Isa. 49:19 - Ebaibul

¹⁹ Kire jik, ilelebunosi iyes nakiboisyo kus ŋuna sek apotu toruworos ŋacaryo ka ŋireŋoroto; kire jik, idiŋidiŋakinosi ŋituŋa kus anakiboisyo a ŋuna sek aponere ikiritar iyes, eakarete neni alwanan ŋulu sek apotu ikitoŋopiyasi iyes.

Isa. 49:19 Iomraidhean Croise

Ŋikiru. 124:3

apaki ŋina aŋoeta ikes nooi aŋuna yok, kikimunyarito iwon ŋimoe ŋul;

Ŋakit. 1:12

Bua etoŋopiyasi ikes eyarete ikwa ŋulu eŋopiyanarete nakibois a ŋikatwak, etoŋopiyasi ikes daadaŋ kikwaanikin ka ŋulu anuki kwap.

Isa. 1:7

Aruwor akwap kus ekasile, anomiya akim ŋitaunio kus, aŋatasi ŋituŋa ŋulugelae akwap kus iteete iyes, aruwor akwap kus ekasile, anomiya akim ŋitaunio kus.

Isa. 3:8

Kire, iteriterosi ŋituŋa a Yerusalem ka ebusokin ŋituŋa a Yudaya, anerae ŋakiro ŋuna irworosi ka ŋuna itiyaete ikes, erae aŋuna ka aŋeryo ka aremokinor apolou ŋina a Ekapolon!

Isa. 49:17

Iloito ŋikadukok kus ŋituŋa ŋulu ikimunaanarete iyes ka eakarete aneni kus ŋulu apotu ikituruwosi iyes ŋicaryo.

Isa. 49:8

Alimu Ekapolon ŋakiro nu, “Ani ŋina adolyo akoloŋit ŋina akaiunia iyes, abu ayoŋ ekeŋarak iyes, adau ayoŋ akiyok iyes, akituruwor iyes acamunet aŋuna a ŋituŋa a ŋakwapin, akinyakakin akwap lotuŋa kaŋ, akoranakin nabo akwap ŋina abu toruwor ekasile neni a ŋituŋa.

Isa. 5:6

Emyekini ayoŋ iŋes toruwor ŋalup ŋunacaryo, nyinyiporyo ŋikito keŋ, kori nyitao iŋes jik, erupunete ŋinya ka ŋamon a ŋikukwa aneni keŋ, alimokini ayoŋ ŋidouwon nyitodoto akiru lomanikor ŋol.

Isa. 51:3

Isirworiuni Ekapolon ŋituŋa a Sion; itojokuni ŋakiboisyo kec daadaŋ ŋuna apotu toruworos ŋacaryo ka ituruwori aloŋisat kec akibois ŋina ajokan ŋina ikoni Eden, kikwaanikin aloŋisat kec ka emanikor a Ekapolon. Eyakaun alelyanu ka alakara Sion, eokinete ŋituŋa a nen ŋieosyo ŋulu ka alakara.

Isa. 54:3

isiyotoryo ŋikukorin a akibois kon lowae ŋolo aloteten ka ŋolo alokedyeny, ikamarete ŋiletok kon ŋakwapin ka iboikinosi lotaunio ŋulu apotu toruwor ŋireŋoroto.

Yer. 30:16

Aŋun, emunyaryo daadaŋ ŋulu apotu itomunyasi iyes, tosodi erikoryo ŋimoe kus daadaŋ erae ŋirikon, eŋataryo ŋiboro a ŋulu apotu toŋatasi ŋiboro kus, esicani ayoŋ ŋulu apotu ikisicana iyes.

Yer. 51:33

Alimu Ekapolon ŋolo a ŋajoresyo, Akuj a Ŋisirael ebe, ‘Ekwaan ŋituŋa a Babilon ka ŋikinyom apaki ŋina eramere analos, kikote neni daŋ, alotooma apaki ŋina euruwuana, emunyaryo ikes.’

Yer. 51:44

Esicani ayoŋ Bel akuj ŋina a Babilon, etelekuni ayoŋ ŋituŋa keŋ ŋiboro ŋulu apotu ikes todemasi ŋituŋa, nyeriŋa nabo ŋituŋa a ŋakwapin eropiyete akilip neni keŋ, aritakin arwatata a Babilon.

Esek. 36:3

Todwar tokona tolimok ŋituŋa ŋulu eyakasi lokamukumukui a Isirael atemar alimu Ekapolon Akuj ebe, ‘Aŋuna aponiata ŋimoe kon ikitisilut iyoŋ kire ka ikinyasut iyoŋ alowaetin a daadaŋ, toruwor iyoŋ akwap a ŋituŋa a ŋakwapin a ŋunace ka aŋuna ibunio iyoŋ toruwor ŋina ikirworotor ka ikiyanyete ŋituŋa a ŋakwapin,’

Sakar 10:10

Enyakuni ayoŋ ikes nakwap kec, enyakuni ayoŋ ikes alo Ijipit ka Asiriya, esiboik ikes nakwap kec. Esiboikini ayoŋ ikes Gilead ka Lebanon daŋ ilelebunosi ŋituŋa kaŋ nakwap kec daadaŋ.

Sakar 2:11

Epote ŋakwapin ŋuna alalak akoloŋit ŋin neni ke Ekapolon, eruwor ikes ŋituŋa keŋ, iboikin Ekapolon kaapei ka ikes. Iyenunete nai iyes atemar Ekapolon ŋolo Etiron iŋes ekeyakuunit ayoŋ neni kus.

Sakar 2:4

Tema neni keŋ, “Tomotun, tolimok esorokit ŋol ŋolo eyakar akipimet ebe, ‘Ebala Ekapolon, eruwor Yerusalem etaun ŋolo emam ŋarwatatain aŋuna alalauniata nooi ŋituŋa keŋ ka ŋibaren keŋ.

Sakar 2:8

Aŋun, abu Ekapolon ŋolo Etiron kirwor ŋakiro nu kedau iŋes anapolou keŋ akiyok ayoŋ aŋuna a ŋituŋa a ŋulu apotu ikielasi iyes. Abu iŋes tema, “Kire jik, ituŋanan ŋini ikiari iyes, ikwaanikin ka ŋini elemari ibore kaŋ ŋini amina ayoŋ.”