Isa. 5:13 - Ebaibul

¹³ Aŋun, erikoryo ŋituŋa kaŋ nakwap ace aŋuna pa ayeneta ŋakiro kaŋ, eari akoro ŋikapolok kec ka enyami akure ŋituŋa kec ŋulu alalak nooi.

Isa. 5:13 Iomraidhean Croise

2 Ŋirw. 17:6

Alokaru a ŋolo a ŋikanikaomwon ipukat Osea, kikama erwosit ŋolo ka Asiriya Samaria, torik Ŋisirael ya Asiriya. Abu kitolom ikes ŋice lotaun Ala, ŋice kitolom diyete aŋolol Abor ŋina a nakwap a Gosan ka kitolom ŋice lotaunio a Media.

Ŋakit. 10:21

Eryamunete ŋituŋa ŋulu alalak akiyar ŋina ajokan anakiro a ituŋanan a ŋini aoson, nai etwakete ŋibaŋaanotin aŋuna ebaŋaaketa.

Isa. 1:3

Eyeni emoŋ elope keŋ ka eyeni esigirya neni eyai akimuj ŋina itania elope keŋ iŋes. Nai nyeyenete Ŋisirael ŋakiro ŋun, emamukatar ŋituŋa kaŋ ayenut.’ ”

Isa. 1:7

Aruwor akwap kus ekasile, anomiya akim ŋitaunio kus, aŋatasi ŋituŋa ŋulugelae akwap kus iteete iyes, aruwor akwap kus ekasile, anomiya akim ŋitaunio kus.

Isa. 23:9

Ayeu Ekapolon ŋolo a ŋajoresyo ŋakiro nu, alemar akituro aneni a ŋikapolok a daadaŋ, akisurum ŋileec daadaŋ ŋulu itopolooritae anakwap.

Isa. 27:11

Ani eokete ŋaten a ŋikito a ŋulu eya nen, ebilibiliunio kwap; potu nai ŋaberu yaasi kinokakiniata akim. Anerae erae ŋul ŋituŋa ŋulu emam ayenut; aŋun nyisyoni ikes Akuj ŋina asubuni ikes, kori nyitiyae ŋakiro ŋadi ŋuna ajokak neni kec.

Isa. 3:1

Kiirasi, apuu tokona Ekapolon ŋolo etiron, ŋolo a ŋajoresyo, alemar alo Yerusalem ka anakwap a Yudaya akiŋarakinet daadaŋ ka agogoŋu, ejoŋoo ainanakin ikes akimuj ka ejoŋoo ainanakin ikes ŋakipi.

Isa. 3:3

ekapolokiniton ŋasigarya ŋatomonikan ka ŋolo epol akilo iŋes, eketataman ka ekekukujan ŋolo eyeni etic keŋ ejok ta ekapilan.

Isa. 44:19

Mam ituŋanan etamatamae, kori eyakar aosou, kori epedori ayenut ŋakiro tosodi tolimu ebe, “Abu ayoŋ esitiya atutubet apei a akitoe a ŋin akinokia akim, abu daŋ ayoŋ epou a ŋatotol keŋ ŋamugati, abu ope akiriŋ a nen ka adau akinyam. Emaikina mono tokona ayoŋ etiyau asiilyo aneni idoŋit anakitoe a ŋin a? Emaikina mono ayoŋ oryedik alokiŋaren akitoe a?”

Isa. 49:21

Itamakinete nai iyes alotai kus ebe, “Ŋae keuri ŋidwe lu aŋuna kosi? Aponi isua ikiteryamun ŋican, ikitusubun ŋikolupanotin, aponi isua ikirikor nakwapin, ikilemar a ne, ŋae nai kitopolouni ŋidwe lu? Aponi kimyekinae Sion esil, nai ai aponiata ŋituŋa lu etya ne?”

Isa. 65:13

Aŋun, alimu Ekapolon Akuj ebe, “Imujete ŋiketiyak kaŋ, nai ikinyami iyes akoro; emasete ŋiketiyak kaŋ, nai ikinyami iyes akure, elelyanete ŋiketiyak kaŋ, nai ikisirumyo iyes ŋileec.

Yer. 14:18

Ani alosi lomanikorin, eŋolik ŋulu kearyo a ekileŋ, ani alomari lotaun, eŋolik ŋulu iridete aŋuna ka akoro, anerae erubakinito ŋikadwarak ka ŋisacaradotin itiyaete etic kec anakwap a daadaŋ, nai nyeyenete ŋuna itiyaete.”

Yer. 14:3

Iyakiyanarete ŋikapolok keŋ ŋiketiyak kec aokun ŋakipi, elosete ŋiketiyak ŋul nakarei toryamut emam ŋakipi, ido toboŋosi eororete ŋiboro kec. Irumito ikes ŋileec ka ekadakinit, ido imukito ŋakyes kec.

Yer. 8:7

Eyeni tari ŋina erae acolikokot ŋapakio keŋ ka iyokiyete ŋakuryo, ŋikaporookokoe ka ŋiwalui apaki ŋina eponiata, nai nyeyenete ŋituŋa kaŋ ŋikisila a Ekapolon.

Aum. 4:9

Apotu ŋituŋa ŋulu etwakete aŋuna ka akoro toryamut aryebo ŋina apipilan alotuŋa a ŋulu earyo alojie. Abu akoro kisirid ŋituŋa ŋul tari ŋina atwakyata aŋuna amamukar akimuj ŋina alemunito alomanikorin kec.

Esek. 7:12

Adolu esaa, aapuu akoloŋit; nyemaikina ŋini egyeli ibore tolelyan, kori ŋini egyelanari ibore kiitono ibore ŋin; anerae ebunit anyunyura kaŋ neni a ŋinituŋanan.

Osea 4:6

Amunyarosi ŋituŋa kaŋ aŋuna amamukatar ayenut, anerae iŋero iyes ayenut, akaŋer ayoŋ daŋ iyes anarakau ŋisacaradotin kaŋ. Aŋuna ikimuryakiniata iyes ŋikisila a Akuj kus, ayoŋ daŋ ekemuryakinete ŋidwe kus.

Amos 8:13

Akoloŋit ŋin, irakari akure ŋasorok ka ŋisorok.

Luk. 19:44

Ikinyasunete ikes iyes ka ŋidwe kus ŋulu eya tooma ŋakorya kus; emam amoru tari apei daŋ ŋina imyekinio ewuoi, anerae pa iyenete iyes apaki ŋina ebunio Akuj aiun iyes!”

Ŋirom. 1:28

Aŋuna aŋeryoto ŋituŋa anatameta kec ayenun Akuj, emyek Akuj ikes iwuapito ŋatameta ŋuna ecamito akitiya ŋuna aronok, ikotere itiyaete ŋuna sek pa etemokino ikes kitiyata.

2 Pet. 3:5

Eredakis ikes akiŋer ŋuna ka atemar aŋuna ka akirot a ŋina ka Akuj, ayai nakuj koloŋ sek ka aponi tosubunae akwap anakipi ka a ŋakipi.