Isa. 5:26 - Ebaibul

²⁶ Iwuakini Ekapolon akitoodikinet ŋina enyaraa ŋituŋa a akwap a ŋina alwanan, ekutakini iŋes ekapiriicit tonyarau ŋituŋa anakisaleta a akwap, ido epote ŋul iwonyete atipei ka ekerete!

Isa. 5:26 Iomraidhean Croise

Ŋikiru. 60:4

Idau iyoŋ akiwuakin emacar aŋuna a ŋulu ikitopoloorito iyoŋ, emacar ŋolo eiunotor ikes apaki ŋina a ŋinyas.

Ŋikiru. 72:8

Elipi kipuka iŋes ameun ananam a ŋinace tari ŋinace ka ameun anaŋolol Eupurate tari nakisalet a akwap.

Isa. 10:3

Anukiro ipote iyes akitiya akoloŋit ŋina ikisicanere iyes, akoloŋit ŋina ikidolokinioto iyes ŋican ŋulu eponito aneni alwanan? Neni a ŋae iemete iyes aryamun akiŋarakino ka ai imyekiniata iyes ebari kus,

Isa. 11:12

Eyauni Ekapolon akitoodikinet aŋuna a ŋituŋa a ŋakwapin, ecunakini iŋes ŋituŋa a Isirael ŋulu ielara, ecunakini iŋes ŋituŋa a Yudaya ŋulu eelar; ecununi iŋes ikes alowaetin a ŋuluomwon a akwap a daadaŋ.

Isa. 13:2

kikyaasi abendera ŋina ke ejie alokamukumukut a ŋolo emam ŋikito, tocelutu neni a ŋasigarya kus; kikyaasi ŋakan kus itoodiunito atemar tolomasi ikes alopukei a ŋikapolok.

Isa. 13:3

Adau ayoŋ akicik ŋasigarya kaŋ ŋunaseuna, adau ayoŋ anyaraun ŋikajiok kaŋ kisiyookis anyunyura kaŋ, ŋikajiok kaŋ ŋulu elelyanete aŋuna ka akiloun.

Isa. 13:4

Kiirasi ecelet ŋolo ebunit alomoru esibit ecelet a ŋituŋa a ŋulu alalak, kiirasi ecelet a ŋituŋa a ŋapukasinei ecelet a ŋakwapin aŋuna ecunasi nakibois apei! Esubanakini Ekapolon ŋolo a ŋajoresyo ŋasigarya aŋuna ke ejie.

Isa. 13:5

Eponito ikes anakwapin a ŋuna alwanak, anakisaleta a akwap, ebunit Ekapolon enyunyura eyakar ŋiboro ŋulujiet ka akinyasun akwap a Babilon daadaŋ.

Isa. 18:3

Iyes ŋituŋa daadaŋ ŋulu iyakasi nakwap, iyes ŋulu iboiyete anakwap, ani ikyaaryo abendera alokidiama emoru, emaikina iyes kiŋolikis ani ekutakinio amomwara a emesek, emaikina iyes topupokis!

Isa. 30:16

ido tolimut temasi, “Mam, nyikiemi isua ikidokit ŋaŋolei.” Aŋun iemete iyes! ido temasi nabo, “Ikiemi isua edokitae ŋaŋolei ŋuna apiranak.” Aŋun, ikiwuapete iyes ŋimoe kus ekerete akilo iyes!

Isa. 31:9

Eritakin aduketait kec ŋinajiet aŋuna ke ekabule kec, eemete ŋikapolok kec kimyekis ŋabenderae a nen. Alimu Ekapolon ŋun, Ekapolon ŋolo ilipyo neni keŋ alo Sion ka ŋolo enokia akim keŋ ŋina a ŋamuronisya alo Yerusalem.”

Isa. 39:3

Bu nai ekadwaran Isaya neni a erwosit Esekia, kiŋit tema, “Ŋakiro a nu irworosi ŋituŋa ŋul? Ai aponiata ikes neni kon?” Toboŋok Esekia tema, “Eponito ikes neni kaŋ anakwap a ŋina alwanan nooi, a ŋina enyaritae Babilon.”

Isa. 7:18

“Akoloŋit ŋin, ekutakini Ekapolon ekapiriicit anyaraunia Ŋijipitian, potu anakisaleta a ŋaŋololin a Ijipit elalak nooi esibito ŋicuc ka enyarauni ŋituŋa ka Asiriya potu elalak nooi esibito ŋicuc a ao.

Yer. 4:13

Topupokisi! Ebunit Ekapolon lopite ŋolo eponiata ŋidouwon, eponito ŋagaari keŋ ekerete ikwa ekuwuam ŋolo ipiripiri ekusi, epiraka ŋaŋolei keŋ akilo ŋigolei. Utukui iwon! Enyasunoi iwon!

Yer. 5:15

Okoe ŋituŋa a Isirael, eyakuuni ayoŋ neni kus ŋituŋa ŋulu ka akwap a ŋina alwanan, erae ikes ŋituŋa ka akwap a ŋina agogoŋon ka ŋinaŋorot, erae ikes ŋituŋa ŋulu nyiyenete iyes aŋajep kec, kori nyipedorete iyes ayenun ŋakiro ŋuna irworosi ikes.

Yer. 51:27

Kikiasi abendera anakwap, tokutakisi amomwara a amesek alokidiŋ ŋakwapin, kitemokisi ŋituŋa a ŋakwapin aŋuna ka akitijikin Babilon, tonyarautu aŋuna keŋ ŋituŋa a ŋapukasinei a nu: Ararat, Mini ka Asikenas. Toseutu aŋuna keŋ ekarikon a ŋajorei; tocunutu aŋuna keŋ ŋaŋolei ŋuna alalak ŋuna etya emaase.

Aum. 4:19

Apiraka nooi ŋituŋa ŋulu ikirisito isua, apiraka nooi akilo tari ŋigolei ŋulu iuwaunun alokidiama. Apotu ikes ikiritut isua alokidiama ŋikamukumukui. Apotu ikidapa isua analoŋisat.

Esek. 38:17

“Alimu Ekapolon Akuj atemar, meere mono iyoŋ erworo ayoŋ ŋakiro kon paaran aneni a ŋiketiyak kaŋ a ŋikadwarak alo Isirael a? Apotu ikes ŋirwa ŋul todwara ŋakiro alotooma ŋikaru ŋulu alalak, tolimut atemar akayauni ayoŋ iyoŋ akirem Ŋisirael.

Yoel 2:7

Icodokini iŋes akwap ikwa ŋikajiok; edokakini iŋes ŋarwatatain ikwa ŋisigarya. Elosi iŋes daadaŋ kiŋaren jik, nyeriyenene iŋes,

Abak. 1:8

Epiraka nooi ŋaŋolei kec akilo ŋirisae, ededeŋ nooi akilo neni ededeŋiata ŋipeei ŋisaae ŋulu ka ataboŋ, icurosi ŋaŋolei kec ipudaete akwap nooi. Eponeneete ŋikametok ŋaŋolei kec anakwapin a ŋuna alwanak. Iuwaunun ikwa egole ecamit akinyam ibore.

Sakar 10:8

“Anyarauni ayoŋ ŋituŋa kaŋ, ido ocunak ikes daadaŋ nakwap kec. Aiuni ayoŋ ikes, ido etipituni ikes, tolalata ikwapei sek ayakatar.

Mal. 1:11

Itopoloorete ŋituŋa a ŋakwapin ekiro kaŋ taparacu ka eboŋ. Alotooma ŋinakibois daadaŋ, eyaunete ŋituŋa ekinyate ka ŋainakineta ŋuna ajokak neni kaŋ, anerae epol ekiro kaŋ anakwapin.

Ŋikis. 28:49

Eyauni Ekapolon ŋituŋa ŋulu ikitijikinete iyes ŋulu ka akwap a ŋina alwanan a ŋina eyai lokisal a akwap, eyauni Ekapolon ŋituŋa ŋulu nyipupete iyes aŋajep kec, iuwaun ikes neni kus lopite ŋolo iuwaunor egole kwap.