Isa. 5:25 - Ebaibul

²⁵ Aŋun, abu aŋoit ŋina a Ekapolon toyakaun lotuŋa keŋ, ka abu akisican ikes a apedori keŋ, apotu ŋimoru tomaranikis, kikokis ŋawat a ŋituŋa a ŋulu atwakito alorotin etukosi ŋatunyeny. tari ŋina aponiata ŋun kitiyakin, ariŋa Ekapolon eŋoikinit ikes ka arubakinit jik isicani ikes.

Isa. 5:25 Iomraidhean Croise

1 Ŋirw. 14:11

Enyamete ŋiŋokwo ŋituŋa a Yeroboam ŋulu etwanikinete lotaun, ido enyamete ŋikyeny ŋulu eporete ŋituŋa ŋulu etwanikinete nariet; anerae adau Ekapolon alimun ŋun.’

1 Ŋirw. 16:4

Enyamete ŋiŋokwo ŋituŋa a Baasa ŋulu etwanikinete lotaun, ido enyamete ŋikyeny ŋulu eporete ŋituŋa ŋulu etwanikinete nariet.”

1 Ŋirw. 21:24

Enyamete ŋiŋokwo ituŋanan ka Aab daadaŋ ŋini etwanikini tooma etaun ka enyamete ŋikeny ŋulu eporete ituŋanan keŋ daadaŋ ŋini etwanikini nariet.”

2 Ŋirw. 13:3

Abu Ekapolon tolili nooi neni a Ŋisirael, tosodi tocamak Asael erwosit ka Aram ka Benadad lokoku keŋ akilounun Ŋisirael a ŋina paki.

2 Ŋirw. 9:37

Iledario akuwan a Yesebel alo Yesireel kikok aoret, ido todaun epite ŋolo eyenunia ituŋanan idio atemar erae iŋes Yesebel.’ ”

2 Ŋakiro a ŋirwa 36:16

Nai apotu ikes tokienatar ŋikadwarak ŋulu ka Akuj, toŋero ŋakiro ka Akuj ŋuna erworosi ŋikadwarak ka tojamuwasi ŋikadwarak ŋulu ka Akuj akitodol ŋina abunio anyunyura ka Akuj ŋina apolon nooi lotuŋa keŋ ŋul, todaun epite ece ŋolo eiunotor ikes.

Yob 9:13

“Erae iŋes Akuj ŋina nyejoŋoenene anyunyura, ijuuruyete alokwap keŋ tari ŋikeŋarakinitok a Raab.

Ŋikiru. 106:40

Aŋun, abu Ekapolon toŋoik ŋituŋa keŋ, abu Ekapolon toŋer ŋituŋa keŋ.

Ŋikiru. 114:7

Emaikina iyoŋ akwap tomaranik ebuni Ekapolon, emaikina iyoŋ tomaranik ebuni Akuj a Yakob,

Ŋikiru. 18:7

Abu nai akwap tomaranik ka kiryaŋiryaŋakin; apotu ŋawoeta a ŋimoru daŋ tomaranikis ka kiryaŋiryaŋakin anerae abu Akuj toŋo.

Ŋikiru. 68:8

abu akwap tomaranik, tobukunos ŋakirusyo alokidiama, alokiŋaren Akuj, Akuj ŋina a Sinai, alokiŋaren Akuj, Akuj ŋina a Isirael.

Ŋikiru. 77:18

Aponi kiirarae agiro kon alokuwuam a ŋolo akusi nooi. abu akimilyaunet kon kinwak akwap; abu akwap tomaranik ka kiryaŋiryaŋakin.

Ŋikiru. 78:38

Nai arae Akuj ŋina esyonon; abu kisyoni aronis kec, ido abu nyemunya ikes; abu a ŋinapaki kililiŋia aŋoit keŋ, ido abu nyenyunyurikin ŋituŋa keŋ.

Ŋikiru. 83:10

Ibu iyoŋ tomunya ikes alo En-Dor, apotu ikes tobosikis neni, toruwor ŋalup.

Awos. 7:19

Tema Ekapolon neni a Moses, “Tolimok Aron ebe, ‘Ya ebela kon toramya ŋakipi ŋuna eya Ijipit: Ŋakipi a ŋaŋololin, ŋakipi a ŋakitelesyo, ŋakipi a ŋataparin ka ŋuna a ŋakare daadaŋ, ikotere ŋakipi ŋun daadaŋ toruwor ŋaokot. Epete ŋaokot neni eya ŋakipi anakwap a Ijipit daadaŋ, epete tari loboro ŋulu itiyaunitae a ŋakito ka a ŋamoru.’ ”

Isa. 10:4

ikotere nyijoro aneni eya ŋienan, kori nyitwanikis neni a ŋulu earitae? Tari kitiyakina ŋun, eriŋa Ekapolon eŋoikinit Ŋisirael, eriŋa iŋes erubakinit isicani ikes.

Isa. 10:6

Eyakiyari ayoŋ ŋituŋa ka Asiriya akirem ŋituŋa ŋulu nyiwuapito ŋakiro ŋuna ka Akuj. Alimokini ayoŋ ikes toremo ŋituŋa ŋulu anyunyurikina ayoŋ, kiwoko ŋiboro kec ka toŋatasi ŋiboro kec ka kipudata ikes lopite ŋolo ipudaere aoret alorotin a etaun.

Isa. 14:19

nai ikimasar iyoŋ neni alwanan analyal kon lopite ŋolo imasarere ateni ŋina aronon. Erapitae akuwan kon a ŋawat a ŋituŋa a ŋulu aponi torae a ekileŋ a ŋulu emasar namoru ŋuna alotooma akipany, ikwaanikin iyoŋ ka alyal ŋina ipudaete ŋituŋa elosete.

Isa. 23:11

Ayeu Ekapolon anapedor keŋ akisican ŋulu eya nanam, etubul ŋapukasinei. Alimu Ekapolon ŋakiro ŋuna a Kanaan, atemar kinyasunae ŋaduketa keŋ ŋunajiet.

Isa. 25:11

Tari kikeut ikes ŋakan kec anakipany lopite ŋolo epetaritotor ŋikekwaŋak ŋakan kec anakipi ikwaŋete; elemaryo akituro kec tari kikatakinito ikes aiun a ŋakan kec.

Isa. 29:2

Kikote neni daŋ esicani ayoŋ Ariel, eyakaun nen akigworo ka akiwolol, ikwaanikin Yerusalem aneni kaŋ ka Ariel.

Isa. 42:25

Ŋakiro ŋun ikes ainakinete iŋes anyunyurikin iwon nooi ka akiteryenyaanikin ŋimoe alojie; apotu ŋakiro ŋun inakis iŋes akiteryenyaanikin iwon ŋimoe alowaetin a daadaŋ, nai aponi iwon nyeyenun ŋun; apotu ŋun ikimunyasi iwon, nai aponi iwon nyeyenun ŋadi daŋ.

Isa. 51:20

Eyalaar ŋidwe kus, eperete anakisaleta a ŋirotin a daadaŋ a ŋulu ke etaun ikamunitae ikes lopite ŋolo ikamunitor auno elob. Eŋoikinit Ekapolon ikes, eŋenyak Akuj kus ikes.

Isa. 64:3

Apaki ŋina itiyaa iyoŋ ŋiticisyo ŋulu etubulok, ŋulu pa atamakinitae isua atemar itiyakini iyoŋ, ibu iyoŋ totiyaun kwap, apotu ŋimoru tomaranikis ikiŋolikinete iyoŋ.

Isa. 66:15

Ebuni Ekapolon ecai ikwa a akim ka epote ŋagaari keŋ ŋuna iritae a ŋaŋolei ekerete ikwa ekuwuam ŋolo ipiripiri, ebuni iŋes anaŋoit keŋ enyunyura ka eyakaun akisicanet keŋ ikwaan ka arira.

Isa. 66:24

Tosodi elomarete ikes kiŋa kiŋolikis ŋawat a ŋituŋa a ŋulu etwakito a ŋulu apotu okoŋero ayoŋ, anerae nyetwakete ŋikur ŋulu enyamete ikes ka nyituduŋeo akim kec, eruworosi nai ikes ŋulu eŋerer alotuŋa a daadaŋ.”

Isa. 9:11

Aŋun, abu Ekapolon kitonyou ŋimoe aŋuna kec ka abu kitaŋatak ŋimoe kec lu:

Isa. 9:16

anerae apotu ŋulu sek epukato ŋituŋa lu kitooliyosi ikes ka apotu ŋituŋa ŋulu epukatae ikes nyeyenut ŋuna emaikina kitiyata.

Isa. 9:17

Ŋakiro ŋun abunio Ekapolon nyisyon ŋisorok kec, kori nyisyonik ŋikokyok ka ŋapesur alotuŋa a ŋul, anerae pa ewuapito ŋituŋa daadaŋ ŋuna ka Akuj ka arae ŋulu etiyaete ŋuna aronok, erworosi ŋituŋa daadaŋ ŋakiro ŋuna ka abaŋao. Tari kitiyakina ŋun, eriŋa Ekapolon eŋoikinit Ŋisirael, eriŋa iŋes erubakinit isicani ikes.

Isa. 9:20

Iudaete a ŋakan kec aŋuna aloteten nai erubakini akoro enyamit, imujete ŋituŋa a ŋakan kec a ŋuna alokedyeny nai nyimwokete. Enyami ŋinituŋanan akuwan a ituŋanan keŋ pei.

Isa. 9:21

Emunyarete ŋituŋa a Epuraim ŋulu a Manase ka emunyarete ŋituŋa a Manase ŋulu a Epuraim, itijiete ŋuluarei ŋul Yudaya. Tari kitiyakina ŋun, eriŋa Ekapolon eŋoikinit Ŋisirael, eriŋa iŋes erubakinit isicani ikes.

Yer. 15:3

“Aseuni ayoŋ aŋuna kec ŋirotin lu ŋiomwon ŋulu emunyarere ikes: Earyo ikes a ekileŋ, iriyarete ŋiŋokwo ikes nariet ka irikarete ŋikyeny ka ŋityaŋ ŋulu ka ariet ikes.

Yer. 16:4

Etwakete ikes a ŋidekesyo a ŋulu aarak, nyigworo ikes, kori nyenukyo ikes, ikokinete ikes aoret eperete alokidiama akwap. Earyo ikes a ekileŋ, etwakete ikes aŋuna a akoro ka eruworosi ŋawat kec akimuj a ŋikyeny ka ŋina a ŋityaŋ a ŋulu a ariet.

Yer. 17:4

Aŋuna a ŋiticisyo kus, itwaniyarete iyes akwap kus ŋina abu ayoŋ okoinak iyes toruwor ŋina kus, ekemyekini ayoŋ iyes kitiyanakis ŋimoe kus anakwap a ŋina nyiyenete iyes, anerae ekwaanikin aŋoit ka akim, ido enepi ŋikaru ka ŋikaru.

Yer. 4:24

Abu eŋoliya lomoru, okoe, amaranete, ido eiŋiiŋasi ŋikamukumukui pa awuasi aiwapei.

Yer. 4:8

Aŋuna a ŋakiro a ŋun, tonapa ŋiguniyae, kiwololoto ka kigworo ibasi, ‘Eriŋa anyunyura ŋina eŋoitor Akuj nyeloto aneni kosi.’ ”

Yer. 6:12

Eruworosi ŋakais kec ŋuna a ŋituŋa a ŋice, ŋimanikorin kec daŋ eruworosi ŋulu a ŋituŋa a ŋice, ŋaberu kec daŋ eruworosi ŋuna a ŋituŋa a ŋice, anerae esicani ayoŋ ŋituŋa ŋulu ka akwap a Isirael.

Yer. 8:2

ido elokinio ikes nakoloŋ, lolap ka losubuna ŋulu alokidiama daadaŋ ŋulu sek apotu ikes tominakis ka kitiyanakis, ŋulu apotu ikes kiwuapa ka kiŋita ŋakiro, ido kilipa neni kec, nyecunakinio ikes iwapei tonukae, ikwaanikinosi ikes ka aoret ipetipetakina kwap.

Yer. 9:22

Irworo Ekapolon ebala, ‘Eperete anariet ikwa aoret ŋawat a ŋituŋa a ŋulu etwakito, eyakaun ikes nen ikwaan ka ŋatukon a ŋakasirim ŋuna imyekini ekaleman emanikor, ido mam ituŋanan epedori acunakin iwapei ŋawat a ŋituŋa a ŋul.’

Aum. 5:22

Ikiŋer mono iyoŋ isua ŋikaru ka ŋikaru a? Mam mono apaki ŋina emaikina aŋoit kon todaunor a?

Esek. 15:6

Aŋun, ŋakiro ŋuna irworo Ekapolon Akuj ikes nu, “Lopite ŋolopei elemunere akitoe a epiini alokito a ŋulu ka amoni kinokae, etiyae ayoŋ ŋunapei ŋun lotuŋa ŋulu iboiyete alo Yerusalem.

Esek. 30:25

Ewuakini ayoŋ agogoŋu neni a erwosit a Babilon, nai elilimiyorete ŋakan a Parao. Eyenunete nai Ŋijipitian atemar arae ayoŋ Ekapolon apaki ŋina ewuakinia ayoŋ ekileŋ kaŋ nakan a erwosit a Babilon. Edodari iŋes ekileŋ ŋol nakwap a ijipit imanit akwap a Ijipit,

Esek. 6:14

Arami ayoŋ ikes a akan kaŋ, eturuwo akwap kec ereŋorot ka akoŋinait alotooma ŋakiboisyo kec daadaŋ, ameun analoŋisat tari lotaun ŋolo enyaritae Ribila. Eyenunete nai ikes atemar arae ayoŋ Ekapolon?’ ”

Dan. 9:16

Okoe Ekapolon, alopite a ŋolo iwuapitor iyoŋ ŋuna ka akiyookino kon a daadaŋ, ikilipi nyicamak aŋoit kon ka anyunyura kon min lotaun kon Yerusalem ka lomukura kon ŋolo asegan. Aŋuna a ŋasecisya kosi ka aŋuna a ŋaronisya atapapaa kosi, aruwor Yerusalem ka ŋituŋa ibore ŋini emam ajokis alokidunyeta a daadaŋ.

Osea 14:4

Enyakuni ayoŋ ŋituŋa neni kaŋ, aminakini ayoŋ ikes a etau kaŋ a daadaŋ, anerae nyeriŋa ayoŋ aŋoikinit ikes.

Amos 8:8

Aŋakiro a ŋun, nyemaranikini mono akwap a? Nyikalounete mono ŋituŋa ŋulu iboiyete a nen a? Emini akuryanu lotuŋa a akwap, irimokinete ŋituŋa iwarito neni eiunotor.’

Mika 1:4

Etalarete ŋimoru alokwap keŋ, ikwa etalarya amanok anakim; etiyaarosi ikes nakadipaalae, ikwa etiyaarotor ŋakipi kwap alomukura,

Naum 1:5

Emaranikinete ŋimoru alokiŋaren Ekapolon ka ecelarete ŋikamukumukui; emaranikini akwap alokiŋaren keŋ kaapei ka ŋinibore daadaŋ eyai nen.

Abak. 3:10

Apotu ŋimoru tomaranikis ikiŋolikinete iyoŋ; apotu ŋakipi todout alo kidiama, apotu ŋakalele anauwata kisyakis arwore. Abu akoloŋ tojoŋo akica.

Sepan. 1:17

“Ayauni ayoŋ akiyaloloŋ lotuŋa, toloto ikes esibit ŋimudukanotin; anerae aseca ikes aneni ke Ekapolon, ebukoryo ŋaokot kec ikwa ŋalup ka imasaryo ŋawat kec ikwa aoret.

Ŋikis. 31:17

Ani itiyakinete ikes ŋun, aŋoikini ayoŋ ikes akoloŋit ŋinapei ŋin. Aŋeri ayoŋ ikes, ido ewa ereet kaŋ aneni kec, emunyaryo ikes ka atipei, edolokinete ŋican ŋulu aronok nooi ikes. Akoloŋit ŋin etemarete ikes, ‘Meere mono aŋuna nyeyakar Ekapolon Akuj yok kaapei ka iwon, iŋes atakanuniata ŋican lu neni yok a?’

Ŋikis. 31:18

Akoloŋit ŋin, ewuai ayoŋ kire jik ereet kaŋ aŋuna a ŋasecisya a daadaŋ a ŋuna etiyata ikes, anerae ewuapa ikes ŋakujo ŋace.

1 Ŋites. 2:16

Apotu ikes kikatakis tari akiretakin isua alimonokin ŋituŋa ŋulu nyerae Ŋiyudayan ŋakiro ŋuna eryamuniata ikes aiuno. Alopite a ŋol, apotu ŋasecisya kec kilelebikinos. Nai tokona adolu anyunyura ŋina ka Akuj neni kec.

Akis. 20:11

Abu oanyuwa ekicoloŋ ŋolo akwaŋan ŋolo apolon ka iŋes ŋini icoloŋit. Toŋopiyasi akwap ka nakuj alokiŋaren keŋ nyeanyuwar nabo jik.