Isa. 5:22 - Ebaibul

²² Ekaŋ iyes ŋipiuno a epiini, iyes ŋulu idedeŋ nyikerito akinyal ŋagwe,

Isa. 5:22 Iomraidhean Croise

1 Ŋirw. 20:16

Torotokis ŋisorok ŋul edoli kidiŋ apaaran, apaki ŋina amatatar ka ameratar Ben-Adad aloeemae kec, kaapei ka ŋirwosi ŋulutomoniuni ka ŋiarei ŋulu ariito ka iŋes.

Awos. 23:8

Nyicamut akaluŋuluŋut adio, anerae nyepedorete ŋikapolok aruwor ŋulu iyookino erae kecamununeete ŋakaluŋuluŋui, epedorete ikes akiloc ŋakiro a ŋulu iyookino.

Ŋakit. 20:1

Ituruwori akimat epiini ŋolo alalan ituŋanan ibaŋaanot, ituruwori akimat ŋagwe ŋuna alalak nooi ituŋanan ikacalan, ituŋanan daadaŋ ŋini itali akimat epiini, kori ŋagwe, erae ŋini nyeos.

Ŋakit. 23:29

Ŋae mono eyakar asiliyorit? Ŋae mono eyakar akiyaloloŋ? Ŋae mono isyaanakini a ŋina paki ayaun ŋican? Ŋae mono iŋuruŋura a ŋinapaki? Ŋae mono eyakar ŋaruma ŋuna emam ŋakiro idicitere? Ŋae mono eyakar ŋakonyen ŋuna areŋak?

Ŋakit. 31:4

Kiira mono iyoŋ okoe Lemuel, nyemaikina ŋirwosi emasete epiini nyemaikina ŋikepukak iburit akimat ŋagwe ŋuna adwarak,

Ŋakit. 31:5

anerae epedorete ikes amerakin kimuryakis ŋakiro ŋuna a ŋikisila, ido kimyekis akiŋaranakin ŋituŋa ŋulu emaikina kiŋarakinae.

Isa. 22:13

nai akilo iyes ayakau nakiro ŋun, ipotu iyes toyakaunotor alelyanu ka akinumunum ŋasuban, ipotu iyes toara ŋimoŋin ka toŋola ŋamesekin ka ipotu tonyama akiriŋ ka tomata epiini. Ipotu iyes temasi, “Emuja ka omata, anerae ikitwaki moi taparacu.”

Isa. 24:9

Nyeriŋa ŋituŋa emasete epiini toeos, adwaryata ŋagwe tel aneni a ŋulu emasete.

Isa. 28:7

Etooliyo epiini lu daŋ, ido iteriterosi aŋuna ke epiini a ŋolo adwaran; aoliyosi ŋisacaradotin ka ŋikadwarak anakimat epiini ŋolo adwaran, esimatimataiya ikes epiini, iteriterosi aŋuna ke epiini a ŋolo adwaran; nyisiyoonokinete ŋuna isileerekini Akuj ikes anakiruja, nyetubete ŋakiro a ŋituŋa a akiyookino.

Isa. 5:11

Ekaŋ iyes ŋulu ikyenyununeete taparacu sek, aŋuna ka akiwarit ŋagwe ŋuna adwarak, iyes ŋulu ideŋonorosi eboŋ tari ŋina imerakinotor.

Isa. 56:12

Ebasi ikes, ‘Potu, potu olemutu epiini, omata ŋagwe ŋuna adwarak emwoko; ejokyar akwap moi taparacu daŋ ikwanapei ikona, ejokyar nabo akilo.’ ”

Abak. 2:15

Ekaŋ iyes ŋulu ipotu anaryenyeo kus kitemerakis ŋikidunyet kus; ipotu iyes inakis ikes akiteritereonor esibit ŋikamerak. ikotere ikienatar ikes.