Isa. 49:14 - Ebaibul

¹⁴ Nai ebasi ŋituŋa a Sion ebe, “Ikimyek Ekapolon isua, ikimuryakin isua aneni ke Ekapolon.”

Isa. 49:14 Iomraidhean Croise

Ŋikiru. 13:1

Okoe Ekapolon, tari wori pa ikitamunit iyoŋ ayoŋ? Emuryakin mono ayoŋ aneni kon ŋikaru ka ŋikaru a? Apaki ŋina etya ai iyai iyoŋ nyiŋarakina ayoŋ?

Ŋikiru. 22:1

Akuj kaŋ, Akuj kaŋ, kaanukiro ikiesikinia iyoŋ ayoŋ? Kaanukiro ilwania iyoŋ aneni kaŋ akiŋarakin ayoŋ, kori akiirar ŋakiro ŋuna ekegworonokinio ayoŋ iyoŋ?

Ŋikiru. 31:22

Abu ayoŋ otema apaki ŋina ayakar locan, “idau iyoŋ akiritar ayoŋ aneni kon.” Nai ibu iyoŋ kiira akigworo kaŋ, apaki ŋina akanyara ayoŋ iyoŋ akiŋarakin ayoŋ.

Isa. 40:27

“Kaanukiro ibaakatar iyes okoe ŋituŋa a Yakob ka irworotor iyes okoe Ŋisirael ebe, ‘Nyeyeni Ekapolon ŋakiro kosi, kori nyemisit Akuj kosi ŋakiro kosi’?

Isa. 49:13

Okoe iyes ŋisubuna ŋulu alokidiama, toeikisi ka alakara, okoe iyes ŋisubuna ŋulu alokwap, tocelutu ka alelelyanu; okoe iyes ŋisubuna ŋulu iya lomoru tocelutu ieosi, anerae esirworiu Ekapolon ŋituŋa keŋ ka isyoni ŋituŋa keŋ ŋulu eryamunito ŋican.

Isa. 49:15

Epedori mono akimuryakin aberu ikoku keŋ ŋini itanaki, kori epedori mono aberu awoun akisyon ikoku ŋini idounit iŋes alope a? Tari kepedorete ŋun akimuryakin aberu, nyimuryakinosi iyes aneni kaŋ.

Isa. 54:6

Ikinyar iyoŋ Ekapolon esibit irae iyoŋ aberu ŋina eŋeritoe, ŋina iyaloloŋi alotau keŋ, esibit irae iyoŋ ateran ŋina iritari ekile eriŋa esorokana.

Yer. 23:39

kire jik, akadakari ayoŋ iyes ekerita iyes alokiŋaren kaŋ, iyes kaapei ka etaun kus ŋolo abu ayoŋ oinak atapapaa kus.

Yer. 31:3

abu ayoŋ otakanu neni kec aneni alwanan. Adau ayoŋ aminakin iyes ka amina a ŋina a ŋikaru ka ŋikaru, aŋun, arubak ayoŋ ekekinyomit iyes.

Aum. 5:20

Kaanukiro irubakinia iyoŋ pa ikitamunit isua apaki ŋina aoyan? Kaanukiro ikimyekinia iyoŋ isua ŋirwa ŋulu alalak?

Esek. 33:10

“Lokoku a ituŋanan, tolimok Ŋisirael atemar ŋakiro ŋuna irworo iyoŋ ikes nu ebe, ‘Adaut ŋakiro ŋuna abilere iwon ŋikisila ka ŋuna ka asecit yok akinuun iwon, ikilosi iwon apuripuryaar aŋuna a ŋakiro aŋun; alipite nai ikiyarya iwon?’