Isa. 49:7 - Ebaibul

⁷ Alimu Ekapolon Ekalakunan a Ŋisirael, Akuj a Isirael ŋina asegan, Akuj ŋina apotu ŋituŋa a ŋakwapin tojamuwasi ka toŋero, alimu iŋes ŋakiro nu neni a eketiyan a ŋikapolok ebe, “Ikiŋolikinete iyoŋ ŋirwosi, ido towua alokiŋaren kon, ikiŋolikinete iyoŋ ŋikapolok, ido eryedikete ikitopoloosi iyoŋ, anerae ikiseu iyoŋ Ekapolon ŋolo eyai akikinyoma, ikiseu iyoŋ Akuj a Isirael ŋina asegan.”

Isa. 49:7 Iomraidhean Croise

Akisy. 27:29

Ikitiyanakinete ŋituŋa iyoŋ ka eryedikete ŋituŋa a ŋakwapin neni kon. Iruwor iyoŋ ekapolon a ŋikaitotoi kon, ekukonokin ŋisapa ŋulu ke ekal kus aloŋaren kon, ilamam ituŋanan daadaŋ ŋini ikilami iyoŋ ka erereŋ ituŋanan daadaŋ ŋini ikiterereŋi iyoŋ.”

Ŋikiru. 47:9

Ecunakinosi ŋikepukak a ŋakwapin iwapei, kaapei ka ŋituŋa ŋulu ka Akuj a ŋina ka Aburaam, anerae Akuj ipukat ŋirwosi ŋulu ka akwap; itopolooritae Akuj nooi.

Ŋikiru. 68:31

Epote alo Ijipit ŋikawoikinitok a ŋituŋa a Ijipit; ikyaarete ŋituŋa a Sudan ŋakan kec kilipa neni ka Akuj.

Ŋikiru. 69:19

Iyeni iyoŋ epite ŋolo ekeyanyere ayoŋ, iyeni iyoŋ ŋileec kaŋ ka ajamuwaro ayoŋ; iyeni iyoŋ ŋimoe kaŋ daadaŋ.

Isa. 14:1

Nai isyoni nabo Ekapolon ŋiletok a Yakob ka eseuni nabo Ŋisirael, iwuakini ikes nabo nakwap kec, epote ŋituŋa ŋulugelae akiboi kaapei ka ŋiletok a Yakob.

Isa. 19:21

Iteyenikin Ekapolon neni a Ŋijipitian ka eyenunete Ŋijipitian Ekapolon akoloŋit ŋin, ido ilipete ikes neni keŋ inakis ŋamuronisya ka ŋainakineta ŋuna epeyo, ikoŋete daŋ neni ke Ekapolon ido kiwuapa ŋuna adaut ikes akikoŋ.

Isa. 19:23

Akoloŋit ŋin eyakaun erot ŋolo apolon ŋolo isyakin alo Ijipit tari Asiriya, elosete ŋituŋa ka Asiriya Ijipit ka elosete ŋituŋa a Ijipit Asiriya, ilipete ŋituŋa a Ijipit kaapei ka ŋituŋa ka Asiriya.

Isa. 27:13

Akoloŋit ŋin, ekutakinio arupepe ŋina apolon nooi, ido epote ŋulu apotu tooliyosi nakwap ŋina ka Asiriya ka ŋulu aponi tomyaarae nakwap a Ijipit, epote ikes kilipa neni a Ekapolon alokidiama emukura ŋolo aseg alo Yerusalem.

Isa. 42:1

“Eketiyan kaŋ lo ŋolo etogogoŋit ayoŋ, eseuna kaŋ, ŋolo elelyakinit etau kaŋ. Ewuak ayoŋ etau kaŋ neni keŋ; eyauni iŋes akiyookino lotuŋa a ŋakwapin.

Isa. 48:17

Alimu Ekapolon ekalakunan kus, Akuj ŋina asegan ŋina a Isirael ebe, “Arae ayoŋ Ekapolon Akuj kus, ŋina eketatami iyes aŋuna ka ajokis kus a ŋikulepek, ŋina akarikit iyes alorotin a ŋulu emaikina iyes kiwuapa.

Isa. 48:7

Esyakis ŋakiro ŋun tokona, pa esyakinete koloŋ sek eriŋa nyedoluno akoloŋit na, pa iirarito iyes ŋakiro nu, aŋun, pa ipedorito iyes alimun ebe, ‘Aris ayoŋ kayenu ŋakiro nu.’

Isa. 49:1

Iyes ŋituŋa ŋulu iboiyete anakwapin a ŋuna idunyito anam, kiirasi ŋakiro kaŋ, iyes ŋituŋa ŋulu iboiyete anakwapin a ŋuna alwanak, topupokisi! Abu Ekapolon okonyarau ayoŋ eriŋa ayoŋ nyeuruuna, apaki ŋina ariŋaakar ayoŋ ayai nakook a toto kaŋ, abu iŋes okolimok ayoŋ ekiro.

Isa. 49:23

Eruworosi ŋirwosi aneni kus atapapa ka eruworosi ŋarwosi kec aneni kus atatoto ŋuna ikitanete iyes. Ijuuruyete ikes alokiŋaren kus ikitopoloorito iyes itiditeunosi ikes make ikitopoloorito iyes. Iyenunete nai iyes atemar arae ayoŋ Ekapolon, nyisurumyo ŋileec ŋulu ekekinyomito ayoŋ.”

Isa. 49:26

Etanyami ayoŋ ŋulu ikisicanito iyes ŋawat kec a ŋilopeyek, emerakinosi ikes a ŋaokot kec pei lopite ŋolo emeratar a epiini. Eyenunete nai ŋituŋa daadaŋ atemar arae ayoŋ Ekapolon Ekaiunan kus ka Ekalakunan kus Ekapolon ŋolo etiron ŋolo a Yakob.

Isa. 50:6

Abu ayoŋ oinak akau kaŋ neni a ŋulu ekebuŋaete ayoŋ ka ŋikelyo kaŋ neni a ŋulu arusete epenek kaŋ; nyiwua ayoŋ ereet kaŋ aneni a ŋulu ekeyenyete ka ekemwaanakinete ayoŋ.

Isa. 52:15

aŋun, eumokinete ŋituŋa a ŋakwapin a ŋuna alalak, ililiŋete ŋirwosi aŋuna keŋ, anerae iŋolikinete ikes ŋakiro ŋuna pa alimokinitae ikes ka eyenunete ikes ŋakiro ŋuna pa eirarito.

Isa. 53:3

Ajamuwarito ka aŋerito ŋituŋa iŋes, arae iŋes ituŋanan ŋini eyaloloŋi, ŋini ayeni ŋakiro ŋuna a ŋican. Arae iŋes ituŋanan ŋini pa acamito ŋituŋa akiŋolikin, ajamuwaritae iŋes, eteete ŋituŋa iŋes erae ecaryoit.

Isa. 60:10

Edukete ŋigelaanotin ŋarwatatain kus, ikitiyanakinete iyes ŋirwosi kec, anerae abu ayoŋ ananyunyura kaŋ ekesican iyes; nai anajokis kaŋ, adau ayoŋ akisyon iyes.

Isa. 60:16

Ikitanete iyes ŋituŋa a ŋakwapin lopite ŋolo itanakia toto ikoku. Ikitanete iyes ŋirwosi, ido iyenunete iyes atemar ayoŋ Ekapolon arae ekaiunan ka ekalakunan kus, Akuj ŋina etiron ŋina a Yakob.

Isa. 60:3

Epote ŋituŋa anakwapin akiwuap ŋuna ka akica kus, epote ŋirwosi akiwuap ŋuna ka akica kus a ŋina ileere.

Isa. 66:23

Ameun alolap ke epei tari lolap ŋoloce ka ameun anakoloŋit a Sabato ka apei tari ŋinace, epote ŋituŋa daadaŋ akilip neni kaŋ.

Sakar 11:8

Alotooma elap epei, abu ayoŋ oar ŋikeyokok a ŋamesekin ŋiuni anerae abu okoup ayoŋ akidaŋidaŋ ŋakiro kec, apotu daŋ ŋamesekin okoremokin ayoŋ.

Mat. 20:28

Ikwaŋinapei, pa abunit Lokoku a Ituŋanan akitiyanakino, nai abunit akitiyanakin ka akijal akeekiyar tolakunere ŋulu alalak.”

Mat. 26:67

Kisyakis ikes akimwaanakin iŋes loreet, kibuŋata ŋice ka kibapabapata ŋice iŋes

Luk. 22:27

Nyaani ŋini epol, ŋini iboi alomesa kori ŋini ekori akimuj? Meere mono ŋini iboi alomesa a? Nai ayai ayoŋ kidiŋ kus arae ekejanakinan.

Luk. 23:18

Tocelu asepic a ŋituŋa daadaŋ tema, “Toara ekile lo! Ikicamit isua Baraba tolacakinae!”

Luk. 23:23

Nai torubakis ikes ecelasi nooi ebasi itemokino kibubukinoe iŋes lomusalaba, torebo acela kec neni daadaŋ.

Luk. 23:35

Awuasi ŋituŋa a nen iteete iŋes, tokyenatar ŋikapolok ŋulu a Ŋiyudayan iŋes ebasi, “Aiununui ŋoon iŋes ŋuluce, kimyekisi cenite toiun bon, erae kerae iŋes Kristo ŋolo ka Akuj ŋoloseuna!”

Yoa. 18:40

Tocelut ikes temasi, “Mam, meere lo! Ikicamit isua Baraba!” (Arae Baraba ekademanaran.)

Yoa. 19:15

Tocelut nabo temasi, “Toar! Toar! Kibubuk iŋes lomusalaba!” Kiŋit Pilato ikes tema, “Icamito iyes ebubuki ayoŋ erwosit kus lomusalaba a?” Toboŋokis ŋisacaradotin ŋulu apolok temasi, “Emam isua erwosit ece, mati ekepukan a Roma bon.”

Yoa. 19:6

Ani iŋolikinete ŋisacaradotin ŋulu apolok ka ŋiketeok ŋulu a Ŋiyudayan iŋes, tocelut temasi, “Kibubuk! Kibubuk iŋes lomusalaba!” Tolimok Pilato ikes tema, “Yaasi iyes ŋilopeyek iŋes kibubukis, anerae nyeryamuna ayoŋ adiosecit ŋina tubokinet iŋes.”

1 Ŋikor. 1:9

Ikinyoma Akuj ŋina adau anyarare iyes nakimorikina ka Lokoku keŋ, Ekapolon yok Yesu Kristo.

Ŋikis. 7:9

Aŋun, toyenutu atemar erae Ekapolon Akuj kus Akuj, erae iŋes Akuj ŋina ikinyoma, ŋina iricit jik acamunet keŋ akitodol ŋanyameta aliput ka ŋituŋa ŋulu eminasi iŋes ka kiwuapito ŋakiciketa keŋ

1 Pet. 2:4

Potu neni ke Ekapolon, a ŋolo erae amoru ŋina eyari, ŋina aŋerete ŋituŋa ebasi erono, nai aseunit Akuj iŋes erae ŋina epol egyelit.

Akis. 11:15

Abu nai emalaika ŋolo a ŋikanikaarei tokutak arupepe keŋ. Toyakaunos ŋitoilon ŋulu acelasi anakuj ebasi, “Tokona, erae apedor ŋinakipukaet akwap ŋina ke Ekapolon yok ka ŋina a Kristo keŋ, ipukae iŋes ŋikaru ka ŋikaru!”

Akis. 3:7

“Kigir neni ke emalaika a ŋolo ka atukot a Ŋikristo alo Piladelipia atemar: “Erae nu ŋakiro ŋuna eponito aneni a ŋolo Asegan ka ŋolo erae kire, ŋolo eyakar ekipuŋguwo ŋolo ka apedor ŋina a Daudi; ekek ŋolo eŋaari iŋes, emam ŋini epedori agolokin ka ekek ŋolo egolokini iŋes, emam ŋini epedori aŋaar.