Isa. 49:16 - Ebaibul

¹⁶ Kiirasi, adau ayoŋ akigirakin iyes nenidapal a ŋakan kaŋ, ekeyoki ayoŋ iyes a ŋinapaki alotooma ŋarwatatain kus.

Isa. 49:16 Iomraidhean Croise

Awos. 13:9

Emaikina nu totakana aneni kus ikote emacar ŋolo inapete iyes anakan kus ka anakyes kus erae akisiitunet, ikotere nyikimuryakis iyes ŋakiro ŋuna abu Ekapolon kitatam, anerae abu Ekapolon ikiyau iyes a apedori keŋ anakwap a Ijipit.

Eete a Ŋie. 8:6

kiwuak lotau kon amina ayoŋ bon, nyitiŋ akan a apese a ace mati ŋina kaŋ bon; anerae egogoŋ amina ikwaan ka atwanare, ededeŋ ekibure ikwaan ka akipany, erirae amina ikoni arira ŋina ka akim, mam ibore imyekini lopite ŋolo nyimyekinia akim ibore.

Isa. 26:1

Akoloŋit ŋin, eeikinio eete lo anakwap a Yudaya: Ikiyakar isua etaun ŋolo agogoŋon, Akuj ikiinanakini isua akiloun, lopite ŋolo ikiinakinia arwatata, kori aduketait ŋinajiet.

Isa. 54:12

Adukokini ayoŋ ŋaduketa kon ŋuna aoyak a ŋamoru a ŋuna enyaritae Rubi, adukokini ayoŋ ŋipukei kon a ŋamoru a ŋuna amilimilak ka adukokini ŋarwatatain kon a ŋamoru a ŋuna epol egyelit.

Isa. 60:18

Nyiiraryo nabo ŋuna ka aryenyeo anakwap kus, kori ŋinyas ka amunyoro alokukoryo ka akwap kus. Enyarao iyes ŋarwatatain kus ŋuna ikiunete ka enyarao iyes ŋipukei kus ŋulu ka akipuro.

Isa. 62:6

Okoe Yerusalem, ewuak ayoŋ ŋikererok narwatatain kon, nyililiŋete ikes naparan ka nakwaare. Iyes ŋikererok anarwatatain ŋulu inyarito Ekapolon, nyieŋut

Isa. 62:7

ka nyisieŋut iŋes daŋ akitodol ŋina esubakinia iŋes Yerusalem kituruwo etaun ŋolo arwon anakwap a daadaŋ.

Yer. 17:1

Igiritae asecit a ŋituŋa a Yudaya ka akalamu a ŋina erae asuwat, igirakinitae lotai kec a akou a akalamu a ŋina erae asuwat ŋina enyaritae diamon ka igirakinitae namomwar a ŋamuroeta kec.

Yer. 22:24

Alimu Ekapolon ebe, “Ikwapei ayarya ayoŋ, tari kikoni Konia lokoku a Yeoiakim ŋolo a Yudaya ekaboboot ŋolo alokimoin a akan kaŋ a ŋina aloteten, akalemari ayoŋ iyoŋ,

Agai 2:23

Ebala Ekapolon ŋolo Etiron ebe, “Akoloŋit ŋin, akayai ayoŋ iyoŋ eketiyan kaŋ Serubabel lokoku a Sealtiel, akainakini ayoŋ iyoŋ apolou, anerae akaseu ayoŋ iyoŋ. Ayoŋ Ekapolon ŋolo Etiron alimu ŋun.”