Isa. 5:23 - Ebaibul

²³ iyes ŋulu imyekinete ekasecan aŋuna a akaluŋuluŋut ka nyitubokis eriyan ŋini iyookino ŋakiro keŋ.

Isa. 5:23 Iomraidhean Croise

1 Ŋirw. 21:13

Potu nai ŋikesitakinak a Nabos ŋasyanisya ŋunaarei kiboikinos epeiwae Nabos, ido kisitakis ŋasyanisya ŋun Nabos alokiŋaren ŋituŋa temasi, “Adau Nabos akicen Akuj ka erwosit.” Aŋun apotu ikes yaasi Nabos kiŋa etaun tocaka iŋes a ŋamoru.

2 Ŋakiro a ŋirwa 19:7

Tocamutu tokona akitopoloorit Ekapolon alotai kus; totamete ejok anakiro a ŋuna itiyaete iyes, anerae aneni ke Ekapolon Akuj yok, emam amodyanakin kori, ariit neni a ŋice, kori ŋakaluŋuluŋui.”

Ŋikiru. 94:21

Etukonokin ikes iwapei imanito ŋulu iyookino, ido etubonokinete ŋulu nyesecito atwanare.

Ŋakit. 17:15

Ituŋanan ŋini itojokit ŋulu aronok ka ituŋanan ŋini nyitojokit ŋulu iyookino, erae ŋul daadaŋ ŋisiilyanotin aneni a Ekapolon.

Ŋakit. 17:23

Ecamununui ituŋanan ŋini aronon akaluŋuluŋut anakimunono, ikotere edaun epite ŋolo itiyaere ŋakiro iyookino.

Ŋakit. 24:24

Ituŋanan daadaŋ ŋini etemari neni a ituŋanan a ŋini itiyat aronis ebe, “Emam aronis itiyat iyoŋ,” icenete ŋituŋa ituŋanan ŋini ka eŋerete ŋituŋa a ŋakwapin ituŋanan ŋin.

Isa. 1:23

Aruworosi ŋikapolok kon ŋikaŋerok, ido aruwor ŋirukitos a ŋikokolak. Emina ŋinituŋanan akaluŋuluŋut ka iwarito aryamun ŋainakineta. Nyeikinito ikes ŋikokyok ka nyetamunito ikes akitub ŋakiro a ŋapuseru aloikiikoe.

Isa. 10:1

Ekaŋ iyes ŋulu iyeete ŋikisila ŋulu nyiyookino, iyes ŋulu igirete ŋakiro ŋuna isicanere ŋituŋa,

Isa. 10:2

aŋuna ka akiteesikin ŋikulyak akitiya ŋuna iyookino ka alemarya akiyookino alotuŋa kaŋ a ŋulu erae ŋikulyak; itiyaete iyes ŋun aŋuna ka aŋatarya ŋapuseru, ikotere inyamete ŋawat a ŋikokyok.

Isa. 28:7

Etooliyo epiini lu daŋ, ido iteriterosi aŋuna ke epiini a ŋolo adwaran; aoliyosi ŋisacaradotin ka ŋikadwarak anakimat epiini ŋolo adwaran, esimatimataiya ikes epiini, iteriterosi aŋuna ke epiini a ŋolo adwaran; nyisiyoonokinete ŋuna isileerekini Akuj ikes anakiruja, nyetubete ŋakiro a ŋituŋa a akiyookino.

Isa. 29:21

Emunyaryo ŋulu imyeanakinete ŋikaronok nyisicana, ŋulu edapito alopukei ŋikatubok ŋakiro ka ŋulu etubonokinete ŋulu emam aronis itiyato.

Isa. 32:7

Ŋakiro ŋuna itiyaete ŋasyanisya, erae ŋuna aronok; eyeete akitiya ŋakiro ŋuna aronok ka irworosi alyokonu amunyarya ŋikulyak, tari kiyookino ŋakiro ŋuna edyakanarotor ŋituŋa ŋulu eyakatar akiitanit.

Isa. 59:15

Emam ŋakiro ŋuna a kire, isicaneneo ituŋanan daadaŋ ŋini nyimyekini akitiya aronis. Adau Ekapolon akiŋolikin ŋakiro ŋun, ido abu nyelakar iŋolikini atemar nyetubio ŋakiro anakiyookino.

Amos 5:12

Kire, ayeni ayoŋ alalau a ŋasecisya kus ka epite ŋolo iseceneneata iyes a ŋinapaki; isicanete iyes ŋituŋa ŋulu iyookino, ijaanarete ŋakaluŋuluŋui, nyetubonokinio iyes ŋikulyak anakiyookino aloikiikoi kus.

Mika 3:11

Etubete ŋikepukak a Yerusalem ŋakiro aŋuna a ŋakaluŋuluŋui, itatamete ŋisacaradotin keŋ ŋikisila aŋuna ke etacit, edwarete ŋikadwarak keŋ ŋakiro aŋuna a ŋisiliŋa; torae bo neni ke Ekapolon eyarikinito ebasi, “Kire jik, ikirukit iwon ke Ekapolon, emam awana ebuni neni yok.”

Mika 7:3

Ayenikis ŋakan kec nooi akitiya aronis; iŋitasi ŋikapolok ka ŋikatubok ŋakiro ŋakaluŋuluŋui, ereanakinete ŋulu eyakatar apedor ŋuluce akitiya ŋuna ecamito ikes; aŋun, aoliyosi ikes daadaŋ anakiyookino.

Mat. 23:35

Aŋakiro a ŋun, ikitubokinio iyes aŋuna iaryata ŋituŋa ŋulu iyookino ameun anaokot ka Abel, a ŋolo pa asecit, tari naokot a Sakariya alokoku a Barakia a ŋolo aarakinio kidiŋ Akai ka Akuj ka Namuroet.

Ŋikis. 16:19

Tocoito ilocete ŋakiro ŋuna iyookino, totubete ŋakiro anakiyookino emam ariit ka ice, nyicamut ŋakaluŋuluŋui, anerae iteesikini akaluŋuluŋut ŋikaosok akitiya ŋuna iyookino ka iloci ŋakiro a ŋulu iyookino.

Yak. 5:6

Itubokis iyes ka iar ŋituŋa ŋulu pa asecito, ŋulu pa apedorete akitepeg iyes.