Isa. 5:29 - Ebaibul

²⁹ Irurumaete ikes ikwa eŋatuny, irurumaete ikes ikwa ŋiŋatunyo ŋulusorok ŋulu iiligakinete, ido kikamut etyaŋ ŋolo enyamete ikes, ido kiwokosi iŋes a nen yaasi neni nyepedorere ademar ikes.

Isa. 5:29 Iomraidhean Croise

Akisy. 49:9

Ikwaanikin iyoŋ Yuda ka itaok a eŋatuny, iboŋuni iyoŋ ikoku kaŋ, anibore a ŋini iari iyoŋ. Ikwaanikin iyoŋ ka eŋatuny, iriyori iyoŋ akuwan toper; ikwaanikin iyoŋ ka aŋatuny, emam ŋini ikatakini akitoŋo iyoŋ.

Ŋikiru. 50:22

“Totamatamata ŋakiro ŋun, iyes idaut ajamuwar ayoŋ, ani kemam, akamunyari ayoŋ iyes, emam ituŋanan ikiuni.

Isa. 10:6

Eyakiyari ayoŋ ŋituŋa ka Asiriya akirem ŋituŋa ŋulu nyiwuapito ŋakiro ŋuna ka Akuj. Alimokini ayoŋ ikes toremo ŋituŋa ŋulu anyunyurikina ayoŋ, kiwoko ŋiboro kec ka toŋatasi ŋiboro kec ka kipudata ikes lopite ŋolo ipudaere aoret alorotin a etaun.

Isa. 31:4

Abu Ekapolon okolimok ayoŋ tema, “Ikwaŋina ipopolaa eŋatuny, kori eŋatuny ŋolosorokit alokidiama ityaŋ ŋini adau akikamun, ŋolo ani tari kenyaraun ŋikeyokok ŋulu alalak akiar iŋes, nyeryaŋakin aŋuna ke ecelet a ŋikeyokok, kori nyesuro aŋuna a ecelet kec, aŋun ebuni Ekapolon ŋolo a ŋajoresyo ajiore alo Sion, ajiore anaitae a ekamukumukut Sion.

Isa. 35:9

Mam eŋatuny eyakaun nen, kori mam etyaŋ edio ŋolo adedeŋan emekini erot ŋol; nyeryamunio ikes a nen, nai ŋulu elakunitae elosete alorot a ŋol.

Isa. 42:22

Nai arae ŋituŋa keŋ ŋulu akokoiyaritae ka aŋataritae, arae ikes daadaŋ ŋulu agolokinitoe napanya ka ewuaitae alojerae; apotu ikes toruwor akimuj a ŋityaŋ todaun ŋini eiuni, apotu ikes toruwor ŋiŋatanara todaun ŋini etemari, “Kinyakasi ikes.”

Isa. 47:15

Ikote nen aneni kus ŋituŋa ŋulu ipotu iyes inakinos neni kec, ŋituŋa ŋulu itiyata iyes ka agogoŋu neni kec ŋinapei anasoroko kus, erae ikes daadaŋ ŋulu edyakarito, emam ŋini ikiuni iyes.

Yer. 2:15

Erurumata ŋimoe kec neni kec esibito ŋiŋatunyo, erurumata ŋimoe kec ecelasi nooi. Eturuwosi akwap a Ŋisirael acaryoit, enyasun ŋitaunio kec, mam ituŋanan iboi alotooma kec.

Yer. 4:7

Elomunit anakibois keŋ ekenyasunan ŋakwapin lopite ŋolo elomunia eŋatuny anamoni, aloma iŋes anakibois keŋ akituruwor akwap kus acaryoit; eruwor ŋitaunio kus ŋulu inyasunitae, ŋulu emam ŋituŋa iboiyoto.

Yer. 49:19

Lopite ŋolo elomunia eŋatuny anamoni a Yorodan toloma neni edakasi ŋibaren, abuni ayoŋ neni a Ŋiedomi erita ikes pa etenito, ido aseuni ayoŋ ŋini acamit ayoŋ kipuka akwap kec. Ŋae ikikwaan ka ayoŋ? Ŋae epedori akisitakin ayoŋ? Alikepukan epedori akitijiore ayoŋ?

Yer. 50:17

“Ikwaan ŋituŋa a Isirael ka ŋamesekin ŋuna irisito ŋiŋatunyo. Ekiŋaren abu erwosit ka Asiriya toar ikes, ido ekaku amunya ikes erwosit Nebukadinesar ŋolo a Babilon.

Yer. 51:38

“Irurumaete ŋituŋa a Babilon kaapei ikwa ŋiŋatunyo, eruunete ikwa ŋitak a eŋatuny.

Osea 11:10

Iwuapakinete ikes Ekapolon, irurumakini Ekapolon lopite ŋolo irurumaa eŋatuny, ani irurumakini iŋes, epote ŋidwe keŋ alo To neni keŋ emaranete.

Amos 3:8

Erurumak eŋatuny, ŋae nyebuli? Erworik Ekapolon Akuj, ŋae nyepedori akidwar?

Mika 5:8

Alokidiŋ ŋakwapin eyakaun ŋipiya a Yakob, eyakaun ikes kidiŋ ŋituŋa ŋulu alalak, ededeŋiata ikwa eŋatuny alokidiŋ ŋityaŋ ŋulu ka amoni, ikwaanikin ka iŋatuny ŋini eyai kidiŋ esipan a ŋamesekin, ŋini ani eporokini amesek, iimakini kwap toryeta ka tonyilinyiliya, todaun ikaiunan amesek.

Naum 2:11

Ai tokona eyai Ninepe, etaun ŋolo sek agogoŋ esibit neni iboiyoto ŋiŋatunyo esibit adui a ŋitak a ŋiŋatunyo, adui ŋina eboiyoto ikes tomam ŋini isicani

Sepan. 3:3

“Irurumaete ŋikapolok ŋulu eya tooma keŋ ikwa ŋiŋatunyo; ikwaan ŋikatubok keŋ ka ŋipeei ŋulu ka ataboŋ ŋulu emam ibore imyekinete mati kiwala akwap.

Sakar 11:3

Kiirasi epite ŋolo igworotor ŋikeyokok; anerae amunaar ŋadakarisinei kec ŋuna alibak! Kiirasi epite ŋolo irurumaata ŋiŋatunyo; anerae amunaar amoni ŋina sek eyakasi ikes, ŋina alodiye aŋolol a Yorodan!

Ekim. 24:9

Apero ikes alokwap lopite ŋolo eperyo eŋatuny, lopite ŋolo eperyo aŋatuny edapit ibore, ŋae epedori akitonyoun ikes? Erereŋ ŋituŋa daadaŋ ŋulu ikiterereŋete iyes, icenen ŋituŋa daadaŋ ŋulu ikicenete iyes.”