Isa. 49:23 - Ebaibul

²³ Eruworosi ŋirwosi aneni kus atapapa ka eruworosi ŋarwosi kec aneni kus atatoto ŋuna ikitanete iyes. Ijuuruyete ikes alokiŋaren kus ikitopoloorito iyes itiditeunosi ikes make ikitopoloorito iyes. Iyenunete nai iyes atemar arae ayoŋ Ekapolon, nyisurumyo ŋileec ŋulu ekekinyomito ayoŋ.”

Isa. 49:23 Iomraidhean Croise

Akisy. 27:29

Ikitiyanakinete ŋituŋa iyoŋ ka eryedikete ŋituŋa a ŋakwapin neni kon. Iruwor iyoŋ ekapolon a ŋikaitotoi kon, ekukonokin ŋisapa ŋulu ke ekal kus aloŋaren kon, ilamam ituŋanan daadaŋ ŋini ikilami iyoŋ ka erereŋ ituŋanan daadaŋ ŋini ikiterereŋi iyoŋ.”

Akisy. 43:26

Ani ebuni Yosepu lore, inasi ikes iŋes ŋainakineta ŋuna aris ikes keyaut kai, toryediko alokiŋaren keŋ.

Ŋikiru. 138:4

Okoe Ekapolon, ikipurete iyoŋ ŋirwosi daadaŋ ŋulu ka akwap, anerae eirasi ikes ŋakiro ŋuna ilimuni iyoŋ.

Ŋikiru. 25:3

Nyimyek ŋituŋa ŋulu ikigenosi iyoŋ kisirumae ŋileec; nai ŋulu ikiŋereneneete iyoŋ emam ŋuna ikiŋeritotor, ikes emaikina kisurumae ŋileec.

Ŋikiru. 34:22

Elakuni Ekapolon ŋiketiyak keŋ; mam epei daŋ aneni a ŋulu eiuna aneni ke Ekapolon ŋini nyeiunio.

Ŋikiru. 68:31

Epote alo Ijipit ŋikawoikinitok a ŋituŋa a Ijipit; ikyaarete ŋituŋa a Sudan ŋakan kec kilipa neni ka Akuj.

Ŋikiru. 69:6

Nyicamak ŋulu igenosi neni kon isurumyo ŋileec aŋuna kaŋ, okoe Ekapolon, Akuj ŋina aŋajoresyo; nyicamak ŋulu ikiwarito iyoŋ ejamuwaryo aŋuna kaŋ okoe Akuj a Isirael.

Awos. 6:7

Akayai ayoŋ iyes irae ŋituŋa kaŋ ka aruwor ayoŋ Akuj kus. Iyenunete iyes atemar arae ayoŋ Ekapolon Akuj kus, ŋolo akalaku iyes anakisicaneta a Ŋijipitian.

Isa. 14:1

Nai isyoni nabo Ekapolon ŋiletok a Yakob ka eseuni nabo Ŋisirael, iwuakini ikes nabo nakwap kec, epote ŋituŋa ŋulugelae akiboi kaapei ka ŋiletok a Yakob.

Isa. 14:2

Eyaete ŋituŋa a ŋakwapin ikes nakwapin kec, ido kinyakut nabo ikes nakibois kec, epolokinete nabo ŋituŋa a Isirael ŋituŋa a ŋakwapin, ikwaanikin ŋituŋa ŋulugelaanotin ka ŋapi ta ŋipi anakwap a Ekapolon, eyaete ikes erae ŋirikon ŋulu apotu kikamasi ikes ka ipukaete ŋulu apotu kisicana ikes.

Isa. 25:9

Akoloŋit ŋin, etemaryo, “Kiŋolikisi, erae na Akuj yok; aponi iwon kidarae iŋes ikotere ikiuni iwon. Erae lo Ekapolon ŋolo aponi iwon kidarae, olakaros ka olelyana aŋuna ikilakunia iŋes iwon.

Isa. 26:8

Anakiwuapit ŋikisila kon, ikidarit isua iyoŋ okoe Ekapolon, ekiro kon ka ayenenu kon, iŋes erae akiitanit a akiyar kosi.

Isa. 29:22

Aŋun, alimu Ekapolon ŋolo abu tolaku Aburaam ŋakiro nu aŋuna a ŋiletok a Yakob atemar: Nyeriŋa nabo isirumyo ŋiletok a Yakob ŋileec, nyeriŋa nabo ikes itonyorididete ŋireetin;

Isa. 41:20

ikotere iŋolikinete daadaŋ ka toyenut; ikotere etamatamaete ŋituŋa daadaŋ ka toyenut atemar Ekapolon etiya ŋun a apedor keŋ ka eyenunete atemar, Akuj ŋina asegan ŋina a Isirael iŋes emyek ŋun itiyakin.”

Isa. 43:10

Ebala Ekapolon, irae iyes ŋisuudae kaŋ ka ŋiketiyak kaŋ ŋulu abu ayoŋ oseu, ikotere iyes ikiyenunete ayoŋ ka ikinupete ayoŋ, ido toyenut atemar ayoŋ bon arae Akuj. Ayoŋ bon arae Akuj, mam akuj ace mam akuj ace ayai ekiŋaren, mam ace jik eyakaun ekaku.

Isa. 45:14

Alimu Ekapolon ebe, “Eyaunio neni kon ebari a Ijipit ka ŋiboro ŋulu egyelanaryo alo Esiopia ta ŋiboro a Ŋisabean a ŋituŋa a ŋulu aoyak, eyaunio neni kon ka eruworosi ŋiboro ŋul daadaŋ ŋulu kon, epote ŋituŋa ŋul akiwuap iyoŋ irae ekapolon kec; epote ikes neni kon eenitae a ŋiriko, toryediko alokiŋaren kon. Ikilipete ikes iyoŋ ebasi, ‘Iyoŋ bon irukito ka Akuj, emam ice erukito ka Akuj, emam akuj ace mati ŋina irukitotor iyoŋ.’

Isa. 45:17

Nai eiuni Ekapolon Ŋisirael alotooma aiuno ŋina a ŋikaru ka ŋikaru; nyikisurumyo iyes ŋileec, kori nyikisiguryakinio iyes ŋikaru ka ŋikaru.”

Isa. 49:7

Alimu Ekapolon Ekalakunan a Ŋisirael, Akuj a Isirael ŋina asegan, Akuj ŋina apotu ŋituŋa a ŋakwapin tojamuwasi ka toŋero, alimu iŋes ŋakiro nu neni a eketiyan a ŋikapolok ebe, “Ikiŋolikinete iyoŋ ŋirwosi, ido towua alokiŋaren kon, ikiŋolikinete iyoŋ ŋikapolok, ido eryedikete ikitopoloosi iyoŋ, anerae ikiseu iyoŋ Ekapolon ŋolo eyai akikinyoma, ikiseu iyoŋ Akuj a Isirael ŋina asegan.”

Isa. 50:7

Ekeŋarakinit Ekapolon Akuj ayoŋ; aŋun, emam ajokis alemar aneni kaŋ, aŋun, emam akuryanu eyai loreet kaŋ, ido ayeni ayoŋ atemar nyekesurumyo ayoŋ ŋileec,

Isa. 52:15

aŋun, eumokinete ŋituŋa a ŋakwapin a ŋuna alalak, ililiŋete ŋirwosi aŋuna keŋ, anerae iŋolikinete ikes ŋakiro ŋuna pa alimokinitae ikes ka eyenunete ikes ŋakiro ŋuna pa eirarito.

Isa. 52:6

Aŋun, eyenunete ŋituŋa kaŋ atemar arae ayoŋ Akuj akoloŋit ŋin eyenunete ikes atemar abu ayoŋ erwor ŋun, kire arae ayoŋ.”

Isa. 60:14

Epote ŋiletok a ŋituŋa a ŋulu sek isicanito etaun kus neni kus itiditeuna, eryedikete anakejen kus daadaŋ ŋulu sek ikijamuwarito iyes; enyaraete ikes etaun kus etaun a Ekapolon Sion ŋolo a Akuj a ŋina asegan a ŋina a Isirael.

Isa. 60:16

Ikitanete iyes ŋituŋa a ŋakwapin lopite ŋolo itanakia toto ikoku. Ikitanete iyes ŋirwosi, ido iyenunete iyes atemar ayoŋ Ekapolon arae ekaiunan ka ekalakunan kus, Akuj ŋina etiron ŋina a Yakob.

Isa. 60:3

Epote ŋituŋa anakwapin akiwuap ŋuna ka akica kus, epote ŋirwosi akiwuap ŋuna ka akica kus a ŋina ileere.

Isa. 62:2

Iŋolikinete ŋituŋa a ŋakwapin akiyookino kus ka iŋolikinete ŋirwosi daadaŋ apolou kus, ido ikinyarao iyes a ekiro a ŋolokitete a ŋolo elimuni Ekapolon.

Isa. 64:4

Ŋinapei koloŋ mam ituŋanan eira, mam ituŋanan ayenu, mam ituŋanan eŋolik akuj ace, iyoŋ bon ikiŋolikin, Akuj ŋina itiyae aŋuna a ŋulu idarito iŋes.

Esek. 37:6

Ewuanakini ayoŋ ŋamori neni kus ka emyekini ayoŋ akiriŋ itarapuwa iyes, tosodi nai okarapuwa ayoŋ iyes a amuny a ŋina ka akuwan; ewuakini ayoŋ ekieŋanu neni kus toruwor iyes ŋulu iyarete, ido iyenunete iyes atemar arae ayoŋ Ekapolon.”

Yoel 2:27

Nen nai iyenuniata iyes atemar ayai ayoŋ Isirael, arae ayoŋ Ekapolon Akuj kus, mam Akuj ace; mam nabo nyirumete ŋileec ŋituŋa kaŋ.”

Mika 7:17

Elyaete ikes alokwap ikwa ŋimuno, elomunete ikes anaduketa kec a ŋunajiet emaranete ka ekuryaka. Epote ikes ikitopoloorito iyoŋ Ekapolon Akuj kosi.

Ekim. 11:12

Ayoŋ mono apotiuni ŋituŋa lu daadaŋ a? Ayoŋ mono auruuni ikes a? Kaanukiro ibaakar iyoŋ ayoŋ todak ikes anatorobu kon lopite ŋolo edakitor akedaran ikoku ŋini eriŋa enaki, Kaanukiro ibaakar iyoŋ ayoŋ ya ikes nakwap ŋina ibu iyoŋ kiik ikoŋi ainakin neni atapapaa kec?

Mat. 25:16

Abu eketiyan ŋolo akorakinitae ŋicweei ŋikan tolot atipei kicurutak, toryamu ŋicweei ŋice ŋikan.

Ŋirom. 10:11

Ebasi Ŋakigireta ebe, “Ŋinituŋanan enupi iŋes, nyirumete ŋileec jik.”

Ŋirom. 5:5

Nyikitakadanakini iwon akigeno na, anerae elelebik Akuj amina keŋ lotai yok aneni ke Etau a ŋolo Asegan, a ŋolo erae ainakinet ŋina ka Akuj neni yok.

Ŋirom. 9:33

Amoru ŋin iŋes ŋina irworo Akuj alotooma Ŋakigireta ebe, “Kiŋolikisi, ewuakini ayoŋ neni a Sion amoru ŋina iguwanakini ŋituŋa, ataaba ŋina ibusonokini ikes. Nai ituŋanan ŋini enupi neni ka Akuj, nyirumete ŋileec jik.”

1 Pet. 2:6

Anerae ebasi Ŋakigireta ebala Akuj, “Topupokisi! Ewuak ayoŋ amoru tooma Sion, amoru ŋina itogogoŋit akai alokoona, ŋina eseunitae, ŋina epol egyelit. Iŋes ŋini enupi iŋes, nyisurumyo ŋileec.”

Akis. 3:9

Kiira! Ayauni ayoŋ neni kon atukot ŋina a Satan, ŋikalyokonok ŋulu ebasi ikirae Ŋiyudayan, nai nyerae. Ayauni ikes eteryedik alokiŋaren kon, ikotere eyenunete atemar akamina ayoŋ iyoŋ.