ Ŋae alokidiŋ kus itopoloorit Ekapolon ka ŋini iwuapit ŋakiro a eketiyan keŋ? Ŋae elosi anakiryonut ka ŋini emamukar akica? Emaikina ŋin kikinyom ekiro ŋolo a Ekapolon ka toyarikinite neni ka Akuj keŋ?

Isa. 50:10 Iomraidhean Croise

2 Sam. 22:29

Okoe Ekapolon, irae iyoŋ etaa kaŋ; isileereununui iyoŋ Ekapolon ŋuna nyileerete anakiyar kaŋ.

1 Ŋakiro a ŋirwa 5:20

Abu Akuj kiŋarak ikes akitijiore ŋituŋa ŋul, kimyek Akuj Ŋiagiri ka ŋulu ariitotor ereunio, anerae apotu ŋikajiok ŋulu adedeŋak ŋul kilipa neni ka Akuj alojie, ido abu Akuj inak ikes akiloun aŋuna ekinyomitotor ikes Akuj.

2 Ŋakiro a ŋirwa 20:12

Okoe Akuj kosi! Kisican ikes, anerae nyikipedori isua akitijiore ŋasigarya ŋuna alalak nooi ŋun, ŋuna eponito akitijiore isua. Nyikiyeni isua ŋuna kitiyakina, nai ikigeno isua neni kon.”

2 Ŋakiro a ŋirwa 20:20

Tonyout ŋituŋa a Yudaya ka ŋituŋa a Yerusalem taparacu sek, toloto naloŋisat ŋina a Tekoa, ani erotokinete ikes, towo Yeosapat tema, “Kiirasi ŋakiro kaŋ, iyes ŋituŋa a Yudaya ka ŋituŋa a Yerusalem. Tonupa neni ke Ekapolon Akuj kus, ikotere torubakis ititiny; tonupa ŋakiro ŋuna irworosi ŋikadwarak keŋ, ikotere ilounete ŋimoe kus.”

Yob 13:15

Kiirasi akaari ayoŋ Akuj; mam akigeno ayakar ayoŋ, nai alimori ayoŋ alokiŋaren keŋ epite ŋolo etiyator ayoŋ emam asecit.

Yob 29:3

apaki ŋina eketerereŋitor ayoŋ Akuj, apaki ŋina alosyo ayoŋ eketoodikinit iŋes ayoŋ neni etori anakiryonut;

Ŋikiru. 111:10

Akitopoloorit Ekapolon, iŋes erae akisyakinet ŋina ka aosou; ŋituŋa daadaŋ ŋulu iwuapito ŋakiciketa ke Ekapolon, eyakatar ayenut ŋina ajokan. Kipuroe Ekapolon ŋikaru ka ŋikaru!

Ŋikiru. 128:1

Elakara ituŋanan daadaŋ ŋini itopoloorit Ekapolon, ŋini iwuapit ŋakiro a Ekapolon.

Ŋikiru. 145:21

Aeikini ayoŋ ekipur neni ke Ekapolon; emaikina ŋisubuna daadaŋ kipuro ekiro keŋ ŋolo asegan ŋikaru ka ŋikaru.

Ŋikiru. 23:4

Tari kalosi ayoŋ anakadipaalat a ŋinakiryonon cuc, nyakuryani ayoŋ atemar akawanio; anerae ikirukit ayoŋ ka iyoŋ ka akaiunito ayoŋ abiro ka ebela kon.

Ŋikiru. 25:12

Ikes ŋulu itopoloorito Ekapolon, itatamikini Ekapolon ikes erot ŋolo emaikina ikes toseut.

Ŋikiru. 25:14

Erae Ekapolon ekone a ŋulu itopoloorito iŋes, ido itatamununui Ekapolon ikes acamunet keŋ.

Ŋikiru. 28:7

Ekapolon iŋes agogoŋu kaŋ ka aupal kaŋ; neni keŋ iŋes ekinyomit ayoŋ a etau kaŋ a daadaŋ; aŋun, ekeŋarakinit ayoŋ Ekapolon, ido elelyani etau kaŋ, tosodi a eete kaŋ, alakar ayoŋ neni keŋ.

Ŋikiru. 42:11

Abu ayoŋ eŋis bon alotau kaŋ otema, “Kaanukiro ilelebar akiyaloloŋ lotau kaŋ? Kaanukiro aryebar ayoŋ alotau kaŋ? Ewuakini ayoŋ akigeno kaŋ neni ka Akuj, ido epuri nabo ayoŋ iŋes, ŋina erae akaiunan kaŋ ka Akuj kaŋ.”

Ŋikiru. 62:8

Okoe ŋituŋa kikinyoma Akuj; anerae Akuj iŋes erae akaiunan yok.

Ekal. 12:13

Ekaku a ŋakiro a ŋun a daadaŋ, eyai ibore ipei bon ŋini emaikina kiyatakinae, kitopoloorite Akuj ka kiwuapite ŋakiciketa keŋ, anerae erae ŋun ŋuna emaikina ŋinituŋanan kitiya.

Isa. 10:20

Akoloŋit ŋin, nyikinyomete nabo ŋipiya a Ŋisirael ka ŋulu aponi nyeari aloletok a Yakob ekepukan ŋolo abu toar ikes, nai epote ikes akikinyom anakiro a ŋuna a kire Ekapolon, Akuj ŋina asegan ŋina a Isirael.

Isa. 12:2

“Kire jik, erae Ekapolon ekaiunan kaŋ; ekinyomi ayoŋ iŋes ka nyakuryaniar ayoŋ, anerae erae Ekapolon Akuj agogoŋu ka apedor kaŋ; iŋes erae ekaiunan kaŋ,

Isa. 26:9

Ekeitanit ayoŋ iyoŋ nakwaare, ikiwarit iyoŋ etau kaŋ eŋirikinit nooi; anerae ani iyauni iyoŋ ŋikisila kon nakwap, eyeunete ŋituŋa ŋulu iboiyete anakwap ŋuna ka akiyookino.

Isa. 42:1

“Eketiyan kaŋ lo ŋolo etogogoŋit ayoŋ, eseuna kaŋ, ŋolo elelyakinit etau kaŋ. Ewuak ayoŋ etau kaŋ neni keŋ; eyauni iŋes akiyookino lotuŋa a ŋakwapin.

Isa. 50:4

Akainaki Ekapolon Akuj ayoŋ apedor ŋinakitatamet ikwapei eketataman, ikotere apedorya akisirworiunia ŋulu apapanut anakiyar kec. Aŋinataparacu eketonyoununui iŋes ayoŋ, akainanakini iŋes ayoŋ akitemokin akiirar ŋakiro ikwa ŋulu itatamyo.

Isa. 53:11

Kedau iŋes akidaŋidaŋ ŋican, eryamuni iŋes alelyanu nabo, eyenuni iŋes anaosou keŋ atemar pa abu oryamu ŋican ikoŋin. Ituruwori eketiyan kaŋ ŋolo iyookino ŋikalalak ŋulu iyookino ka iwuoki iŋes aronis kec.

Isa. 59:9

Aŋun, elwaka aneni kosi ŋakiro ŋuna ka akiyookino, nyeryamununio isua ŋakiro ŋuna ka akiyookino. Ikiitanit isua ayenun ŋakiro ŋuna a kire, nai erae ŋakiro daadaŋ abaŋao bon. ikitanit isua akitiya ŋakiro a alakara, nai ikilosi isua ikiyaloloŋi.

Isa. 8:17

Edarit ayoŋ Ekapolon ŋolo iwuait ereet keŋ aneni a ŋituŋa a Yakob ka egenokin ayoŋ neni keŋ.

Isa. 9:2

Eŋolikis ŋituŋa ŋulu sek ayakasi nakiryonut akica ŋina apolon. Acaiki akica ŋituŋa ŋulu sek eboiyete anakiryonut a ŋinakiryonon cuc.

Aum. 3:2

Abu Akuj okoya ayoŋ oloma nakiryonut neni amam akica.

Dan. 3:28

Tolimu nai Nebukadinesar tema, “Kipuroe Akuj a Sadirak, Mesak ka Abedinego, ŋina abu kiyaku emalaika keŋ alakun ŋiketiyak keŋ ŋulu apotu kikinyoma iŋes. Apotu ikes nyiwuapa ŋuna alimunit erwosit ka apotu tojala ŋawat kec, nyecamut akitiyanakin ka akilip neni ka akuj ka ace mati Akuj kec.

Naum 1:7

Ejok Ekapolon, eiununui iŋes ŋituŋa keŋ apaki ŋina eyakatar locan, eiununui iŋes ŋituŋa ŋulu eemete neni keŋ,

Sepan. 3:12

Nai emyekini ayoŋ aneni kus, ŋituŋa ŋulu itiditeuna ka ŋulu iyapara, ŋituŋa ŋulu iwarete aiuno aneni kaŋ a Ekapolon.

Agai 1:12

Abu nai Serubabel lokoku a Sealtiel ka Yosua esacaradoti ŋolo Apolon nooi, lokoku a Yeosadak kaapei ka ŋituŋa daadaŋ ŋulu kideuna erikoryo ŋuluce nakwapin a ŋimoe kec, tocamut ŋakiro ŋuna erworo Ekapolon Akuj kec ka ŋuna erworo ekadwaran Agai; ikwapei arisyo Ekapolon Akuj kec kiyaku iŋes. Tokuryaketa ŋituŋa aŋuna ke Ekapolon.

Mal. 3:16

Apotu nai ŋituŋa ŋulu ekerito Ekapolon kirworiut make, ido abu Ekapolon topupok ŋuna erworosi ikes, kiira ŋakiro kec. Aponi kigirae lokitaabo alokiŋaren Ekapolon, ŋakiro a ŋulu ekerito Ekapolon ka ŋuna a ŋulu itopoloorito ekiro keŋ.

Yoa. 12:46

Abu ayoŋ nakwap na arae akica, ikotere ŋini akanupi ayoŋ, nyidoŋ nakiryonut.

Yoa. 8:12

Kirwor nabo Yesu neni kec tema, “Arae Ayoŋ akica ŋina ka akwap; ŋini ekewuapakini ayoŋ, nyelomari nakiryonut, nai eryamuni akica ŋina ka akiyar.”

Ŋiep. 5:8

Iyakasi paaran sek iyes nakiryonut, nai aŋuna ka akimorikina kus ka Ekapolon, iyakasi tokona iyes nakica. Aŋun, itemokino iyes kiboiyete ikwa ŋituŋa ŋulu erae ŋulu ka akica,

Ŋibur. 5:9

Ani kituruwor iŋes ŋolo iyookino kire, abu toruwor ŋolo eyauni aiuno ŋina nyedaun neni a ŋulu daadaŋ ekerito iŋes;

1 Pet. 5:7

Yaasi ŋatyokisyo kus daadaŋ neni keŋ, anerae ikiyoki iŋes iyes.

1 Sam. 30:6

Toyakaun Daudi locan ŋulu apolok nooi, anerae apotu ŋikajiok ŋulu arukito ka iŋes tolimut atemar ikicaki iŋes a ŋamoru. Arae ŋun aŋuna aŋoitotor ŋituŋa ŋul nooi aŋuna a ŋidwe kec a ŋulusapa ka ŋulupesur. Nai abu Akuj Ekapolon a Daudi inak iŋes atitinyu.