Isa. 49:13 - Ebaibul

¹³ Okoe iyes ŋisubuna ŋulu alokidiama, toeikisi ka alakara, okoe iyes ŋisubuna ŋulu alokwap, tocelutu ka alelelyanu; okoe iyes ŋisubuna ŋulu iya lomoru tocelutu ieosi, anerae esirworiu Ekapolon ŋituŋa keŋ ka isyoni ŋituŋa keŋ ŋulu eryamunito ŋican.

Isa. 49:13 Iomraidhean Croise

1 Ŋakiro a ŋirwa 16:31

Emaikina ŋisubuna ŋulu anakuj tolelyana, emaikina ŋisubuna ŋulu alokwap tolakaros; emaikina ŋisubuna ŋulu anakuj ka ŋulu alokwap tolimosi ebe, “Ekapolon iŋes erae erwosit!”

Ŋikiru. 148:9

Kipuro Ekapolon iyes ŋimoru ka ŋimukura daadaŋ, ŋikito ŋulu a ŋaraito ka ŋulu a Cedar daadaŋ,

Ŋikiru. 65:13

Ilelebunun ŋisipanin a ŋamesekin nadakarisinei, ido ilelebunun ŋikinyom nakadipaalae; elakar ŋinibore daadaŋ lopite ŋolo elakarotor ŋituŋa tocela ka toeoto.

Ŋikiru. 69:34

Okoe nakuj ka akwap, kipuro Akuj, iyes ŋanamyo ka ŋisubuna daadaŋ ŋulu eya tooma kec, kipuro Akuj;

Ŋikiru. 71:21

Iyatakinit iyoŋ arwonu kaŋ nooi, ido ikisimukek ayoŋ nabo.

Ŋikiru. 89:13

Epol nooi agogoŋu kon, itopolooritae nooi apedor kon.

Isa. 12:1

Ebuni akoloŋit ŋina eokinioto ŋituŋa ebasi, “Okoe Ekapolon, alakar ayoŋ neni kon, anerae tari ŋina iŋoitor iyoŋ aŋuna kaŋ, ibu iyoŋ tojoŋo aŋoit aŋuna kaŋ ka ibu iyoŋ ikisirworiu ayoŋ.

Isa. 14:1

Nai isyoni nabo Ekapolon ŋiletok a Yakob ka eseuni nabo Ŋisirael, iwuakini ikes nabo nakwap kec, epote ŋituŋa ŋulugelae akiboi kaapei ka ŋiletok a Yakob.

Isa. 44:23

Okoe iyes ŋisubuna ŋulu alokidiama toeikisi, anerae adau Ekapolon akitiya ŋuna ka alakun; okoe iyes ŋisubuna ŋulu iyakasi kwap akwap, tocelutu ieosi, okoe iyes ŋimoru, toeikisi, okoe ŋamoni ka ŋikito daadaŋ ŋulu iyakasi namoni, toeikisi, anerae alaku Ekapolon ŋiletok a Yakob, tosodi itopolooryo iŋes alo Isirael.

Isa. 48:20

Towotokisi alo Babilon, toema alo Babilon tolimosi ŋakiro ŋun ke ecelet a ŋolo ka alakara, kiserautu ŋakiro ŋun. kitodolo ŋakiro ŋun nakisaleta ka akwap, temasi iyes, “Alaku Ekapolon ŋiketiyak keŋ ŋiletok a Yakob.”

Isa. 49:14

Nai ebasi ŋituŋa a Sion ebe, “Ikimyek Ekapolon isua, ikimuryakin isua aneni ke Ekapolon.”

Isa. 51:12

Arae ayoŋ ŋolo ekesirworiuni iyes; kaanukiro nai ikuryanitotor iyes aŋuna a ŋituŋa a ŋulu epedorete atwakare, a ŋituŋa a ŋulu eŋopiyarete lopite ŋolo eŋopiyareta ŋinya?

Isa. 51:3

Isirworiuni Ekapolon ŋituŋa a Sion; itojokuni ŋakiboisyo kec daadaŋ ŋuna apotu toruworos ŋacaryo ka ituruwori aloŋisat kec akibois ŋina ajokan ŋina ikoni Eden, kikwaanikin aloŋisat kec ka emanikor a Ekapolon. Eyakaun alelyanu ka alakara Sion, eokinete ŋituŋa a nen ŋieosyo ŋulu ka alakara.

Isa. 52:9

Toeikisi iyes daadaŋ kaapei, ŋaduketa a Yerusalem ŋuna eritakinitae kwap, anerae eŋarak Ekapolon ŋituŋa keŋ, ido alaku iŋes Yerusalem.

Isa. 54:7

Alimu Ekapolon Ekalakunan kus ŋakiro nu, Abu ayoŋ okeŋer iyoŋ alotooma apaki ŋina euruwuana, nai anakisyon a ŋina apolon nooi, akacununi ayoŋ iyoŋ.

Isa. 54:8

Abu ayoŋ ananyunyura kaŋ a ŋina alalan ewua ereet kaŋ aneni kon, nai anamina kaŋ a ŋina a ŋikaru ka ŋikaru, ekesyoni ayoŋ iyoŋ.

Isa. 55:12

“Ilosete iyes alo Babilon ilakara ka ikitenaryo nakwap kus a ekisil; eokinete ŋimoru ka ŋikamukumukui alokiŋaren kus ka eramakinete ŋikito ŋulu a ŋimanikorin ŋakan kec.

Yer. 31:13

Elelyanete nai ŋasorok alodoŋa elakarosi ŋisorok ka ŋikasikou, elocokini ayoŋ akiyaloloŋ kec toruwor alelyanu, esirworiuni ayoŋ ŋitai kec, oinak ikes alakara akilo akiyaloloŋ.

Yer. 51:48

Ekaku ŋun, ecelunete ka alelyanu, ŋisubuna daadaŋ ŋulu alokwap ka ŋulu alokidiama, aŋuna ka akinyasuno a Babilon, anerae epote ŋikenyasak alo Kuju akitijikin Babilon.

Esek. 35:14

Alimu Ekapolon Akuj atemar, eketuruwori ayoŋ iyoŋ neni asilon, ikotere ŋituŋa a akwap a daadaŋ elelyanete aŋuna iruworor iyoŋ akoŋinait,

Luk. 15:10

Ikwaŋinapei, akalimokini ayoŋ iyes atemar, elelyanete ŋimalaikan ŋulu ka Akuj ikotere epeikasecan ŋolo ekii ŋasecisya keŋ.”

2 Ŋikor. 7:6

Nai, abu Akuj ŋina emaimaan ŋulu esiliyorito ikitogogoŋ isua apaki ŋina adolunio Tito.