Isa. 49:6 - Ebaibul

⁶ ebe, “Epataka mono ŋakiro ŋuna iraakar iyoŋ eketiyan kaŋ a? anerae ilosi iyoŋ akinyakun ŋikabilae a Yakob neni kaŋ ka ayaun neni kaŋ Ŋisirael ŋulu erae ŋipiya; eketuruwori ayoŋ iyoŋ akica ŋina a ŋulu nyerae Ŋiyudayan, ikotere itodoli iyoŋ aiuno ŋina ebunit aneni kaŋ nakisaleta a akwap.”

Isa. 49:6 Iomraidhean Croise

Akisy. 49:10

Mam ŋini elemari apukan aneni a Yuda, ipukaete ŋiletok keŋ jik, elemianakinete iŋes ŋituŋa a ŋakwapin ocur, ka itopoloorete ŋituŋa a ŋakwapin iŋes.

2 Ŋirw. 20:10

Toboŋok Esekia tema, “Epatana sek etolim akiyotor kiŋaren ŋakiyotoret ŋatomon; kimiekisi kikutukutoiyo kaku ŋakikutukutooret ŋatomon.”

2 Ŋirw. 3:18

Erae ŋun ŋakiro ŋuna epataka aneni ke Ekapolon, ebuni daŋ iŋes akipotokin akwap a Moab nakan kus.

Ŋikiru. 37:28

anerae emina Ekapolon ŋulu iyookino, ido nyimyekini ŋulu ikinyomito iŋes. Iyokiyo ŋulu iyookino ŋikaru ka ŋikaru, nai emunyaryo ŋidwe a ŋulu aronok.

Ŋikiru. 67:3

Okoe Akuj, elipi ikipuro iyoŋ ŋituŋa, ikipuro iyoŋ ŋituŋa daadaŋ.

Ŋikiru. 97:10

Emina Ekapolon ŋulu eŋerito aronis, iyokit iŋes akiyar a ŋikanupak keŋ; eiununui iŋes ikes anapedor a ŋulu aronok.

Isa. 11:10

Ebunit akoloŋit ŋina eyakaunor eletonit a Yese, eruwor iŋes akitoodikinet neni a ŋituŋa a ŋakwapin, epote ŋituŋa a ŋakwapin akiŋitanar iŋes ka eruwor akibois keŋ ŋina ecai nooi.

Isa. 42:10

Toeikisi eete ŋolokitete neni ke Ekapolon, toeikisi ipurosi iŋes anakisaleta ka akwap. Iyes ŋulu ilosete ananam kipuro Ekapolon, iyes ŋisubuna daadaŋ ŋulu iyarete alotooma anam kipuro Ekapolon, iyes ŋituŋa ŋulu iboiyete alodiyete anam kipuro Ekapolon.

Isa. 42:6

Arae ayoŋ Ekapolon, akanyarau ayoŋ iyes anakiyookino, ikiriit ayoŋ ka iyes, ekeurya iyes; iyoŋ iruwuor acamunet kaŋ ka ŋituŋa, iyoŋ iruwor akica a ŋituŋa a ŋakwapin,

Isa. 45:22

Toboŋutu neni kaŋ, ido toiunos. iyes ŋituŋa anakwapin a daadaŋ; anerae ayoŋ Akuj ka emam akuj ace.

Isa. 46:13

Etaapu ayoŋ alakuno neni kus, nyeriŋa elwana, ido nyedidi aiun kaŋ iyes; ewuakini ayoŋ aiuno Sion aŋuna a Ŋisirael a ŋituŋa kaŋ.”

Isa. 48:20

Towotokisi alo Babilon, toema alo Babilon tolimosi ŋakiro ŋun ke ecelet a ŋolo ka alakara, kiserautu ŋakiro ŋun. kitodolo ŋakiro ŋun nakisaleta ka akwap, temasi iyes, “Alaku Ekapolon ŋiketiyak keŋ ŋiletok a Yakob.”

Isa. 51:4

Okoe ŋituŋa kaŋ topupokisi ŋakiro kaŋ, okoe ŋituŋa a akwap kaŋ, kiirasi ŋakiro kaŋ; alosi ayoŋ akitatam iyes ŋikisila, eruwor akitub kaŋ ŋakiro anakiyookino ŋina eyauni akica nakwapin.

Isa. 52:10

Etoodik Ekapolon apedor keŋ, neni a ŋituŋa a ŋakwapin a daadaŋ; iŋolikinete ŋituŋa a ŋakwapin a daadaŋ aiuno ŋina ka Akuj yok.

Isa. 55:5

Kiirasi, inyaraete iyes ŋituŋa a ŋakwapin a ŋuna nyiyenete iyes, ido epote neni kus ekerete ŋituŋa a ŋakwapin a ŋuna nyiyenete iyes, aŋuna a Ekapolon Akuj kus ŋina asegan a Isirael, anerae ikitopoloyo iŋes iyes.

Isa. 56:8

Alimu Ekapolon Akuj ŋina ecununi Ŋisirael ŋulu erikoritae nakwapin ebe, “Acununi ayoŋ ŋuluce daŋ neni eya ŋulu sek adaun acunun.”

Isa. 60:3

Epote ŋituŋa anakwapin akiwuap ŋuna ka akica kus, epote ŋirwosi akiwuap ŋuna ka akica kus a ŋina ileere.

Isa. 62:11

Eserak Ekapolon ŋituŋa a akwap daadaŋ ebe, ‘Tolimokisi ŋituŋa a Sion atemar ebunit Ekapolon aiun iyes, eyaunit iŋes ŋituŋa ŋulu adau iŋes aiun.’

Yer. 12:16

Ekaku, ani keyenut ŋikidunyet a Ŋisirael ka alelakinit ayenun ŋuna iwuapito ŋituŋa kaŋ, ido kikoŋo alokiro kaŋ ebasi, ‘Ikwapei eyarya Ekapolon,’ lopite ŋolo etatamitotor ikes ŋituŋa kaŋ akikoŋ alokiro a Baal, ŋun nai epedoryata ikes akiboi kaapei ka ŋituŋa kaŋ.

Mika 5:3

Aŋun, imyekini Ekapolon ŋituŋa keŋ mono a lomoe kec, akitodol ŋina idounio aberu ŋina emaikina kidou lokoku keŋ, ŋolo erae ekepukan. Apaki nai ŋin iŋes eboŋunioto ŋikaitotoi keŋ ŋuluce kimorikin ka Ŋisirael.

Sakar 6:13

Erae iŋes edukokini Akai ŋina ke Ekapolon, ido einakinio iŋes apolou ŋina ailiilon, iboikin iŋes kipuka alokicoloŋ a ŋolo ka apolou. Eruwor iŋes esacaradoti anapukan keŋ. Itiyaete ikes ŋiarei kaapei alotooma ekisil ka akimorikina.’

Sakar 8:22

Epote Yerusalem ŋituŋa ŋulu alalak ka ŋakwapin ŋuna agogoŋok alojiesyo. Epote ikes akilip Ekapolon ŋolo Etiron ka akilipun ŋarereŋisyo aneni keŋ.

Luk. 2:32

Akica ŋina ecaikini lobukui ŋulu nyerae Ŋiyudayan, ka ŋina erae akipuro ŋina a ŋituŋa kon Isirael.”

Ŋitic. 13:47

Anerae ŋuna ikilimok Ekapolon isua akitiya ikes nu: ‘Eketuruwo ayoŋ iyes akica ŋina a ŋulu nyerae Ŋiyudayan, ikotere iyaunete iyes aiuno nakisaleta ŋuna ka akwap.’ ”

Ŋitic. 26:18

Iŋaari iyoŋ ŋakonyen kec, ikotere kibelekinos anakiryonut nakica ka anapedor a ŋina a Satan, pena neni ka Akuj; toryamut nai aŋuna ka anupit kec akisyonio ŋina a ŋasecisya ka akibois aneni a ŋituŋa a ŋulu eturuwo Akuj ŋulu keŋ.’

Ŋitic. 26:23

Abasi ikes ebe itemokino Kristo kisicanae ka toruwor ŋolo ke ekiŋaren ayarun alokatwak, kiserau nai akica ŋina ka aiuno neni a Ŋiyudayan ka ŋulu nyerae Ŋiyudayan daŋ.”