Isa. 5:20 - Ebaibul

²⁰ Ekaŋ iyes ŋulu ibasi ŋuna aronok ejokak ka ŋuna ajokak eroko, iyes ŋulu itusubut akica akiryonut ka itusubut akiryonut akica, iyes ŋulu ituruwosi ibore ŋini abobon ŋini edwar ka ituruwosi ibore ŋini edwar ŋini abobon!

Isa. 5:20 Iomraidhean Croise

Yob 17:12

Eturuwosi ŋikonei kaŋ akuwar apaaran. ebasi ikes, ‘Apauu iyoŋ akieŋar ŋican’ ka ebasi, ‘Aapuu iyoŋ ajokun, eketeete bo ikes ayoŋ aryamunit ŋican.’

Awos. 23:7

Nyilomasi nakiro ŋuna etubokinere ituŋanan pa esecit, ido toarae ituŋanan ŋin emam ibore aronon itiyat, kori toarae ituŋanan ŋin emam ibore esecit; anerae atubokini ayoŋ ituŋanan ŋini itiyae aronis ŋin.

Ŋakit. 17:15

Ituŋanan ŋini itojokit ŋulu aronok ka ituŋanan ŋini nyitojokit ŋulu iyookino, erae ŋul daadaŋ ŋisiilyanotin aneni a Ekapolon.

Ŋakit. 4:17

Imujete ikes akimuj ŋina eryamununeete anaronis kec, emasete ikes epiini ŋolo eryamununeete anaryenyeo kec.

Isa. 24:9

Nyeriŋa ŋituŋa emasete epiini toeos, adwaryata ŋagwe tel aneni a ŋulu emasete.

Isa. 29:21

Emunyaryo ŋulu imyeanakinete ŋikaronok nyisicana, ŋulu edapito alopukei ŋikatubok ŋakiro ka ŋulu etubonokinete ŋulu emam aronis itiyato.

Isa. 30:10

ŋulu elimonokinete eketeyenunan ebe, “Nyiyenut ŋakiro” ka neni a ŋikadwarak ebe “Nyidwara neni kosi ŋakiro ŋuna iyookino, tolimonokinae isua ŋakiro ŋuna ajokak, todwara neni kosi ŋakiro ŋuna ka alyokonu.

Isa. 32:5

Nyenyarao nabo ebaŋ atemar ekapolon, kori nyitopolooryo ekasyaat;

Esek. 13:19

Idaut iyes akiyany ayoŋ alotuŋa kaŋ aŋuna ca ka aryamunia ŋikinyom ŋulu ikote erau ŋidi ka ŋanyile a ŋamugati ŋadi. Idaut iyes anamodyanakin ŋituŋa kaŋ ŋulu eminasi akipup ŋakiro ŋuna erae amodiyo, akiar ŋituŋa ŋulu pa amaikina toarae ka akimyekin ŋulu pa amaikina kimyekinae eyarete.’

Amos 5:7

Ekaŋ iyes ŋulu ilocete akiyookino toruwor ibore ŋini nyejok, iyes ŋulu itojokito aronis, iyes ŋulu imyekinito akitiya ŋuna iyookino!

Mika 3:2

nai iremokino iyes ajokis, ido kitojokito aronis, iryetasi iyes ŋawat a ŋituŋa kaŋ, imyekis ikes erae ŋakoyo bon.

Abak. 1:4

Aŋun, nyeriŋa emisitae ŋuna ebasi ŋikisila, emam ŋuna iyookino ŋuna itopolooritae, irikaete ŋulu aronok ŋulu iyookino. Aŋun, emanar akiyookino kaku.

Mal. 2:17

“Ituupa iyes Ekapolon a ŋakiro kus. Nai iŋitasi iyes ibasi, ‘Alipite ikituupya isua Ekapolon?’ Erae aŋuna irworotor iyes ibasi, ‘Ejokak ŋituŋa daadaŋ ŋulu itiyaete aronis alokiŋaren Ekapolon, ido elakara Ekapolon aŋuna kec,’ ka erae aŋuna iŋitatar iyes ibasi, ‘Ai mono eyai Akuj ŋina ka akiyookino?’ ”

Mal. 3:15

Ikwapei tokona ikiteo iwon, erae ŋiketurok ikes elakara; kire ebareneneete ŋituŋa ŋulu itiyaete aronis, itemeneneete tari Akuj, ido erubanakinete eyarete. ”

Luk. 16:15

Tolimok nai Yesu ikes tema, “Iraakasi iyes ŋituŋa ŋulu itojokasi anakonyen a ŋituŋa, nai eyeni Akuj ŋuna alotai kus. Anerae ibore ŋini itopoloorito ŋituŋa, erae asiilyo aneni ka Akuj.

Ŋikis. 25:1

Ani kiburakinosi ŋituŋa ŋiarei, toŋoikinos, ido yaasi ŋakiro kec loikiiko totubo ŋikatubok ŋakiro kec, tolimut atemar iyookinit ipei nai nyiyookinit ŋinice,

2 Pet. 2:1

Ayakasi koloŋ ŋikadwarak ŋulu alyokonok lotuŋa; ikwaŋinapei ikoŋin, etakanunete ŋiketatamak ŋulu alyokonok aneni kus. Irepunete ikes ŋakitatameta ŋuna alyokonok ŋuna eyaunete akinyasuno ka eŋerete Ekapolon ŋolo abu tolaku ikes. Aŋun, eyaunete ikes neni kec akinyasuno atipei.