Isa. 49:4 - Ebaibul

⁴ Nai abu ayoŋ otema, “Etiya ayoŋ koŋin, ecanicanaa ayoŋ agogoŋu kaŋ koŋin ka acaryoon;” kikote neni daŋ, ayeni ayoŋ atemar akainakini Ekapolon ayoŋ ibore ŋini erae ŋini kaŋ ka eyai eropit kaŋ neni ka Akuj kaŋ.

Isa. 49:4 Iomraidhean Croise

1 Ŋirw. 19:10

Toboŋok iŋes tema, “Alelakinit ayoŋ nooi Ekapolon Akuj ŋina etiron; anerae emyekis Ŋisirael ŋuna apotu tocamut, abwaŋabwaŋaasi Ŋamuroeta kon, ido adaut akiar ŋikadwarak kon ke ekileŋ. Ayoŋ bon edoŋ ka iwarito ikes akiar ayoŋ.”

Ŋakit. 29:26

Iwarito ŋituŋa ŋulu alalak ajokis aneni a ekepukan, nai erae neni a Ekapolon eryamunia ituŋanan akiyookino.

Isa. 25:1

Okoe Ekapolon, irae iyoŋ Akuj kaŋ; eketopoloori ayoŋ iyoŋ, epuri ayoŋ ekiro kon; anerae itiya iyoŋ ŋakiro ŋuna ka aumokin, ŋakiro ŋuna keyeunio koloŋ sek, ŋuna ikinyoma ka ŋuna a kire.

Isa. 35:4

Tolimokisi ŋulu ekuryaka alotai kec ebe, “Togogoŋ, nyikuryaketa! Ebuni Akuj kus; ebuni iŋes akinyaŋar, inyaŋi iŋes ŋakiro kus enyunyura nooi, ebuni iŋes aiun iyes.”

Isa. 40:10

Kiirasi, ebunit Ekapolon Akuj ka apedor, ipukat iŋes a apedor keŋ, kiirasi, eyaunit iŋes ŋituŋa ŋulu adau iŋes aiun, eyakasi kiŋaren keŋ ŋituŋa ŋulu adau iŋes aiun.

Isa. 40:27

“Kaanukiro ibaakatar iyes okoe ŋituŋa a Yakob ka irworotor iyes okoe Ŋisirael ebe, ‘Nyeyeni Ekapolon ŋakiro kosi, kori nyemisit Akuj kosi ŋakiro kosi’?

Isa. 57:21

Emam nyeryamunete ŋulu itiyaete aronis ekisil. Alimu Akuj ŋakiro ŋun.

Isa. 59:18

Isicani iŋes ŋimoe keŋ lopite ŋolo eyakatar ŋiticisyo ŋulu itiyato ikes; enyunyurikin iŋes ŋimoe keŋ, isicani iŋes ŋimoe keŋ, isicani iŋes ŋulu iboiyete alodiyete anam.

Isa. 61:10

Alelyani ayoŋ nooi alotooma Ekapolon, itopoloori akiyar kaŋ daadaŋ Akuj kaŋ; anerae eketanap iŋes ayoŋ elou ŋolo ka aiuno, ekemuko iŋes ayoŋ a elou a ŋolo ka akiyookino, lopite ŋolo ilelebar alakara lotau a eteran ka lopite ŋolo esiryo ateran a ŋinapen a ŋulu ebusak.

Isa. 62:11

Eserak Ekapolon ŋituŋa a akwap daadaŋ ebe, ‘Tolimokisi ŋituŋa a Sion atemar ebunit Ekapolon aiun iyes, eyaunit iŋes ŋituŋa ŋulu adau iŋes aiun.’

Isa. 65:2

Ŋapakio daadaŋ, abu ayoŋ ebaki ŋakan kaŋ neni a ŋituŋa a ŋulu akaŋerito ayoŋ; a ŋulu nyiwuapito ŋipitesyo ŋulu ajokak; a ŋulu iwuapito ŋuna kec a ŋilopeyek,

Isa. 65:23

Nyitiyaete ikes ikoŋin, kori nyeuruunete ŋidwe ŋulu eryamunete ŋican, anerae eruwor ikes ŋiletok ŋulu iterereŋit Ekapolon kaapei ka ŋipapae kec.

Esek. 3:19

Nai ani kilimok iyoŋ ŋituŋa ŋulu aronok aesikin aronis kec, ido toŋero aesikin aronis kec, kori kitiyata ŋuna aronok, etwakete ŋituŋa ŋul aŋuna ka asecit kec; nai iuni iyoŋ akiyar kon.

Ŋilep. 26:20

Eruwor ŋiticisyo kus ŋicaryo, anerae nyerayete ŋikinyom kus, nyerayete tari ŋikito ŋulu ka ariet.

Mat. 17:17

Toboŋok Yesu tema, “Iyes ŋituŋa ŋulu nyinupito ka ŋulu ioliyorito! Ikiruki mono ayoŋ ka iyes tari ori? Akadaŋi ayoŋ iyes tari ori? Yautu edya neni kaŋ.”

Mat. 23:37

“Okoe Yerusalem, Yerusalem! Ŋituŋa kon ŋulu earete ŋikadwarak, tocaka a ŋamoru ŋulu iyakuunitae neni kus! Ŋarwa ŋayai acamitor ayoŋ acunakin ŋidwe kon, ikwaŋina ecunakinia akokoroit ŋimiyoi nabebenuk keŋ, nai nyikicamakis iyes ayoŋ!

Luk. 24:26

Nyiyenete iyes atemar etemokino Kristo toryamu ŋican, ikotere tolomarya napolou keŋ a?”

Yoa. 1:11

Abu iŋes bu lore keŋ, nai apotu ŋituŋa keŋ nyijaut iŋes.

Ŋirom. 10:21

Nai arae a ŋuna a Ŋisirael abaakar Isaya ebe, ebala Akuj, “Ŋapakio daadaŋ abu ayoŋ ebaki ŋakan kaŋ neni a ŋituŋa a ŋulu nyakakerito ka ŋulu akaŋerito ayoŋ.”

2 Ŋikor. 12:15

Abuni ayoŋ alakari nooi erae kekesunyak iyes ŋinibore daadaŋ ayakar ka ojal akuwan kaŋ daŋ aŋuna ka akiŋarakin ŋitai kus. Kaanukiro ikiminatar iyes ayoŋ iwadiocici aŋuna akaminar ayoŋ iyes nooi?

2 Ŋikor. 2:15

Kire, ikirae iwon aneni ka Akuj eure ŋolo akukunyon ŋolo a Kristo ŋolo ielakin lotuŋa ŋulu eiunitae ka ŋulu ebukoro.

Ŋigal. 4:11

Akabulit ayoŋ aŋuna kus! Apolou keŋ mono atemar etic daadaŋ ŋolo etiya ayoŋ aŋuna kus aruwor ekoŋinait a?

Ŋipil. 2:16

ikwapei iricitotor iyes ŋakiro ŋuna ka akiyar. Ani kitiyata iyes ikoŋina, aryamuni ayoŋ ŋakiro ŋuna eturokinor aŋuna kus Akoloŋit ŋina a Kristo, anerae itoodiuni neni ebe abu ayoŋ nyecanican agogoŋu ka etic kaŋ.

Ŋibur. 12:2

Orubakisi ikite Yesu ŋolo erae neni keŋ ebunitor anupit yok daadaŋ, ŋolo ilelebikini anupit yok. Abu iŋes todaŋ atwanare alomusalaba, nyemitak ŋileec, anerae apol alelyan ŋina edarit iŋes. Iboi tokona alowae a ŋolo aloteten ekicoloŋ ŋolo ka Akuj.