Isa. 49:17 - Ebaibul

¹⁷ Iloito ŋikadukok kus ŋituŋa ŋulu ikimunaanarete iyes ka eakarete aneni kus ŋulu apotu ikituruwosi iyes ŋicaryo.

Isa. 49:17 Iomraidhean Croise

Esir 1:5

Apotu nai ŋikarikok a ŋikalya a ŋikabilae a Yudaya ka Benjamin ka ŋisacaradotin ta ŋilepi kaapei ka ŋituŋa daadaŋ ŋulu abu etau ŋolo ka Akuj min nen kec, tonyout kitipeiyosi Yerusalem adukokin nabo Akai ke Ekapolon Yerusalem.

Neem. 2:17

Abu nai ayoŋ olimok ŋituŋa otema, “Iteete iyes ŋican ŋulu ikiyakar iwon, epite ŋolo eyakar Yerusalem emunaara ka emunaaritae ŋipukei keŋ ka akim. Potu odukokisi nabo arwatata a Yerusalem, ikotere nyikijamuwar nabo iwon.”

Ŋikiru. 137:3

anerae apotu ŋulu ikirikorito isua ikiŋita isua aeikin, apotu ŋikesicanak kosi kiitana aneni kosi ŋieosyo ŋulu italakarete ikes; ebasi, “Toeikisi aŋuna kosi eete a Sion epei!”

Isa. 10:6

Eyakiyari ayoŋ ŋituŋa ka Asiriya akirem ŋituŋa ŋulu nyiwuapito ŋakiro ŋuna ka Akuj. Alimokini ayoŋ ikes toremo ŋituŋa ŋulu anyunyurikina ayoŋ, kiwoko ŋiboro kec ka toŋatasi ŋiboro kec ka kipudata ikes lopite ŋolo ipudaere aoret alorotin a etaun.

Isa. 37:18

Kire okoe Ekapolon, adaut ŋirwosi ka Asiriya akinyasun ŋituŋa daadaŋ ka ŋakwapin kec

Isa. 49:19

Kire jik, ilelebunosi iyes nakiboisyo kus ŋuna sek apotu toruworos ŋacaryo ka ŋireŋoroto; kire jik, idiŋidiŋakinosi ŋituŋa kus anakiboisyo a ŋuna sek aponere ikiritar iyes, eakarete neni alwanan ŋulu sek apotu ikitoŋopiyasi iyes.

Isa. 51:13

Ikimuryak iyes Ekapolon ekasuban kus, ŋolo abu topetak kidiama ka kiwuak ŋawoeta a akwap a? Ikuryaka iyes apaaran daadaŋ aŋuna ka adedeŋu a ekesicanan a ŋolo erae etic keŋ amunyar. Nai ai tokona eyai adedeŋu a ekesicanan?

Isa. 60:4

Kireosi kidiama ka toŋoleŋolekisi nawaetin; acunakin ikes daadaŋ, eponito neni kus, epote ŋidwe kus ŋulusapa aneni alwanan, edakunio ŋidwe kus ŋulupesur a ŋakan a ŋakedarak kec.

Isa. 62:5

Ikwaŋina iisya esorokit apese, iyoŋ daŋ Yerusalem iruwor akibois a ŋituŋa a ŋulu ikidukunete iyoŋ ka ikwaŋina elelyania eteran aŋuna ka ateran, elelyani Akuj kon daŋ aŋuna kon.

Esek. 28:24

“‘Nyeryamunete nabo Ŋisirael ŋikidunyet ŋulu enyasak ŋulu a ŋiman, ŋulu ikwaan ka ibore ŋinikwaam ŋini epipil ikimeme, kori ŋulu ikwaan ka ŋikukwa ŋulu eitaaka. Eyenunete ikes apaki ŋin atemar arae ayoŋ Ekapolon Akuj.’”

Esek. 36:10

Etalalauni ayoŋ ŋituŋa kus, elalata nooi Ŋisirael daadaŋ. Iboikinosi iyes lotaunio ka idukete nabo ŋitaunio ŋulu keponi kimyekinae ŋamoru bon etukosi.