Isa. 49:8 - Ebaibul

⁸ Alimu Ekapolon ŋakiro nu, “Ani ŋina adolyo akoloŋit ŋina akaiunia iyes, abu ayoŋ ekeŋarak iyes, adau ayoŋ akiyok iyes, akituruwor iyes acamunet aŋuna a ŋituŋa a ŋakwapin, akinyakakin akwap lotuŋa kaŋ, akoranakin nabo akwap ŋina abu toruwor ekasile neni a ŋituŋa.

Isa. 49:8 Iomraidhean Croise

2 Sam. 7:13

Eletonit ŋol iŋes edukokini Akai aŋuna a ekiro kaŋ, ido etogogoŋi ayoŋ ekipukae keŋ torubak ŋikaru ka ŋikaru.

Ŋikiru. 2:8

Kiŋitae ayoŋ, akainakini ayoŋ iyoŋ ŋakwapin toruwor ŋuna kon, eruwor akwap daadaŋ ŋina kon.

Ŋikiru. 69:13

Nai ani eruwor ayoŋ, elipi neni kon, okoe Ekapolon. Toboŋokinoe ayoŋ Akuj, anapaki a ŋina iseuni iyoŋ. Toboŋokinoe ayoŋ aŋuna ka amina kon a ŋina nyiryaŋiryaŋa, anerae iricit iyoŋ akiikinet kon ŋina ka aiun ŋulu ikikinyomito iyoŋ.

Ŋikiru. 75:3

Ani emaranikini akwap ka ŋisubuna daadaŋ, ayoŋ esicasi ŋipirin ŋulu ewuar akwap.

Isa. 26:3

Iyokit iyoŋ a ekisil ŋulu nyiryaŋiryaŋasi anatameta kec, iyokit iyoŋ ikes, anerae ikikinyomito iyoŋ.

Isa. 27:3

“Ayoŋ Ekapolon arae eketen emanikor a epiini, a ŋinapaki abuki ayoŋ iŋes ŋakipi. Ete ayoŋ iŋes nakwaare ka naparan, ikotere nyinyasu ituŋanan idio iŋes;

Isa. 41:10

nyikuryaketa, anerae ikirukit ayoŋ ka iyes, nyikuryaketa, anerae arae ayoŋ Akuj kus, eketogogoŋi ayoŋ iyes ka ekeŋarakini ayoŋ iyes. Akaiuni ayoŋ iyes a apedor kaŋ a ŋina elounan.

Isa. 42:1

“Eketiyan kaŋ lo ŋolo etogogoŋit ayoŋ, eseuna kaŋ, ŋolo elelyakinit etau kaŋ. Ewuak ayoŋ etau kaŋ neni keŋ; eyauni iŋes akiyookino lotuŋa a ŋakwapin.

Isa. 42:6

Arae ayoŋ Ekapolon, akanyarau ayoŋ iyes anakiyookino, ikiriit ayoŋ ka iyes, ekeurya iyes; iyoŋ iruwuor acamunet kaŋ ka ŋituŋa, iyoŋ iruwor akica a ŋituŋa a ŋakwapin,

Isa. 44:26

Ayoŋ esiyoonokini ŋakiro ŋuna irworosi ŋiketiyak kaŋ ka esiyoonokini ŋakiro ŋuna edwarete ŋikiyakya kaŋ; ayoŋ alimuni aŋuna a Yerusalem ebe, ‘Epote ŋituŋa akiboi alotooma keŋ’ ka ayoŋ alimu aŋuna a ŋitaunio a Yudaya ebe, ‘Edukokinio ikes nabo ka etonyouni ayoŋ ŋarwatatain a ŋakais kec ŋuna eritanakina.’

Isa. 49:19

Kire jik, ilelebunosi iyes nakiboisyo kus ŋuna sek apotu toruworos ŋacaryo ka ŋireŋoroto; kire jik, idiŋidiŋakinosi ŋituŋa kus anakiboisyo a ŋuna sek aponere ikiritar iyes, eakarete neni alwanan ŋulu sek apotu ikitoŋopiyasi iyes.

Isa. 51:16

Ewuak ayoŋ ŋakiro kaŋ nakituk kon, ekewua ayoŋ iyoŋ alotolim a akan kaŋ, adau ayoŋ apetakin kidiama ka ewuak ŋawoeta a akwap, ido adau alimokin ŋituŋa a Sion ebe, “Irae iyes ŋituŋa kaŋ.”

Isa. 51:3

Isirworiuni Ekapolon ŋituŋa a Sion; itojokuni ŋakiboisyo kec daadaŋ ŋuna apotu toruworos ŋacaryo ka ituruwori aloŋisat kec akibois ŋina ajokan ŋina ikoni Eden, kikwaanikin aloŋisat kec ka emanikor a Ekapolon. Eyakaun alelyanu ka alakara Sion, eokinete ŋituŋa a nen ŋieosyo ŋulu ka alakara.

Isa. 54:3

isiyotoryo ŋikukorin a akibois kon lowae ŋolo aloteten ka ŋolo alokedyeny, ikamarete ŋiletok kon ŋakwapin ka iboikinosi lotaunio ŋulu apotu toruwor ŋireŋoroto.

Isa. 55:6

Kiwara Ekapolon eriŋa epatana aryamun iŋes, tonyarata iŋes eriŋa eapi,

Isa. 57:13

Ani ikalounete iyes icamito akiŋarakino, emaikina ŋakujo ŋuna irirato iyes ikilakut iyes. Iwokori ekuwuam ikes neni alwanan, ekutari ekieŋanu ikes nariet. Nai ŋini ekekinyomi ayoŋ, ebuni neni kaŋ aiuno, eryamuni akibois anakwap, eruwor emoru kaŋ ŋolo asegan akibois keŋ.

Isa. 58:12

Edukokinio nabo ŋakais kus ŋunakoloŋ ŋuna aritanakina, idukokinete iyes ŋakais ŋuna a ŋanyemeta a ŋuna alalak; ikinyarao iyes ŋikadukokinak nabo ŋarwatatain ŋuna abwaŋabwaŋaara, ŋikewuakinak nabo ŋirotin a etaun ŋulu eya ŋakais nawae.

Isa. 58:5

Itamete iyes erae ŋin akiredakin akiron ŋina acamit ayoŋ a? Itiditeuna iyes alotooma akoloŋit apei bon a? Acamit mono ayoŋ akijurur a ituŋanan esibit eoot ŋolo isijuurui ekuwuam a? Acamit mono ayoŋ akiper kus aloguniyae ka alokurono a? Erae mono ibore ŋin akiredanakin akiron a? Erae mono ŋin akoloŋit ŋina italakarit Ekapolon a?

Isa. 61:2

akiseraun atemar adol ekaru ŋolo itiyakinia Ekapolon ŋuna ajokak ka akiseraun akoloŋit ŋina inyaŋarya Akuj yok ŋakiro a ŋimoe keŋ; akisirworiun daadaŋ ŋulu iyaloloŋete;

Isa. 61:4

Edukokinete ikes nabo ŋireŋoroto ŋulu koloŋ, ituruworete ikes ŋakiboisyo ŋuna koloŋ aponi toesikinae ŋuna ekitetyaka, esubanakinete ikes nabo ŋitaunio ŋulu aponi kinyasunae; ŋireŋoroto a ŋanyameta a ŋuna alalak.

Isa. 65:9

Ayauni ayoŋ ŋiletok aneni a Yakob ka ayauni aneni a Yuda ŋulu einakinio emoru kaŋ toruwor ŋolo kec, eruwor nen neni a ŋituŋa kaŋ a ŋuluseuna ka iboikinosi ŋiketiyak kaŋ nen.

Mat. 26:28

anerae erae nugu ŋaokot kaŋ, ŋaokot ŋuna ka Acamunet, ŋuna ebukoritae ikotere ŋulu alalak isyoniyo ŋasecisya.

2 Ŋikor. 6:2

Anerae ebala Akuj: “Ani ŋina adolyo apaki ŋina kitoodiunet ajokis kaŋ, abu ekeira iyes; ani ŋina adolyo akoloŋit ŋina akaiunia iyes, abu ayoŋ ekeŋarak iyes.” Kiirasi! Erae tokona na apaki ŋina ryamunet ajokis ŋina ka Akuj, erae tokona na Akoloŋit ŋina ka aiuno!

Ŋiep. 1:6

Ikotere iwon ikipuri iŋes aŋuna ka ajokis keŋ a ŋina apolon, a ŋina erae ainakinet keŋ ŋina a Lokoku keŋ a ŋolo minat!

Ŋibur. 12:24

Arae neni a Yesu iponito iyes, ŋolo abu kitemok Acamunet ŋina Kitete ka anaokot a ŋuna etesegunak anasecisya, ŋuna eyai apolou nooi akilo ŋuna ka Abel.

Ŋibur. 5:7

Ani eriŋa Yesu eyari anakwap, elipenene, todyekitoi a etoil a ŋolo apolon, kigwori daŋ neni ka Akuj a ŋina eyakar apedor aiun iŋes anatwanare. Ikwapei araakar iŋes ŋolo ainakina neni ka Akuj, abu Akuj kiira ŋakiro keŋ.

Ŋibur. 8:6

Nai tokona, ainakin Yesu etic ŋolo ke esacaradoti ŋolo epol nooi akilo. Nabo ikoŋinapei, erae Acamunet ŋina iloit--Acamunet ŋina eyaunitor iŋes akimorikina ŋina ka Akuj ka ŋituŋa, anerae itorunit nakiikineta ŋuna ajokak nooi akilo.