Isa. 49:15 - Ebaibul

¹⁵ Epedori mono akimuryakin aberu ikoku keŋ ŋini itanaki, kori epedori mono aberu awoun akisyon ikoku ŋini idounit iŋes alope a? Tari kepedorete ŋun akimuryakin aberu, nyimuryakinosi iyes aneni kaŋ.

Isa. 49:15 Iomraidhean Croise

Yob 24:20

imuryakin ikes tari aneni a ŋini kidouni ikes, ebobokini ŋikur akinyam ŋawat kec; nyerubakinio etamunitae ikes, aŋun, itoŋopiyaryo aronis ikwa ekitoe.’

Ŋikiru. 103:13

Ikwapei erimaania papa aneni a ŋidwe keŋ; erimaana Ekapolon aneni a ŋulu itopoloorito iŋes,

Ŋikiru. 27:10

Tari daŋ kakaŋero ayoŋ papa kaŋ ka toto kaŋ, ekeuryari ayoŋ Ekapolon.

Ŋikiru. 77:9

Emuryak mono Akuj araakau Akuj ŋina esyonon a? Alema mono iŋes aŋuna ka aŋoit keŋ akisyon keŋ a?”

Ŋakit. 31:2

Okoe ikaakoku ŋini irae aboŋokinet ŋina ka akilip kaŋ; okoe ikaakoku ŋini irae aboŋokinet ŋina ka akilip kaŋ!

Isa. 14:1

Nai isyoni nabo Ekapolon ŋiletok a Yakob ka eseuni nabo Ŋisirael, iwuakini ikes nabo nakwap kec, epote ŋituŋa ŋulugelae akiboi kaapei ka ŋiletok a Yakob.

Isa. 44:21

Okoe ŋiletok a Yakob, totamunito ŋakiro nu, okoe ŋiletok a Isirael, totamunito ŋakiro nu, anerae irae iyes ŋiketiyak kaŋ; ayoŋ akasubuni iyes, irae iyes ŋiketiyak kaŋ. Okoe Ŋisirael, nyimuryakinosi iyes aneni kaŋ.

Isa. 49:14

Nai ebasi ŋituŋa a Sion ebe, “Ikimyek Ekapolon isua, ikimuryakin isua aneni ke Ekapolon.”

Isa. 54:10

Epedorete ŋimoru aŋopiyar ka epedoryo ŋikamukumukui alemar, nai nyalemari ayoŋ amina kaŋ ŋina nyiryaŋiryaŋa aneni kon, nyepedoryo alemar aneni kon acamunet kaŋ ka iyoŋ ŋina ke ekisil. Alimu Ekapolon ŋolo ikisyonit iyoŋ ŋakiro ŋun.

Yer. 31:20

Erae mono Epuraim lokoku kaŋ ŋolominat a? Erae mono iŋes ikoku ŋini alakara ayoŋ aŋuna keŋ a? Ŋapakio daadaŋ ŋuna eruworor ayoŋ neni kus eketoroniyarit, akatamunit ayoŋ iyes. Aŋun, iyakasi iyes lotau kaŋ, kire jik, ekesyoni ayoŋ iyes.

Yer. 51:5

Nyimyekina Akuj kec Ekapolon ŋolo a ŋajoresyo ŋituŋa a Isirael ka ŋituŋa a Yudaya. Tari kelalak anakwap kec ŋasecisya alokiŋaren ŋolo asegan ŋolo a Isirael.

Aum. 4:10

Apaki ŋina aryamunitotor ŋituŋa kaŋ ŋican; apotu tari ŋaberu ŋuna sek aminasi ŋidwe kec, kipoto ŋidwe kec toruwor akimuj.

Aum. 4:3

Tari ŋikweei itanakete ŋitak kec, nai aryenyaaka ŋituŋa kaŋ, etiŋito ŋidwe ka aryenyeo, lopite ŋolo imyekiniata ŋakaleeso ŋitak kec analoŋisat.

Osea 11:1

Apaki ŋina ariŋaakar Isirael erae ikoku, abu ayoŋ ominak iŋes, abu ayoŋ onyarau lokoku kaŋ alo Ijipit.

Ŋilep. 26:29

Ikitanyami iyes akoro ŋawat a ŋidwe kus a ŋulusapa ka a ŋulupesur.

Mal. 3:17

Ebala Ekapolon ŋolo Etiron ebe, “Eruworosi ikes ŋulu kaŋ, ani edoli akoloŋit ŋina eturuworya ayoŋ ikes ŋituŋa kaŋ a elope, nyaari ayoŋ ikes, esyoni ayoŋ ikes lopite ŋolo epedorya papa akisyon lokoku keŋ ŋolo itiyanakini iŋes.

Mat. 7:11

Ani kipedorete nai iyes ŋulu iroko ainakin ŋidwe kus ŋiboro ŋulu ajokak, nyepedori nai Papa kus ŋolo anakuj ŋolo ejok ainakin ŋiboro ŋulu ajokak neni a ŋulu iŋitasi a?

Ŋirom. 1:31

Emam ŋakiro emisito ŋitai kec, nyiricito ŋakiro ŋuna iiyanakinete, emam ikes aminanar, emam akitim.

1 Sam. 12:22

Aŋuna a ekiro keŋ a ŋolo epol nooi, nyeŋeri Ekapolon ŋituŋa keŋ, anerae abu iŋes tolakar ikituruwo iyes ŋituŋa keŋ.